Тюку ирий’ юдимдей толыркана Елена Михайловна Талеева хасуюр’’ пода’ пангусь.
Тохолкода, этнограф, ям’ теневана, общественной, государственной манзаи’’ минревы.
Манзаравы пода’ Ямалкана ваераць. Пыда нюмда’ Ямалкана, Таймыр’ няна, маня’’ округханана илена’’ ненэця’’, учёной’’ теневадо’.
Нюдя я – соявы яда’
1935 по’ хор’’ ирий юдимдей толыркана Нюдя явна тыдо’ пэрць мюсермы Михаил Иванович, Прасковья Игнатьевна Ледковха’ мякана не нюди’ соявы. Соявэмда Елена Михайловна тарем’ ваде’’ӈадась.
Хусувэй по’ хор’’ ирий’ 5 толыркана – тохолкода ялям’ ядабтабсетыва’’. Тикы яляхана тохолкодина’’ тензебтебсетыва’’, тохолкодаха’ ихид минда вади’’ мэцетыва’’.
Няхар’’ юд’ мян по’’ ямбан тарця яляхана Каратайка школахана манзарана тохолкода Ольга Григорьевна Явтысой сава вади’’ намдурцеты’’.
Тиман’ я пыда яда, таняна соявы, хари’’ яхананда вадювы, Выучейской ӈэсыхына ӈацекы’ ӈэвы пода ваераць.
Индигской школам ёльце’’махаданда Няръяна март’ товысь, нерня’ тохолковамда И. П. Выучейской нювм’ нюбета педагогической училищехана минредась.
Маня’’ яханана’’ мале’ по’’ ямбан’ округна’’ этнокультурной центрхана «Мел’ не’’» – тарем’ нюмдевы народной клубхана манзара’’
Таняна ма’’люрта’’ не’’ хари’’ ӈудидо’ мэць хуркари’’ паской ӈавори’’ сэдбась тоходана’’, ханяӈыдо’ мале’ ӈахат мел’’мана сэдорана’’ не’’. Пыдо’ хуркари’’ паской манзаи’’ сэдаби’’, ӈока выставкаха’ ӈани’’ ян’ тэвормадо’ танесеты’’.
Тарем’ ваеравы ирий’ пудана яляха’’на’’ «Мел’ не’’» клубхана сэдорана няхана’’ Людмила Лаптандер, Ольга Латышева сян’ ялямди’ Рязань маркана мэ’’ӈэдись.
Округна’’ губернатор’ манзаи’’ минрена Ирина Гехт яханана’’ ӈадимдевы «чумовой капитал» мяд’ терха’ тэврась.
Тарця компенсационной выплата’ сертификат мат’’ юр’’ ёнар’’ селкой, яханана’’ нертейӈэ «Ямб то» общинахана иленаха’ Алла няби Андрей Тайборти’ ня’’амӈаханзь.
Пыди’ Ӈарка хой яхана соявэхэ’. Хойхана мюсерта’’ ненэцие’ несэй нядамбава юн’ намдась, пыди’ чумовой капитал’ нямна падарм’ падвэхэнзь.
Москва маркана XIV международной фестиваль «Русское поле» ваерась, таняна округна’’ этнокультурной центрхад мел’ няхаюна’’ манзараӈаханзь.
Тарця ма’’лёва хусувэй по’ танесеты, таня ӈарка яна’’ си’’ив ю’’ регионхат няхар’’ ёнар’’ мян’ мел’ хибяри’’ манзаидо манэ’’лабтаванзь тэворцеты’’. Хибяри’’, хуний харто яндо историям’, культурам’ теневана’’, хари’’ сёдо, хари’’ тэнздо ӈавори’’ лэтбада’’, декоративно-прикладной творчеством’ тю’’у пэрта’’, ембдяро сэдбада’’, ӈавар’’ сертамбада’’.
Маня’’ яханана’’ Павел Выучейской теневана падтаӈгода. Пыда нюдякоходанда пили’’падтаӈговы ӈэсеты, тарем’ харвабтана серта иланда серӈэ’ хаясь. Пили’’ падтаӈгосеты, ӈокавна манзарасеты, тарем’ харта нюмдамда’ сертась.
Нянэювна падтаӈгова серт’ ханяхартахана тоходанавада яӈгу, ивнанда ӈэда манзаяханда Павел Алексеевич харта тоходанась. Искусство история’ нямна падвы литературам’ толабись, нюбета луци’ ӈарка падтаӈгода’’ падвы’’ манзаи’’ манэ’’сарцеты, тарем’ еримбнанда теневана’’ падтаӈгода’’ выставкаха’ тэворцеты, тикы поӈгана харта пили’’ падтаӈгосеты.
Ваеравы си’’ив маттамдэй яляхана Тыбэрта яля Красной ӈэсыхына ваерась. Таняна илена’’ хибяри’’ хойхана мюсерта’’ нито’ хэбидя ялям ӈатедонзь, хамякуць.
Ӈэсыхынандо хувэхэд яндаха’’на’’ музыка’ мун’’ соць, тикахад хусувэй хибяри ихина савась, мал’ ӈарка ялям мэ’’манзь ятналыдаць.
Тюку по’ СПК’ «Харп» е’’эмня юбилейной по’, таняна манзарана’’ хибяри’’ колхозандо’ 95 пом’ ядабтаби’’.
Маня’’ округханана’’ хойхана мюсерта’’ ненэциена’’ хэбидя яля’’ тамна ханярина ми’’ӈа’’
Тыбэрта яляхана хойхана манзарана’’ ненэця’ хавна сава вади’’ мяд’ манзаи’’ пэрмы не’’ намдурӈа’’.
