Тюку по’ Бугрино’ ӈэсыхына школа-садхана няхар’’ ю’’ мат’’ ӈацекы’’ тоходанаӈгу’’.

Мале’ валакада тикы ӈэсыхы школа-садхана манзарана’’ тохолкода’’, воспитатель’’, ӈарка яна’’ сян’ ёнар’’ ӈацекы’’ тотрев, тоходанава помдо’ пяӈгудо.

Вэба ирий’ нертей толыркана – знания’ ялям’ Бугринохона сидя ю’’ няхар’’ школахана тоходанана’’, тикахад няхар’’ яӈганя садикан’ товы’’ ӈацекы’’ ядабтаӈгудо.

Тикы ӈэсыхы школьной учреждение’ ервотаӈэ мале’ ӈахакуд Татьяна Ледкова манзара. Пыда Хонгурей ӈэсыхы тер’’, таняна небяда, нисяда илеӈаха’. Ӈацембой некоця Бугринон’ мэнена хасаванда’ хэван маркана школамда ёльце’’махад товысь, тарем Холговхана мале’ сидя ю’’ сидя по’’ ямбан иле. Ӈохона илесь тоходанась, ӈэсыхына илена’’ хибяри’’ торумдась, ивнанда ӈась. Сава хибяри няюв’ ӈобт’ илелъяханзь, семьяди соясь, манзаяда танесь, тюкохана нюда’’ сояць… Ӈамгэ тамна ябдава е’’эмня тара?

– Теда мань тюкоход ханяхарт ним’ хант. Мань тюхохана илесь торумадм’, минрена манзаями’ ивнани’ ӈа’’. Холговхана илева’’ сацьри сибиць ни’’ӈа’’, мире’’ӈа, пили’’ теци, тарем’ ӈод’’ ӈамгахэртан нись’ сыр’’, маня’’, тюкохона иленаӈэ, хари’’ ӈэсыва’’ мэнева’’! – тарця вади’’ по’’ ваерась лаханась нями’ хэтась.

Ӈэсыхына ӈацекы’’ валакада начальной образованием ня’’амби’’, самлязимдей классхад, тамна нерня’ тоходанаванзь А. П. Пырерка’ нювм’ нюбета Ненэцие’ средней школан’ Няръяна март’ тэворӈа’’. Тоходанава по’ ямбан небянато’, нисянато’ хэвхана нисеты’’ мэ’’.

Татьяна Александровна ӈока ню’’ небя, пыда тет ӈацекэда тарця сер’’ сейхананда сацьри сава нисеты ӈа’’. Тюку по’ нюдяко не’ нюда нябимдей классхана тоходанаӈгу, няхар’’ по’’ ваерась, нерня’ тоходанава е’’эмня ембцотадо хардаханда март’ ӈэдалаӈгу.

– Сяхаӈгава маня’’ ӈэсыхынана’’ школа-сад сертаванзь ятнаць. Тенад невхы хардахана ӈацекы’’ тоходана’’. Тарем’ школам ни’’ серта’’. Теда’ хибя’’ е’’эмня сертабаӈгудо’, ӈацекы’’ толыр’’ тянё. Ӈарумы’ ӈацекы’’ тоходанавандо’ пуд’’ пуня’ ни’’ тэвор’’, манзараванзь ӈани’’ яхана хаюрӈа’’, – Татьяна Александровна тарця вади’’ хэтась.

Тюку ялян’ Бугрино’ ӈэсыхы’ школа-садхана тет тохолкода’’ ӈацекы’’ тохолаби’’, тет воспитатель садикхана манзара’’. Тюку по’ таня манзараванзь ӈацембой тохолкода товысь, хасава школахана манзараӈгу, английской вада, физкультура урокм’ минреӈгу. Ӈани’’ сава сер’’.

– Маня’’ коллективва’’ сава, тохолкодина’’ хари’’ манзаидо’ сававна теневыдо’, харвась манзарана’’. Ӈокаювдо’ мале’ ӈахакуд ӈацекэхэ’’на’’ манзара’’. Тикада’ вэварка – ӈавар’’ тэвмдабава’’, тэврабва’’ сер’’ тоенарка. Холгованхана ханяна тарана ӈавар’’ нисеты тэвор’’. Ӈарка яхад ӈохона’’ тэвравада хубта. Школана’’ е’’эмня таранадава’’ почтам’ тэврамбада вертолётхана тэво’’ласетыва’’, няхар’’ юр’’ сидя ю’’ ӈыдавам’ ӈопой мэвахана тасетева’’. Тарем’ тэво’’лава сацьри’ ни’’ серос’’. Хусувэй мэвахана март’’ ӈэдалёрць тарасеты – ӈэсыхы школа-сад ервота лахана.

