Маня’’ округханана ӈока тарця хибярина иле’’, хуний харто’ яханандо’ соясь, вадёсь. Тикахад’ илевандо’ ямбан таняна манзара’’. Тарця хибярина маркана таня, хусувэй ӈэсыхына иле’’. 
Мал’’ пыдо’ илан’ мэёвна сырта’’ хибяри’’. Тарця хибяри’’ Несь’ ӈэсыхына ӈод таня’’. Ӈопой тарця не’ Надежда Федоровна Ардеева. Канин’ выӈгана мюсерта’’ ненэцие’’ мякана ёнар’’ хасуюёнар’’ сидя юдимдей по’ пилю’’ ирийхана соявы’’, хойхана вадювы. Хой’ илм’ сававна теневана не. Илеванда’ ямбан ӈокавна манзаравы. Пыда саць нямбара хибяри, невхы хынс’’ теневана.
Нара някуна’ Няръяна маркана ваеравы «Сава сёхона» Надежда Федоровна хыно’’ӈась. Тюку по’ пилю’’ ирий тетимдей яӈганя яляхана Надежда Федоровна хасуюр’’ самляӈг помда ядтась. Тикы яляхана пыда ӈока’’ сейхад’ миндя’’ вади’’ намдась, перенида’’ мядоманзь’ мяканда турӈаць. 
Надежда Федоровна, тад’ нерня сензан’ ӈа’’, ябда пон’ иле’’!