Ваеравы си’’ив маттамдэй яляхана Тыбэрта яля Красной ӈэсыхына ваерась. Таняна илена’’ хибяри’’ хойхана мюсерта’’ нито’ хэбидя ялям ӈатедонзь, хамякуць.
Ӈэсыхынандо хувэхэд яндаха’’на’’ музыка’ мун’’ соць, тикахад хусувэй хибяри ихина савась, мал’ ӈарка ялям мэ’’манзь ятналыдаць.
Тюку по’ СПК’ «Харп» е’’эмня юбилейной по’, таняна манзарана’’ хибяри’’ колхозандо’ 95 пом’ ядабтаби’’.
Тыбэрта яляхана ӈатевыдо хойхана мюсермы’’, теда’ таняна манзарана’’ тыбэрта’’, мяд’ манзаи’’ пэрта, сельхозкооперативхана манзаравы’’ ветеран’’, сэдорана’’ хардахана манзарана’’ не’’.
Ӈарка я’ хойхана тыдо’ маниена’’ хибяри’’ хэбидя ялям’ Краснойхана округна’’ губернатор’ е’’эйӈэ тарана Ирина Гехт нэдась, пыда тарця вади’’ хэтась.
– Тюку яля тыбэрма сер’’ – сельской хозяйство’ тэри’ тарця отрасль’ ни’’ ӈа’’. Тикы маня’’ яна’’ пирамдёсь’, яна’’ культура’, ӈани’’ яхат’’ яӈгава’, округна’’ нерм’ пэрта ма. – Маня’’ сер’’ма’’ – хой’ илм’ савумдась, хамадабива’’, сянбирувна хойхана манзарась саӈгово’’ӈа’’, мяд’ манзаи’’ пэрта’’ нехэ’’на’’ сибиць ни’’ ӈа’’. Тыбэртяӈэ – пыдара’’ выӈгы’ ямда лэтбадада’’. Пыдара’’ невхы похот’ тэвравы иламда’ нерня’ минрева’’ поӈгана, пуданда’ миндаха’ хари’’ вадамда’, культурамда’ тэврамбида’’. Ӈоб’’ нерня’ тарем’ иледа’’, сензда ӈада’’, мякнанда хусувэй ӈамгэра’’ сава ӈэя, тыда’ ӈокамданая, маня’’ округва’’ сэвхана маниесь савумданая! – Ирина Гехт мась.
Ӈарка яляхана СПК «Харп» ервота Надежда Канева лаханась, янда’ тер’’ хибярихи’ мядонзэй’’, благодарность’’ тэврась. Ӈока ихид’ минда’’ вади’’ ӈэсыхынандо’ сельской хозяйствохона манзаравы’’ хибяри’’, ветеран’’. Тарця хибяри’’ поӈгана Николай Ильич няби Екатерина Александровна, Выучейской’ мяд’ тер’’ 1979 поход Ӈарка я’ хойхана мюсерӈаць. Хасую’’ нюмди’ вадавэхэ’, нюти’’ ню’’ тикахарта ӈокарка. Пыди’ хасава нюди’, нюти’ ню’’ нисянато’, небянато’ серм’ пэрӈа’’. Тикы хибяри яб’ ни’’ӈа’’? Николай Ильич СПК’ «Харп» ветеран, Екатерина Александровна – почётная чумработница НАО нювм’ минрена.
Сян’ по’’ тяхана пыди’ хардан’ илелъяханзь, тарем’ ӈод’’ Екатерина Александровна тенад’ мехпошивхана манзара.
– Хойхана манзая’’ пили’’ ӈока ӈэсеты, хасава тэхэ’’на’’ мэсеты, не мякана.
Теда’ нив’ таслаӈгу, мюсермы’’ по’’ ямбан сяӈок ембяр’’ сэдвакэдм’, мяд’ тер’’ нини’’ сэдорпасетыдм’. Теда’ мехпошивхана хойхана мюсерта’’ е’’эмня тарана ӈаву’’ сэдбива’’, сыра мэта’’ ӈавори’’, мяд’ ея’’ сулурпива’’, едэй ея’’ сэдбива’’. Тены’ похо’’на’’ не’’ ни’’ мюсер’’, мал’ манзаи’’ сэдорана’’ мехпошивхана пэръядо. Манзаями’ ёльце харвабтав, сянад’ тына’’ явнана’’ ядэрӈа’’, ненэця’’ ты’’ пэрӈа’’ маня’’ манзаява’’ таневнда – тарем’ не лахана.
