Ӈарка я’ хой. Тюкохана нисяда, небяда, нюда’’, нюта’’ ню’’ иле’’, пыдо’ мал’’ ӈобкана тэсавэй явнандо’ мюсерӈа’’. Тикы’ нем’ нертеймэвна сян’ по’’ тяхана хойхана хомбиванзь. Тамальӈгана’ мань та’ ер’ ялям’ – ты’ ялям’ мэ’’манзь «Ямб’ то» общинан’ тэворӈадамзь. Тикахана хуркари’’ пирдырмаха’’на нерденя’ мяд’ тер’’ ненэцие’’ торомдадамзь. Тикы’ Соболев’’- Елена Петровна, вэсакода Яков Семёнович.
Вы здесь
Ялумд’’
Сюдбабц, ярабц, хынабц, лаханако ӈобт ма’’лавы ӈэӈгу’’, тарця манзаям’ хэвхы округ Ямальской районхана сертаӈгу.
Сидя ю’’ по’’ тяхана ненэцие паднана Василий Ледков «Калевалам’» финн’’ эпос ненэцие’’ вадавна сертавэдась. Тарця манзаяда илеванда’ мальӈгана книгаӈэ нись’ ӈадив’’.
Канин’ выӈгана пилю’’ ирий’ ямбан’ манзаравы’’ тохолкода’’ Няръяна март’ тоць. Пыдо’ тохоламбавы’’ ӈацекыдо’, Канин’ хойхана мюсерта’’ ненэця’ нюкця’’, нертей по’ тоходанвамдо’ пядонзь. Ханзер’’ ӈацекыдо’ школахана тоходангу’’, ханзер’’ интернатхана илеван’ торумда.
Тикы’ нямна та’ мальӈгана манзаравы’’ воспитательто’ и’’ няркна’’. Пыдо’ ӈод’’ хойхана та’ мальӈгана тохолкода манзамдо’ нертей минредонзь.
Лидия Сядейской округханана’’ теневана не. Пыда паднана. Тюку по’ ты’ ниць ирийхана мат’’ ю’’ самляӈг помда ядабтась. Ваеравы си’’ивхана луца’ вадавна хэтась: творческой вечерда ваерась.
Тарця ма’’лёвам’ «Заполярьем’» нюбета литературной объединение хибяри’’ няндо’ е’’эмня хамадаць.
Хойхана илена’’ хибяри’’ илевандо’ ямбан’ тыбэртяӈэ тара’’, пыдо’ илевадо’ тэхэт’’ пере. Тыбэрма’ серт ненэця’’ яӈга тохолкова мякана нисеты’’ тоходан’’. Тэхэ’’на мэвам’ хой ӈацекы’’ со’’ямахадандо’ маниедо’. Нисянато’ манзаравам’ маниесь, пыдо’ хусувэй серт’ тоходана’’.
Степан Семёнович Талеев теда Саляхананда иле, ӈахакуд ни манзара. Ӈока по’’ ямбан’ хойхана манзаравы ненэць. По’’ ваера’’ ханзер’’ хоян’ ни’’ тэвор, хаӈгурманда нид хардан’ илелъмыць.
Саляхана пудана’ мэвна мэвани’ мальӈгана ӈармбэй хибяри’’ ня’ лаханавахани’, пыдо’ ӈока сава вади’’ ӈацембой ненэця’’ нямна мэ’’ӈаць. Ӈэсыхынандо’ ӈацембой хибяридо’ тянё ни’’ӈа, ханяӈы’’ идо’ харто’ со’’явы яндо’ нямна няркна. Ӈопой тарця хасава – Георгий Талеев.
Си’’ив яля’ тяхана Нельмин’ Салян’ тэворӈадамзь. Ӈока хибяри’’ таняна ядабтадамзь, хусувэдо’ ты ялям ӈатевамда хэтамбись. Тикы Саляхана иленаха’’на сямянд’ ӈарка яля. Мал хибярито’ ил’ тэхэт пере. Хусувэй мяд’ тер’’ тэкоцям’ сахарамбидо’.
Неняӈг’ ирий сиднтетимдей яляхана округханана’’ «День семьи, любви и верности» ӈарка ялям’ мэ’’ӈаваць. Тарця яляхана мяд’ тер’’ ханяӈы тет юкад вата по’’ ямбан’ ӈобкана иле’’ медаль «За любовь и верность» ня’’марпи’’. Тюку по’ ӈод’’ тарця ялява’’ ваерась.
Сидя медальм’ Нельмин Носан’ ханаць. Мяд’ тер’’ хэбидя яляхана маркана тарця медальм’ Василий Степанович, Оксана Алексеевна Выучейскойха, Герасим Павлович, Александра Дмитриевна Вылкаха ня’’амӈаханзь.
Вера Васильевна Вылка – хой’ тер не. Тыбэртя ненэця’’ мякана 1964 по’ вэба’ ирий 6 яляхана соявысь. Манзарась теневана, я’’авлада некоця няхар’’юкад вата по’’ ямбан’ Ӈарка я’ выӈгана мюсерӈась.
Ваеравы ирий’ еркы яля’’ ӈэсонд Ямал’ няна Сеяхинской выӈгана Канадахад товы учёной’’- антрополог’’ манзараць, тикы’ Роберта Лозея няби Татьяна Номоконова. Пыди’ экспедицияхана ядэрмаханди’ ӈока по’’ ямбан’ яхана сюрвы ты со ма’’лавэхэнзь.
Тарця со теда’ мюсерта ненэцяӈга тэвравыдонзь. Теда’ тасламбидонзь, невхы со теда’ мэта со няку ӈэбнандо’, нибнандо’.
Пыди’ хэвхананди’ Стокгольм’ маркад Королевской технологической институтхад этнограф Дмитрий Артюхов манзарась.
Департамент по взаимодействию с ОМСУ и внешним связям НАО манзарана’’ вадавна, тюку ялян’ таслась округханана’’ 64 тыбэрма серкана манзарана’’ хибяри’’ илесь мятамдо’ ӈате’’.
Хари’’ вадам’ лэтрава’’, нерня’ минрева’’ манзаям’ ненэцие’ хибярина’’ «Ясавэй» ассоциация’’ манзаянанда сямянд таранаӈэ тасламбида.
Вадам’ тохоламбава’’ е’’эмня общественной организация проектм’ падась.
Тарем’ грантм’ 250 ёнар’’ есям’ социальной проект’ манзарава’’ е’’эмня ня’’мась. Тикы’ еся’’мна Няръяна маркана харвана’’ ненэця’ вадам тохоламби’’. Вадам’ тохоламбаван’ харвана’’ хибяри’’ хусувэй си’’ивхана сидямэвна ма’’люрӈа’’, группахана сидя юд’ мян хибяри’’.
– Выӈгы – мань хардув, тюкохона манзаяв таня’’, – тарем’ Герман Ардеев тасламбида, пыда «Няръяна ты» СПК’ тыбэртя.
Страницы
- « первая
- ‹ предыдущая
- …
- 27
- 28
- 29
- 30
- 31
- 32
- 33
- 34
- 35
- …
- следующая ›
- последняя »
