Архангельской область Пинежской районхана няхарамдэймэвна ты хэбидя яля ваерась.
Тамбир’’ ӈарка яля ӈока
яндахат товы’’ хибяри’’ ма’’ламби. Тюку’ мэвахана «Голубино» пэдарахана ӈэда отель’ хэвхана сидя ёнар’’ мян хибяри’’ ма’’лэйдаць.
Таняна маня’ округна’’ синдтет юкад’ вата тыбэртя’’ мяд’ терсавэй ты ялямдо’ мэ’’ӈаць. Канин яндер’’, пыдо’ тикы’ яхана сывадасеты’’.
Вы здесь
Ялумд’’
На несколько дней мастерицы из посёлка Индига стали прилежными ученицами. И открыли для себя много нового.
Год языков коренных народов России откроют в марте в Югре
В этом году в борьбе за главный приз соревнований – Кубок губернатора ЯНАО – боролись 17 команд-участниц.
Павла Павловна Двойникова ӈарка илм’ мэ’’мы не. Индигахана иле. Хойхана соявы, хойхана вадювы, хойхана манзаравы. Харадхана маля ӈахакуд иле. Ханзер’’ невхы похо’’на вымна мюсерӈаць, ханзер’’ илець тикы’ пода теда’ ихинда хамурцеты.
Харта иримда, Александр Спиридоновичм’, сававна тенеда. Пыда ӈарка, ванебтёда, саць енавамбир ненэця ӈэвысь. Хусувэй манзаямда теневанась, «Едэй ты» колхоз’ организаторӈэ тарась.
2014 по’ лимбя’ ирийхана округна’’ толаӈгобць’ харад ӈэрмхы’ отделхана манзарана’’ «Толаӈго книга» литературно-краеведческой клуб’ ӈадимдець, таняна ненэця’’ ма’’лаць. Самляӈг по’’ ваера. Ваеравы’’ яляха’’на’’ клубханандо’ ненэця’’ ӈани’’ ма’’люрӈаць.
Тюку’ мэвахана Пэля Пунух падвы манзая’’ нямна лаханакурӈаць, паднана’’ нямна вадидо’ мэ’’ӈаць. Ӈэрм’ яхана теневана паднана тюку по’ 125 помда ядабтамбива’’.
Индиган’ тэворман’ ёльцяӈгана Пётр Николаевич Апицын ня’ лаханакуманзь. Тикы’ ненэця’ «Индигской» совхозхана ӈока по’’ ямбан’ тыбэртя’’ ӈэсы бригадирӈэ манзарась…
Пыда ня’ Индиган’ ядэрман’ мальӈгана лаханаманзь. Манзаямда теневана’’ тыбэртя, «Индигской» совхоз тыбэрти’’ ӈэсы’ бригадирӈэ тарась. Ӈацембой хибяри’’ тыбэрма серт’ тохоламбись, харта манзаянда’ е’’эмня лаханасеты, ханзер’’ илесь тара хэтнасеты. Янда’ тер’’ хибяри’’ нянанда сава ӈесеты’’.
Ӈацекые’’, ӈани’’ торова!
Тюку яля пыдара’’ е’’эмнянда едэй рубрикам’ нэмбива’’. Ирийхана ӈопоймэвна ӈабидерта. Тикахана ӈэрм’ яхана илена’’ ненэця’’ культура, традиция’’ нямна паднаӈгува’’, хуркари’’ паднана’’, поэт’’ манзаи’’ тикахана толабаӈгуда’’, округна’’ школаха’’на’’ тоходанана’’ падвы’’ манзая’’ танеӈгу’’, падтаӈгода ӈацекы’’ манзаи’’ манэ’’лабтабаӈгува’’.
Тарця’ сер’’ ӈадимдембава’’ е’’эмня няданда’’ вадам’ ӈатева’’. Манзаява’’ ӈобкана сертабабна’’ тараӈгу. Ханзер’’ рубрикава’’ нюмдеӈгува’’, ӈамгэ’ нямна паднась, ӈамгэм’ намдаван харвада’’.
Няна’’ паднада’’!
В Нельмином Носе построили передвижной убойный пункт, и теперь оленеводы ведут убойную кампанию по новой технологии и сдают мясо централизованно.
Няхар’’ юкад вата по’’ ямбан Ульяна Николаевна Апицына Индиган’ илеванзь товысь, тикы яхана тенад иле. Нись’ ӈахакуна ӈэсыхындо’ библиотекахана манзарась пядась. Паской Тиман я, сава хибяри’’, хуний хуркари серкана нядаӈгось парумбасеты, мята тер’’ ӈадима’’ – тарця сер’’ ябамда таслаць.
Всемирный фонд дикой природы тарця организация’ таня. Таняна манзарана’’ некоммерческой организация’’ нядабасеты’’. Тюку по’ тарця хибяри’’ нядаби’’, хуний проектадо’ – луца’ вадавна хэтась: на сохранение биоразнообразия северных территорий России таславы’’.
Ваеравы ирий’ пудана’’ яляха’’на Индига ӈэсын’ тэворӈадамзь. Таняна ӈока невхы похо’’на совхозхана манзаравы хибяри’’ ядабтадамзь. Пыдо’ тэхэ’’на манзараць, совхозханандо’ хуркари’’ манзаи’’ минрець.
Нельмин Саляхана илена’’ хибяри’’ ӈокаюв пелядо ненэця’’ тэнз’мэта’’. Харто’ культурамдо’ теневана’’, нерня’ минрена’’, харто’ ӈарка ялудо’ мэцеты’’.
Роза Ивановна Канюкова ӈока по’’ ямбан просвещение манзаям’ нерня’ пэрӈа. Тохолкодаӈэ манзарась, окроно ерв’ ӈуда ӈылӈэ тарась, национальной проблемы’’ тасламбава институт’ ненэцие’ лаборатория ервотаӈэ манзарась. Ненэця’ вадам нерня’ минревахана манзаяда ӈока, теда ӈод’’ вадава нерня’ мима’’ е’’эмня ӈокавна манзара.
Ваеравы си’’ив маттадамдэй яляхана центр Арктического туризма харадхана ӈока хибяри’’ ма’’лыць. Тикы’ яляхана ӈарка пэвдей ирий’ ёльць’ нямна лаханаць.
Страницы
- « первая
- ‹ предыдущая
- …
- 25
- 26
- 27
- 28
- 29
- 30
- 31
- 32
- 33
- …
- следующая ›
- последняя »