Николай Ильич, Екатерина Александровна Выучейскойха’ илеванди’ ямбан ӈобкана мэнараха’. По’’ тяхана Краснойхана ниди’ сэвтэвыдись, тикахад пирибця мят’ ӈэвтана тоць, тюням’ мэ’’ӈаць. Те’ ёльцянд ниди’ сахарамба илеӈаха’, ниди’ вада’ пеляхад хамадабиди’. Манзаянди’ хэбидя яляхартади’ – ӈопой! Хардахана илехая’, хой’ якоцянди’ нямна иди’ пили’’ няркна.
– Илевами’ ты’’ хэвхана соя’’махадани’ пенсиян’ хэвани’ ёльцянд мэ’’ӈавась. Манзарась нята’’ нина’’ ня нясъюмба манзараваць, хусувэй танеда сер’’ ӈобкана тасмлабсетына’’, ӈацекы’’ хэвханана’’ мэсеты’’. Хойхана илесь ёльце савась, нара ёльцяӈгана ява’’ несэюмданасеты, тиртя’’ мун’ ханярина сосеты’’, сую’’ ёльцяӈгана тэтнасетыва’’. Сыра мальӈгана ява’’ сэр’ ӈэсеты, паской – хойхана манзаравы’’ ветеран’ лахана. – Теда’ ӈэни’ е’’, тарем’ нивы ӈэбнанда’ ӈа’’, тамна манзараӈгудамзь. Хой’ якоцяни’ нямна тябекурсетым, тэхэ’’ни’ харвадм’, ханяна тэворцетыдм’.
Тюку яля’ мань сава ихина тюкон’ тодамзь, сейханани’ ёльце сава, хуркари’’ конкурс’’, сянакова’’ миӈа’’, мал’ нюмдева серта’ яӈгу. Ӈэсы тер’’ не’’ пэдава’’ хуркари’’ ӈамнелада ӈавар’’ хамадавы’’, конкурсан’ тэвравы’’. Тикы’ пуд’’ няна’’ тярпидонзь. Тарця ӈарка ялям’ хамадавы’’ хибярихи’ ӈарка вадам’ хэтбидм. Тыбэрта ялян’ яндахат товы’’ хибяри’’ ӈока’’.
– Мань хойхана соядамзь, вадыдамзь, ябда нисяни’, небяни’ хэвхана мюсерӈадамзь. Тюку яля хусувэй ӈамгэда’ сава. Яляда иба, паской, хаярэця, мерцяко, неняӈг’’, нибярё’’ яӈгу. Нисянана’’, нисянана’’ тензебтембива’’, хойхана илевы’’ по’’ маниена то’’олхава’’ – тарця вади’’ Краснойхана илена некоця’ Любовь Белугина хэта. – Хойхана школан’ хэван ёльцянд иледамзь, ханяна манзарасетыва’. Нисями’ бригадирӈэ тарась, илебэй ненэця’’ тохолабсеты, теневанида няндо’ манэ’’лабтабасеты. Тыбэрта ялява’’ хойхана мэцетыва’’, ӈопой яхана ма’’ласетына’’, ныланасетыва’’, тэхэ’’на’’ пирдырцетыва’’. Ӈацекы’’ нисеты пин’, тэри’’ ӈэдалёсеты’’.
Тюкумэвахана Краснойхана Тыбэрта яля’ саць сававна ваерась. Яндахат товы’’ мядонда’’ мякандо’ ӈэдалась нидаць парамбю’’, хусувэй хибяри Краснойхад хэван’ нинархась харва. Ӈарка ялям’ хамадавы’’ пэдава! Яля’ ямбан хуркари’’ площадка’’ манзараць, хибяхова’’ падтаӈгуць, фотозона’ манзараць, хэвханандо’ хибяри’’ пыдадо’ тадтамбиць, декоративно-прикладной творчество’ манзаи’’ минрена манзаидо’ миндапиць, мастер-класс’’ танець. Ёльце савась!
