Ямалкана илена’’ ненэця’’ тюку ирий нертей яляха’’на’’ сава нямдо’ Елена Григорьевна Сусойм’ тензебтемби’’. Тикы’ нем’ ӈэрм’ яхана ханярина теневадо’ – пыда кандидат педагогических наук, РФ’ заслуженной тохолкода, Ямал’ почетной гражданин, ненэцие’’ вадако, сюдбабц ма’’ламбада, харта сё мэта, паднана вэсаконда Л. В. Лапцуй музей-квартирам’ сертавы.
Вы здесь
Ялумд’’
29 января Анна Егоровна Сулентьева принимала от многочисленных друзей, знакомых и односельчан поздравления с юбилеем. Сердечных весточек в этот день у нее было немало. И это неслучайно. На Канине она человек известный: краевед, исследователь, мастер по пошиву сувениров, исполнительница ненецких песен. Двадцать семь лет проработала заместителем председателя Канинского сельского совета.
Сердцевина жизни
Ӈэрм’ яхана ханярина илена’’хибяри’’ пили’’ илевамдо’ тэхэт минредось, тыдо’ ненэця’’ пили’’ таняць. Тыбэртя’’ ил’ ӈод’’ по’’ ваерась несэюмданась, илаӈганандо’ несэй ӈавори’’ ӈадимданаць. Маня’’ яханана’’ ӈод’’ тарцясь. Ханзер’’ ӈэса? Тикым’ тензебӈгува’’.
Ӈоб’’ мэва’ аграрно-экономической техникумана’’ вындер’ хибяри’’ ма’’лава то’’олхась. Ӈэрм’ я’ тер’’ ненэця’’ мэта’’ ембдяро’ хибяри’’ ӈобкана ма’’лэйдаць. Харто’ ямдо’ мэнена’’, я’’авлада’’ ненэця’ тэнзхад перена’’ пирибця’’, наны’’ ӈэвыць. Пыдо’ «Вадава’’ лэтрахава’’» конкурс’ мэ’’манзь ма’’люрӈаць.
Тыбэртя’’ ма’’лёва Няръяна маркана ты’ саполана’ ирий 16 толыркана вараӈгу. Хойхана мюсерта’’ ненэця’’ тарана серудо’ таслабӈгу’’, поӈгнандо’ тыбэрма серм’ государствова’’ нядабава’’, хойхана манзарани’ тохоламбава, я’ нямна лаханавадо’ танеӈгу’’.
Тыбэртя’’ ма’’лёян’ яндахат 40 делегат’’ товнда’’, 25 хозяйствоход ханяна тыдо’ пэртя’’ манзара’’, тикы СПК, семейно-родовой община’’ ӈэдакы.
Едэй по’ това сер’ Якутияхад Надежда Очировахад юнм’ ня’’амадамзь. Нини’ нюдя пэвдэй ирийхана Москва маркана хари’’ вадам’ пэртя’’ тохолкоди’’ Всероссийской конкурсхана торомдэйнись. Надежда тарця конкурсхана ӈока тохолкода’’ поӈгана нердесь. Пыда сава ихиня, мядонзэйсавэй Нерюнгри март’ хаясь, харта школаханда тэвыць.
Вероника, Федор Талеевха’ мякнанди’ ю’’ нюкцямди’ вадабихи’. Пыди’ семьянди’ нямна яӈга сава книгам’ падва мян. Ӈобкана мале’’ пон’ илеӈаха’. Семьямди’ нерня’ минреди’, хуркари’’ сава серт’ нюкциди’ тохоламбихи’.
РФ’ толырто тянё ненэця’ ӈарка ассоциацияна’’ президентӈэ тарана нява’’ Григорий Ледков ваде’’ӈадась, 2017 по’ ассоциацияна’’ манзаравахана хурка ӈэса, хаювы по’ ямбан’ хурка манзаи’’ ассоциациява’’ сертась. Теда’ товы 2018 похона ханзер’’ манзараванзь ятна’’, нерня’ манзарава пландо’ хэтась.
«Ялумдана’’» мядонда – Ольга Старостина, губернаторна’’ ӈуда ӈылы, ненэця’, ӈани тэнз’ толырто’ тянё хибяри серу’’ тасламбада. Ханзер’’ хаёвнда пом’ мадабива’’, хурка сер’’ по’ ямбан сертавыць, хурка серу’’ таслаць тикы’ нямна вадам’ Ольга Валентиновна хэтамби.
Ӈули’’ сава тохолкоди’’ поӈгана ханяӈы яханана’’ манзара’’, ханяӈы ӈока Нюдя я’ тер’’ хибяри’’ тохоламбиць, Валентина Павловна Марюевам’ нюмдесь тара. Тарця тохолкодаӈэ ӈэсь тара – ӈацекы’’ мэнебнандо’. Валентина Павловна тарця тохолкодась. Тохоламбавы’’ ӈацекыда тохолкодамдо’ мэнедось, тенад тенедо’. Тамбир тен’’ недвоць нив’ тара’’!
1994 похона паднана Василий Голованов сава теневана нянда’ ня’ Холгов’ ӈовна ӈэдалёрӈаханзь, тикы’ явна ӈока ядэрмэхэнзь. Кривой нюбета, ненэця’ вадавна хэтась – пай’ яха’ вархана ныланавэхэнзь.
Ямалкана тохоламбава серм’ минрена’’ хибяри’’ мале сян’ по’’ ямбан’ харто’ яханандо’ краеведение, хари’’ вада межрегиональной олимпиадам’ сертабасеты’’. Тюку по’ Новый Уренгой маркана манзараcь.
Ӈарка ассоциациява’’ паднана’’ нина’’ е’’эмня литературной конкурсм’ сертась. «Ӈэрм’ я сё» тарем’ нюмдевы конкурсан’ яндахат товы’’ манзая’’ ӈокаць. Сямянд’ сававна падвы’’ манзаи’’ сборникан’ ма’’лэйдонзь.
Ваеравы ныланава яляха’’на Архангельск’ маркана Арктикахана танеда я’ тер’’ нертей международной кинофестиваль ваерась. Яндахат тет юкад вата режиссер’’, продюсер’’, актер’’ ма’’лэйдаць.
Лилия Васильевна, Прокопий Явтысой ненэцие’’ паднана няна’’ пухуця, пыда илеванда ямбан’ мята ибам’ лэтамбада. Ханярина ядабтабнан – мэбета некоця пили’’ ханяхова сюрбарка ядсеты. Пыда илеванда ямбан’ мята тер илм’ нерня’ тидхалембада.
Страницы
- « первая
- ‹ предыдущая
- …
- 29
- 30
- 31
- 32
- 33
- 34
- 35
- 36
- 37
- …
- следующая ›
- последняя »
