Нянэювна ты’’пэртя’’ хибярина ӈэрм’ яхана илена’’. Ханяна ӈока по’’ ямбан ненэця’’ тыдо’ пэрць мюсерӈа’’, тикахад’ илевадо’ пилибт’ пересь. Теда ӈод ты’’пэртя хибярихина ты’ сямянд’ таранада. Тэхэна нина’’ ӈэдалёрӈа’’, ты’ хибярим’ ембпида, ӈавламбида. Тэси’ ӈэрм’ ненэць илевада яӈгуд’ нив’.

Маня’’ округна ты’’пэртя’’ теда сямянд’ ӈатена яляхандо’ хамяку’’. Ты’’ ялява хусувэй по’ мэцьтыва. Тюку по’ ӈод таремъв ӈэвндя. Тарця ялуна тюку по’ неняӈг’’ ирийна пудана яляхад’ пилю’’ ирий маттамдэй толыр’’ ӈэсонд’ мэтава’’. Ненэциена тарця яляхана ныланавась ма’’лаӈгуд’, сянакода’’, поӈгнандо’ пирдырта’’, по’ ямбан манзара’’мидо’ таслаӈгу’’.

Ты’’пэрма серу’’ хуркари ма’’лёвахана таслабсетыдо’, хуркари яхана манэ’’сарцетыдо’. Тюку ирийхана ты’’пэртя самлязимдей Всемирный конгресс’ Китайхана ваераӈгу. Генхе маркана ты’’пэртя ма’’лаӈгуд’. Россияхад’ товы’’ хибяри’’ ӈод таняна манзаравнда. Маня’’ округхадана делегация’ хэвась ятна.