Тецьдов, ирабтёв’’!
Хад’’я, марабтёв’’!
Хаерл – танаӈгов’’!
Хаерл – мэбе’’ӈов!
Нюни’ нюи илеӈгу,
Пыда мер’ ни хаӈгу’’:
Пыда теда’ – Василей,
Илебядё Василей! –
Сёход яловорта сюртяв сята тамна сюртяваркаӈэ ханаба хадаеми хыно’’ӈась. Хадаеми си’’ми сялӈо’’омнан ня’’амбасава, саць яб’’мани нид мань ӈани’ пулыта нина тарасадма.
Тюку по’ ӈарка пэвдэй ирийна самляӈг’ яӈганя толыркана ненэцие паднана Василий Николаевич Ледков сидндет ю’’ пом’ ядабтаӈгува’’. Мэбета паднана яӈгумахад’ маля по’’ ваера’’. Тарем’ ӈод тикы нява хусувэй хибярина ихиня иле. Илеванда ямбан ӈокавна манзаравы ненэць ӈэ’’ нисяв, пуданда хаювы падвы манзаида тянё ни’’ӈа’’. Падвэмнанда ӈацекына тоходана’’. Хари’’ вадавна толанзёда хибярина Василий Николаевич Ледков падвы манзаи’’ харвась’ толабасьтыдо’.
Округханана хуркари’’ ӈэсы’’ таня. Маня’’ хибярина ханярина иле’’. Ӈокаювна харто’ со’’явы яханандо’ илевандо’ ямбан иле’’. Харто’ ямдо’, ӈэсымдо’ сахарамбась тикахана манзара’’.
Вэба ирий’ тось ӈацекына тоходанась пядось. Хусувэй школахана манзарана’’ нина’’ манзаидо’ пэрӈа’’. Тохолкова по’ ямбан ӈацекы’’, тохолкода’’ сертавнда манзаядо’ ӈока ӈэӈгу’’. Тарем’ округна хусувэй ӈэсыхы, маркы школахана ӈэвндя, тарем’ Ненэцие школа-интернатхана ӈэӈгу. Тохолкова сер’ нямна Матрёна Ивановна Талеева няюв лаханакурӈамась. Тикы тохолкода – нядаӈгода нява.
Таӈы’ мальӈгана ӈокаюв’хибярина ныланава ялудо’ мэ’’ӈа’’. Хибяхова иба’ яхана нылана’’, хибяхова хоян’ еримзь варёмдо’ мэць иле’’, хибяхова нюдяко ӈэсыхыкоцяна нылана’’.
Ламдик’ Ларар ерь ӈарка мят’ тю. Мякы мякана сярна ӈадибелыд’’, вэя лохолыд’’. . юдя юдяохор Ларамда ня’’мада, пыди’ пёлъяха’’. Пёданаханди’ пихиня хаяха’. Тарем’ мэнаханди’ Ларда ян’ тада. Сидя ӈэда, ӈудахаюда ян’ тадаӈаха’, паряӈэ хая. Ядувнанда ханта’ вэн ӈанзапидо’.
Сидя Нохоми’ хан’ ни хураӈахаюн. Тиканда маня’’ тетӈэ мякана’’ хаява’’. Мякани тэварэйн. Пуняӈы мяк’’ ӈани’ ӈэдалэйв’’. Ламдик Ларми тамна тадамбавы. Си’’ив яля’ тады.Ӈавэ’’ пирка’’на манзь ханада: – Си’’ми хоӈгас’’. Тикы е’эйӈэ тыни татадм’, не нями таидм’.
Маня’’ округханана хуркари’’ тенз’ мэта хибяри’’ нясъюмба ӈока по’’ ямбан иле’’. Ямдо’ сахарамби’’, нидо’ хамандамби’’, нидо’ хуркари’’ серкана нядабасьты’’. Таремъюв’ пилибт’ ӈэсьты’’. Ӈамгэм’ тярпгува’’?
Максим Ледков «Харп» колхозхана манзарана ненэць. Паӈгуда хойхана мюсерта’’ хибярихит’ миӈа’’. Ӈодьбянда Максим’ ӈод нюдякоданда хой’ илм’ теневада.
Школанда’ пуд ты’’пэртяӈэ’ манзара. Маля сян по’’ ямбан СПК «Харп» сидндетимдей ӈэсы серм’ пэртяӈэ’ тара. Манзаямда теневана хибяри, тыта мюсерць ям’ ӈод сававна теневада. Тикы хасава варёмда мэць тэхэна мэсьты, харвась’ хуркари манзаян’ сырцеты.