По’’ тяхана хойхана тарця сер’’ танесь, ханяӈы колхозхана мюсерта не’’ хардан’ илеванзь тэврэйдонзь. Ӈэсыхына манзаидо’ танева’’ е’’эмня сэдорана’’ харад’’ нэмбиць. Тарем’ не’’ хардан’ илелъць манзараванзь мехпошиван’ тэворӈаць. Пыдо хойхана манзарана’’ е’’эмня ты’ хобахат’’, пенахат’’ сыра мэта’’ ембдяр’’ сэдабиць.
Хаювы си’’ив самлязимдей яляхана округна’’ этнокультурной центр’ мякана «Мел’ Нельмин’ саля» тарем’ нюмдевы выставка нэяць
Хаювы си’’ив самлязимдей яляхана округна’’ этнокультурной центр’ мякана «Мел’ Нельмин’ саля» тарем’ нюмдевы выставка нэяць.
Тарем’ саля’ тер’’ нина’’ тюку по’ ваеравнда Тыбэрта ялу’’ ядабтаванзь идэвыдаць.
Валакада яхана’’ Тыбэрта яля тута, тикы яляхана манзаидо’ хойхана минрена’’ нина’’ нямна вадина’’ мэтава’’
Тыбэрта яля маня’’ округханана’’ неняӈг’’ ирий сидя ю’’ маттамдэй яляхад пилю’’ ирий самлязимдей толыр’’ ӈэсонд мимнда’’.
Тюку яля падвы вадин’ Елена няби Павел Тайборей’ нямна ӈэнда’’, няхаюни’ «Ямб то» общинахана иленаха’.
Анна Валей: Соявы яханани’ ябдадм, тикахана тароми’ мэ’’маӈадм’
Лаханась нями’ Варнекхана соявы некоця. Пыда тарця вади’’ вади’’ хэтась: Вайгач’ – ныхыдами’ табда ями’.
Анна Варнек ӈэсыхына ты’’сие ниць ирий’ хасуюдимдей яӈганя яляхана ёнар’’ хасую’’ ёнар’’ хасуюр’’ сидндетимдей похона соявы, таняна вадювы, ӈацекы ӈэвы пода’ Варнекхана ваераць. Не ӈацекы мэнена небянда’ Тамара Алексеевна, нисянда’ Андрей Александрович’ хэвхана мэсь.
Неняӈг’’ иры юкад вата самлянзимдей яляхана Ямал’ няна илена’’ ненэця’’ сава теневана няндо’ соя’’ма ялям мэ’’ӈаць.
Тикы яляхана Хабэча Яунгад - паднана няндо’, ӈарка выставкам нэць. «Няръяна Ӈэрм» газета’ манзаям няхар’’ ю’’ мат’’ по’’ ямбан нерня’ минредась.
Теда’ редакцияханана’’ манзарана’’ тохолкодандо соя’’ма ялям хэбидя ялям’ мэ’’ӈадонзь, газетанандо’ тены по’ редакторӈэ манзарана Марина Яр тарця вади’’ падась.
Нельмин’ Саляхана Ёртя ялям’ мэ’’манзь хибяри’’ ваеравы си’’ив пудана яляхана мэ’’лэйдаць.
Ваеравы сер’’
Неняӈг’’ ирий’ няхарамдэй яӈганя толыркана Саляхана илена’’ хибяри’’ Печора’ яха вархана ма’’лэйдаць, «Малоземелье – край рыбацкий» -
тарем’ нюмдевы ныланава’’ ялямдо’ мэ’’ӈаць.
Ёртя яля – округханана’’ илена’’ хибяри’’ е’’эмня сямянд мэнена ӈарка яляӈэ таславы яля, яханана’’ хусувэй по’ ёнар’’ хасую’’ ёнар’’ сидндет ю’’ сидндетимдей поход мэ’’ӈава’’.
Тюку яля вадин’’ Валерий Филиппович, Людмила Петровна Апицынха’ нямна ӈэӈгу’’. Пыди ӈока по’’ ямбан Индига ӈэсыхына илеӈаханзь, таняна хусувэнди’ хари’’ манзаяда танясь.
Валерий, Людмила Апицынха’ Индигахана соявэхэ, ӈопой садикан’ ядэрӈаханзь, ӈопой школахана тоходаӈаханзь, ӈопой тохолкода’’ сидди’ тохолабиць.
Сидндет классм’ ёльце’’махаданда Валерий Няръяна маркана Ненэцие’ школа-интернатхана нерня’ тоходанавамда минредась. Людмила Архангельскан’ ӈэдалавыць, педагогической училищехэна тоходанась пядась.
Валерий и Людмила Апицыны – уроженцы посёлка Индига. Росли в одной деревне, ходили в один детский сад, учились в одной школе, у них были общие учителя и друзья.
После восьмилетки Валерий уехал в Нарьян-Мар и продолжил учёбу в Ненецкой школе-интернате, а Людмила поступила в педагогическое училище Архангельска.
– С детства мечтала, что буду работать в детском саду, так и вышло по жизни, – признаётся спустя годы ветеран образования.
Регистрационный номер СМИ: ЭЛ № ФС77 - 83188 от 26 апреля 2022 года
Зарегистрировано Роскомнадзором
Учредитель: ГБУ НАО "Издательский дом Ненецкого автономного округа"
Главный редактор: Горбонос Юлия Юрьевна
Телефон редакции: 8 (818-53) 4-21-73
Электронная почта: info@idnao.ru
Адрес: 166000, Ненецкий автономный округ,
г. Нарьян-Мар, ул. им. В.И. Ленина, 25а