Перевод на русский язык
День на славу удался
Не ошибусь, если скажу, что в посёлке Красное День оленевода ждали и готовились.
С утра здесь звучит музыка, которая поднимает настроение красновцам и гостям.
В этом году СПК «Харп» отмечает славную дату – 95-летие предприятия. И главные герои Дня оленевода – лучшие работники и ветераны сельхозкооператива, оленеводы и чумработницы, мастерицы мехпошива.
Праздник тружеников Большеземельской тундры в Красном открыла врио губернатора округа Ирина Гехт, с приветственным словом она обратилась к участникам торжества.
Руководитель региона отметила, что сегодня оленеводство – это больше чем просто отрасль сельского хозяйства. Это гордость региона, его культура и идентичность.
– Наша цель – сделать быт в тундре комфортнее, а труд оленеводов – легче. Хотя, конечно, никто не станет отрицать, насколько тяжела работа в тундре, особенно для женщин-чумработниц. Вы, дорогие оленеводы, – истинные хранители тундры. Вы не только продолжаете вековые традиции кочевого образа жизни, но и передаёте из поколения в поколение ваш уникальный язык и культуру. Желаю вам крепкого здоровья, семейного благополучия, приумножения оленьих стад и процветания нашему округу! – поздравила красновчан Ирина Гехт.
Руководитель СПК «Харп» Надежда Канева торжественно вручила труженикам предприятия подарки и благодарственные письма. Среди них оленеводы и чумработницы, труженики посёлка, внёсшие весомый вклад в развитие сельхозпредприятия.
Супруги Николай Ильич и Екатерина Александровна Выучейские с 1979 года кочевали по Большеземельской тундре. Девять детей вырастили, а внуков куда больше. Их сыновья и внуки продолжают важное дело родителей. Не в этом ли счастье человека?
Николай Ильич – ветеран СПК «Харп», Екатерина Александровна – почётная чумработница НАО. По причине здоровья супруги перешли на оседлость, но Екатерина Александровна и сейчас трудится в мехпошивочной мастерской.
– Работы в тундре всегда много: пастух – в стаде, женщина – в чуме. Не счесть, сколько вещей сшила за годы кочевий, да и сейчас семью обшиваю. В мехпошиве шьём тёплые вещи для тех, кто в тундре, ремонтируем нюки, новые шьём. Сейчас всё это делаем не в тундре, а в мастерской. Мне нравится моя работа, наш труд востребован, – рассказывает женщина.
Николай Ильич и Екатерина Александровна Выучейские всю жизнь вместе. Познакомились в Красном, жених сосватал невесту по ненецким традициям, так и свадьбу сыграли. И живут с тех пор душа в душу, с полуслова понимая друг друга. И праздник профессиональный у них один на двоих!
Супруги признаются, что скучают по тундровым просторам.
День оленевода – памятный праздник для Любови Белугиной. Она родилась и выросла в семье оленеводов Большеземельской тундры, её родители успешно трудились в колхозе «Харп».
– До школы мы кочевали вместе с родителями, счастливые детские годы живы в памяти. Папа был бригадиром, наставником молодёжи, делился опытом и знаниями. Помню праздники в тундре, были гонки на оленях, дети участвовали и ничего не боялись. Сегодня праздник в посёлке, тоже хорошо. Природа подарила замечательный день, тепло, солнечно, ветерок, нет комаров и мошек, людей море. День воспоминаний и радости, – рассказывает Любовь Михайловна.
В минувшую субботу гости из столицы округа и других населённых пунктов округа с грустью покидали гостеприимный посёлок. Тепло было не только от жаркого летнего дня, но и от трепетного отношения к традиционной отрасли в Красном. Организаторы постарались! В течение дня работали различные площадки, каждому было дело по душе. Кто-то рисовал на асфальте, желающие сделать фото на память выстраивались в очередь, мастера декоративно-прикладного творчества предлагали рукотворные изделия, проводили мастер-классы. Женщины Красного приняли активное участие в гастрономическом конкурсе и угощали земляков изысканными блюдами. День удался на славу!