Сян’ яля’’ ваерась пилю’’ ириян’ тэвӈгуна’’. Тикы ирийхана маля самляӈг ю’’ нертей по’ маня’’ округханана иленаӈэ’ хэбидя ялям’ мэтава’’- ты’’ ялям’. Хойхана мюсерта’’ ненэциена харто’ манзаяндо’ ӈарка ялям’ невхы похот’ пилю’’ ирий нябимдей толыркана мэцьтыдо’.
Тены’’ похо’’на илевахана хуркари’’ несэй сер’’ ӈадимберӈа’’. Хибярина семейно-родовой общины’’ нэмби’’, харто’ иламдо’ таремъюв’ нерняри’’ пэрӈадо’. Хари’’ вада, культура нямна ӈэда’’ вада’’ ӈод ханярина сосьты’’. Хуркари’’ толырто’ тянё хибяри’’ вадам’, культурам’ лэтрава нямна проблемадо’ таня. Хаби’’ ӈод вадандо’ нерня илева нямна ибедорӈа.
Маня’’ яханана хуркари’’ выӈгана мюсерта’’ ненэциена хэбидя яляхандо’ хамяку’’. Минрена’’ манзаито’ ӈарка ялям’ мэ’’мась хойхана илена’’ нина’’ хусувэй по’ пилю’’ ирий’ тось мэцьтыдо’. Тюку по’ ӈод таремъюв’ ӈэвндя. Ты’’ ялям’ округханана тюку по’ неняӈг’’ ирий’ пудана толыркана нэӈгува’’. Сямянд’ пуданаӈэ’ маркана иленаӈэ’ мэтава’’. Ты’’яля това нерцюна округна делегация’ Всемирный конгрессхана манзаравнда. Нина’’ Китаян’ ӈэдалавась’ хамяку’’.
Хари’’ вадавна толанзёда хибяри вадамда сававна теневаӈгуда. Ӈодьбянда маня’’ страницахана хуркари’’ вадако, лаханако, сюдбабц, ярабц падбасьтыва. Хибя мян’’ӈада’’ толаӈгуда, няханда ваде’’тада. Нейко Максимовна Янгасова Ямалкана илена не. Пыда тохолкода. Илеванда ямбан ӈока лаханако’’ ма’’лась, ханяӈыдо’ книгаӈэ’сертавы. « Ненецкие сказки и эпические песни сюдбабц’’, ярабц’’» таремъюв’ нюмдевы книгада сидя ёнар’’ нюртей похона ӈадимясь. Тюку яля’ «Сэр’’ я Ӈацекэ» сюдбабц’ нябю пелям’ толара’’.
Сэр’’ я’ Ӈацекэ
Маня’’ округханана сяӈгова соявы’’, вадюданвы’’, тикахад’ ӈока по’’ ямбан манзаравы’’ хибяри’’ ханяӈыдо’ теда лаханась Архангельск’ маркана илевамдо’ мэ’’ӈадо’. Хибяхова таня манзаравась хаяць, хибяхова таняна хардадамдо’ тэмдась пенсиян’ тарпась илелъядаць, хибяхова нюдо’ нядабась тикы маркана иле’’.
Маня’’ яхадана хэвы’’ нина’’ харто’ общественный организациямдо’ сертавыць, ханяна ӈопой я’тер’’ хибяри’’ ӈобкана ма’’люрцеты’’. Луца’’ вадавна манзь – землячество. Тарця землячестводо’ ненецие округхад’ хэвы’’ хибяри’’ таня. «Тосавэй» – тарем’ нюмдевы.
Маня’’ округханана ӈокаюв’ хибярина ӈэсыхына илена’’. Пыдо’ харто’ илесь ямдо’ сава серкана, сава манзаравахана паскояркаӈэ’ сертамбидо’.
Регистрационный номер СМИ: ЭЛ № ФС77 - 83188 от 26 апреля 2022 года
Зарегистрировано Роскомнадзором
Учредитель: ГБУ НАО "Издательский дом Ненецкого автономного округа"
Главный редактор: Горбонос Юлия Юрьевна
Телефон редакции: 8 (818-53) 4-21-73
Электронная почта: info@idnao.ru
Адрес: 166000, Ненецкий автономный округ,
г. Нарьян-Мар, ул. им. В.И. Ленина, 25а
