Ваеравы ирийхана Норвегияхана ма’’лёва ваерась. Таняна хуркари’’ яхад’ товы’’ хибяри’’ сян яля’’ ямбан манзараць, хари’’ вада’’ нямна тасалкуць. Маня’’ округхадана сидя тохолкодава таняюв’ ӈэдалёрӈаханзь.

 Хурка серу’’ тасламбавыць, ханзер’’ нина’’ манзаравыць? Тикы нямна вадам’ няна маркы’ санаторно-лесной школа-интернат тохолкода Юлия Александровна Ледкова тэврась. Пыда’ падна: - Норвегияхана Каутокейно’ маркана ты’ саполана ирийхана конференция ӈась. Конференциян’ хуркари яхад’ товы’’ хибяри’’ таняць’’. Тохолкода’’ Норвегияхад, Финляндияхад, Швецияхад, Россияхад, Канадахад, Аляскахад, Гренландияхад  ма’’лэядаць’’. Пыдо’ Арктикахана ӈахат иленя’ хибяри’’ вади’ илелтава, лэтрамбава е’’эмня серо’ тасламбиць’’. Тикы ед’ юпик’’, инуит’’, саам’’ Арктикахана иленя’’ доклад’ сертабиць’’. Новой Зеландияхад тобэй не, яханандо’  маори вадамдо’  ханзер илелътембава сер’’ вадеӈась. Маня’’

округхадана  сидяӈэ’ ядэрӈанись Марюева Ольга Витальевна, мань’. Ольга Витальевна Нельмин’ саля тер тохолкода, пыда ӈобтарем’ ненэцие вадан’ ӈацекы’’ тохоламби. Конференцияхана мань’ ӈод ханзер’’ округханана ненэцие’ вадава’’ лэтрамбива’’, нерня минрева’’ мимам’’ ваде’’ӈавась. Конференцияхана сян’ яхад тобэй образование’ министр’’ манзараць’’, тарана соглашение’ падар’’  Арктикахана ӈахат иленя’ хибяри’’ вади илелътембва, лэтрамбава  е’’эмня сертаць’’.