Хаювы яляха’’на’’ Бугринон’ округна’’ губернатор’ манзаи’’ тасламбада Ирина Гехт тэворӈась, ӈавар’’ тэврамбава сер’’ нямна мась – ханзер’’ тарця серкат’ тарпгуна’’, пон’ лэтбада’’ ӈавар’’, хусувэй яля тарана’’ Холгован’ ӈокаркавна тэврась тара, пили’’ танебнандо’.

Тикахана школахана ӈавар’’ пирембада пили’’ таранидо’ танеӈгу’’. Тюку ялян’ таслась Холгован’ тарана ӈавори’’, ӈавар’’ тэврамбава’’ саць тоенана сер’’. Тикы нямна ивъер’ ибедорць тара. Тарця сер’’ ервуна’’ манэ’’сартадо’, ибедорта’’ ханзер’’ тарця серм’ таслась.

Тохолкова пом’ пявы’’ тохолкодаха’ тарця вади’’ хэтамбива’’, манзаяхананда хусувэй сер’’ сававна миӈая, хусувэй ялям’ маймбась ядабтабида’’!

Перевод на русский язык

Островное и родное

В школу-сад посёлка Бугрино 1 сентября пойдут 36 ребят.

Совсем скоро педагогический коллектив и дети школы-сада, как и тысячи школьников нашей большой страны, начнут новый учебный год.

В этом году День знаний в островном посёлке отметят 23 ученика начальных классов и 13 воспитанников детского сада.

Учреждением не первый год заведует Татьяна Ледкова. Сама она родом из Хонгурея. Молодой девчонкой приехала в Бугрино вслед за мужем и живёт здесь уже 22 года. Быстро адаптировалась к островной жизни, акклиматизировалась, сроднилась с людьми. С надёжным человеком создала семью, нашлась работа, здесь родились дети… Что ещё надо для счастья?

– Сейчас меня отсюда не утащить. Я здесь ко всему привыкла и работу свою люблю. Хотя жизнь на острове сложная, дорогая, всё время холодно, но тем не менее, несмотря ни на что, мы любим свой посёлок! – признаётся героиня нашего материала.

В посёлке получают лишь начальное образование, с пятого класса дети едут учиться в Ненецкую среднюю школу имени А. П. Пырерки в Нарьян-Мар. Многодетная мама каждый раз переживает такие моменты, у неё самой четверо детей. В этом году дочь пошла во второй класс, и через три года придётся отпустить свою малышку для продолжения учёбы в город.

– Нам когда-то хотели школу-сад построить. Теперь это главный недострой на Колгуеве, а сейчас для кого строить: детей с каждым годом становится всё меньше. Молодёжь в посёлок возвращается неохотно, получает образования и остаётся на Большой земле, – отмечает Татьяна Александровна.

В школе-саде Бугрино работают четыре учителя начальных классов и четыре воспитателя. В этом году в коллектив придёт молодой педагог английского языка и физкультуры.

– Коллектив у нас хороший, педагоги знают свою работу, трудятся с желанием. А главная проблема – в закупке и поставке продуктов питания. Сюда очень сложно что-то завозить, отправляем провизию для школы на почтовых рейсах по 320 килограммов. Очень неудобно: чтобы отправить груз, постоянно надо выезжать в город, – сетует руководитель учреждения.

Как мы уже писали ранее, на днях в Бугрино побывала врио губернатора Ирина Гехт и предложила выход из сложившегося положения – заблаговременно и впрок завозить продукты для школы-сада с большим сроком хранения – макароны, крупы, сахар, чай, растительное масло и другие.

Так у поваров всегда будет достаточный запас необходимых товаров. В настоящее время из-за трудностей с логистикой случаются задержки с поставками важных грузов на остров. Поручение решить вопрос дала врио губернатора НАО Ирина Гехт во время рабочей поездки. Вопрос взят в скорейшую проработку.

Искренне желаем нашим учителям успехов и удачи в новом учебном году, а все желания пусть непременно сбываются!