Хонгурейхана тарця хибяри’’ иле’’, ханяӈы ӈока по’’ ямбан хойхана манзараць, тыбэрӈаць, мяд’ манзаи’’ минрець. Пыдо’ «Няръяна ты» колхоз’ ветеран’’, е’’эмняндо’ Союз пенсионеров региональной отделение манзарана’’ ныланавам хамадаць.

Округханана’’ ненэцие’’ паднава яля’’ миӈа’’. Тарця яхана’’ ханярина хуркари’’ мероприятия’’ хамадаби’’. Ваеравы ныланава яляхана «Вадава’’ лэтрахава’’» конкурс’ ваерась, таняна округханана’’ танеда’’ учебной’ заведенияха’’на’’ тоходанана’’ пирибця’’, наны’’ поӈгнандо’ пирдырӈаць. Этнокультурной центр’ ненэцие’’ отделкана манзарана’’ нина’’ хамададонзь. Хибя’’ сямянд сававна вадамдо’, традициидо’, культурамдо’ теневадо’ тэрабиць.

Нярьяна маркана сайнорма по’ мальӈгана оленнотранспортной батальонха’’на’’ хэвы’’ ненэця’’ ед памятниква’’ таня. Маля сян’ по’’ ямбан округна’’ хибяри’’ сайнормы ненэцие’’ тензебтембась хусувэй по’ таняна ма’’люрцеты’’.

Тюку по’ округна’’ хусувэй ӈэсыхына ненэцие’’ вадам’ нерня’ минрева’’ е’’эмня хуркари’’ мероприятия’’ ваераӈгу’’. Яханана’’ ирий’ ямбан’ ненэцие’ вадам’ нерня’ пэрма, лэтамбава, нерняна’’ танева’ е’’эмня ханярина лаханаӈгува’’.

Тюку яля’’ пиркана Москва маркана Россияна’’ хуркари’’ яхад тохолкода’’ ма’’лэйдаць. Таняна луца’ вадавна хэтась – «Всероссийский мастер-класс учителей родных, включая русский, языков» миӈа, тарем’ сидя яӈганя по’’ ма’’люрӈа’’.

Людмила Максимовна Канюкова тюку’ мэвахана понку округна’’ еркы маркана мядоӈась. Сидя не нюхуюда, не нюта нюкця маркана иле’’, манэ’’ида. Тикы поӈгана хойхана манзарана’’ нита’’ ня семинаркана мэсь.

Хойхана мюсерта нина’’ сян ялян’ март турӈаць, пыдо’ е’’эмняндо этнокультурной центрхана мастер-класс’’ ваераць. Тарця манзаи’’ мелад’ нидо’ манэ’’лабтабиць. 

Ӈарка, Нюдя, Канин выӈгад тыбэртя’’, мядм’ манзаи’’ пэртя не’’ ӈобкана ма’’лась манзараць. Мел’’мана сэдорась, ханм’ мибась, лэхэд таранаком мадась няхатато’ тоходанаць. Сиддо’ маркана илена’’ мелад’ нидо’ хусувэй серкана нядабиць. 

«Мел’’мана сэдорана» хардан’ тюбнанд манэтар, таняна мел’’ хибяри’’ ӈудаха’’на сертавы ӈамворико, хуркари’’ сувенир’’ ӈока.