Ты’ сие’ ниць’ ирий’ пудана’’ яля’’ мальӈгана Москва’ маркана Баренцев регионхана илена’’ толырто’ тянё ненэця’’ нертей саммит манзаям’ нэбва мальӈгана Гос. дума депутат Григорий Ледков тарця вади хэтась: – Маня’’ тарем’ тасламбива’’, хусувэй харта илесь яхананда минрена манзаида сававна мимандо’ е’’эмня Баренцев регионхана илена’’ толырто’ тянё ненэця’’ ханяӈы серка’’на нидо’ нядабась манзарабнандо’ сава ӈэӈгусь.
Вы здесь
Ялумд’’
Сидя яӈганя по’’ ямбан РФ’ еркы март’ ӈэрм’ яхад хуркари ӈавори’’ тэврамби’’: хало, тудаку, ӈоди, илека хоб, паской пэкоци, нахар’’, хынабц, тарабцо ӈэдакы’’. Москва’ маркана илена’’ хибяри’’ тарця серт’ мале торумы’’. Ӈэрм’ яхад тэвравы’’ сяторэй’’, палкур’’ халя’ таневам’ тенева’’. Харто’ сэвха’’то’ манэ’’цетыдо’ ханзер’’ мел’’ хибяри’’ ӈодякоход паской манзаи ма’’ламби’’. Харвана’’ нянэй мят’ тюӈгсеты’’, мя’’ пи’няд нюдякорха ӈэбнанда ӈод’’ мюнянда лата, яля, иба.
Ваеравы ныланава яляхана округхы толаӈгова’ харад ӈэрм’ ненэцие’’ отделкана ӈока хибяри’’ ма’’лэйдаць. Хибяри’’ ханяӈы паднанам’ Александр Канюковм’ тенедо’. Паднана нямдо’ тензебтець, падвы манзаида толабиць. Роза Ивановна Канюкова «Ӈэцяв» рассказм’ луца вадахад’ ненэця’ вадан’ падвэдась, тикы манзаямда толась.
Ты’’ сие’ ниць ирий пудана’’ яля’’ пиркана Москва’ маркана Государственной Думахана ӈэрм’ тэнз’ ненэцие’’ серу’’ тасламбиць. Ӈэрм’ яхана,Сибирькана, Дальний Востокхана толырто’ тянё ненэця’’ я’, этнической’ культура’ нямна лаханакурӈаць.
« Мань хой хибярим’. Хари’’ яхадан’ ханяхарт нидм’ хант’’. Теда’ маркана илебнан’ ӈод’’, хоян’ хэван пили’’ харвасетыдм’, - тарем’ Нина Ивановна Баркулева лахана.
Мария Яковлевнам’ хусувэй по’ ядабтабсетыв’. Питер, Няръяна мар’’ ӈэя, ханя’ пыда манзаита’’ нямна турцеты.
Пудана’ мэвна нини’’ Няръяна маркы социально-гуманитарной колледжна’’ юбилейхана хомбинись. Мария Яковлевна тикахана тоходанвамда 1953 похона ёльцедась.
«Пэвсюмы’ Ленинград’» пумна
Округханана’’ танеда «Хаярм’» нюбета ансамблява’’ – 55 помда ядабтамби.
Тюку ирийна’’ пудана’’ яля’’ мальӈгана Москва’ маркана ӈэрм’ яхад товы’’ ненэця’’ ма’’лаӈгуд’’. Тет’’ яля’ ямбан’ XII международной выставка-ярмарка «Сокровища Севера. Мастера и художники России 2017» манзараӈгу.
Ӈэрм’ яхана илена’’ толырто’ тянё ненэця’’ илевахана хуркари’’ саӈговоць минда сер’’ таня’’. Ваеравы ирийхана тикы’ нямна Саляхардахана международной форумхана нина’’ лаханаць. Теда’ тамна нерня’ тикы лаханормидо’ Москвахана Государственной Думахана таслабӈгудо’. Таняна парламентской слушания ваераӈгу’’.
Нюдяко ӈэвы пода’’ Татьяна Павловна Бецко саць сававна тенейда. Хойхана нисянда, небянда хэвхана вадюданась. Варандей, Ӈарка хой ямда пили’’ тенеда, таняхад паӈгуда пере’’, нисяда, небяда таняна илеӈаханзь, манзараӈаханзь. Ӈыхы похот таняна илевы’’ хибярида ихинанда теда’ ӈод’’ иле’’. Харта соя’’вы яхананда хусувэй сарпякоцям’ тенева, хой якоцяда сейхананда тенад пои’’.
Ӈэрм’ няна те’ёльцяӈгана нумда хуркари ӈэсеты: ӈай’ пуд тецьда’’ тосеты’’, лакри’ хаяр’’ яляр’ хадӈэ ханта, тецьхамда. Тарем’ ӈод’’, нара’ инд’ мале со’’.
Россиянана’’ северной многоборье Чемпионат няби Первенство Таймыркана ваерась. Таня’ пирдырманзь ныхыта’’ хибяри’’ Магаданской областьхад, Ханты-Мансийской, Ямало-Ненецкой, Ненецкой, Чукотской автономной округхат, ӈысма няби Саха (Якутия) Ресрубликахат, Эвенкийской муниципальной районхад, Таймыркад ма’’люрӈаць.
«Ханебцёхона» сянакода’’ нина’’ явнана’’ ӈэдалёрмадо’ тянё ни’’ӈа’’, ханяри’’ тэворць харто’ ямдо’ масибтевы манзаяханато’ манэ’’лабтабидо’. Ӈокаювдо’ Нюдя яхана соя’’вы’’, таняна ӈацекы’’ ӈэвы’ подо’ ваераць, таняна вадыць, таняд’ ӈарка илан’ тарпыдаць.
Хусувэй хибяри харта мэбебцода таня. Нум’ хибярим’ ӈадимдевысь, пир’’мадамда тавысь. Тавэда ӈока нись’ ӈа’’, тянё нись’ ӈа’’. Тавэда хибяри илӈгана тэврысь, ӈоб’’ пирувна тярмэдась. Тад’ сылась, тярпдада’’ тянёлмы’’. Ханзер’’ ӈэсь? Хаю’’мида’’ тун’ мое’’яда. Тад’ ту тю’’уня хая, тату’’ я’ ни ха’’мыд. Хибям’ тату’’ тэвась, тикы хибяри нум’ пидте’’мэӈэ толы. Нум’ пидтевы манзаям’ пэрӈа.
Тюку яля Саляхардахана «Ӈэрм яхана, Сибирьхана, Дальний Востокхана толырто’ тянё ненэця’’» Международной форум’ манзаямда нэдась, таняна ӈэрм’ яхад ма’’лавы ненэця’’ харто’ яндо’ социально-экономической развитие серу’’ таслаӈгу. Ӈэрм’ яхана илена’’ хибяри’’ е’’эмня тикы саць ӈарка сер’’.
Страницы
- « первая
- ‹ предыдущая
- …
- 36
- 37
- 38
- 39
- 40
- 41
- 42
- 43
- 44
- …
- следующая ›
- последняя »
