Тарем’ ӈэвнда сер’’
Ямал’ яхана хойхана мюсерта’’ толырто’ тянё ненэциедо’ округхадандо’ илӈганандо’ тарана ӈаворидамдо’ нямарпава’ сер’’ таславы. Тикы мяд’ ея’’ е’’эмня тарана, мини-электростанция’’, печь’’, хибяри’’, ты’’ савумдамдава серкана тарана ӈавори’’, спутниковой связь. Тамна хойхана мюсертидо’ хусувэй ирийхана еся нядмаӈэ няхар’’ ёнар’’ селкойм’ ня’’марпи’’.
Сенз’ ӈэвар хурка?
Ямалкана тыбэртя ялям 15 по’’ ямбан мэ’’ӈадо’. Таӈок по’’ ямбан сямянд ӈарка ялядандо’ хая, тамбир хэбидя ялян яндахат яӈга турта’’ хибяри’’ ӈока ӈэсеты’’. Пыдо’ ӈэрм’ ям манэ’’манзь, хурка ӈавар’’ тюкохона илена’’ хибяри’’ ӈаворӈа’’, тэхэ’’на ӈэдалёрма пирдырмам’ манэ’’ман харвасеты’’.
Тыбэртя ӈарка ялямдо’ мэ’’манзь ханярид’ тосеты’’, тарця ӈарка яляхана Саля’хардахана паской панытана’’, мальцятана’’ хибяри’’ ӈока ӈэсеты’’, ханяримна ядэрцеты’’.
Ваеравы си’’ив маттамдэй яляхана маркана тыбэртя’’ поӈгнандо’ пирдырӈаць, «Сямянхат мерета» пирдырмадо’ ваерась. Качгортинской курьяхана мяд’ ӈамтавыць, яндахат хойхана мюсерта’’ хибярина’’ тоць. Нюдя яхана семейно-родовой общинахана тыдо’ пэртя’’, СПК «Ерв», «Харп» манзарана’’, «Ямб’ тохона» мюсерта ненэця’’ таняць. Пыдо’ ма’’лёвадо’ хэбидя яляӈэ хаясь. Пирдыртаха’ сырманзь товы’’ хибяри’’ ӈод’’ тянё ниць’ ӈа’’.
Хуняна Няръяна маркана округна’’ тыбэртя’’ ма’’лёвамдо’ мэ’’манзь ма’’лэйдаць. Маня’’ яханана’’ тыбэрма’ серм’ 25 сян’ тэнз’’ хозяйство’’ пэрӈа’’, поӈганандо’ 12 сельскохозяйственной производственной кооператив’’, 11 семейно-родовой община’’, ӈопой унитарной предприятие, ӈопой крестьянско-фермерской хозяйство. Ӈысма’ яхад съездхана манзараванзь хибяри’’ товнда’’.
Санкт-Петербург маркана Союз художников хардахана падтаӈгода няна’’ Надежда Выучейской выставка манзара, «Заполярная пастель» нюмдевы.
– Хойхана илевав маймбцо. Тюкона таӈго, ява’’ сямбир лата, паской,- тарця вади Олег Талеев лаханакурць пябнана нерде’ ханась, тикы’ ненэць’ Нюдя яхана тыбэртяӈэ ӈахэт манзара. – Хойхана саць сава, хардана илеван’ нидм’ харва. Тын’ тюкона таня’, манзаяв тюкона ӈа, хасава нюхуюн’ Герман, Владимир’ хэвханан’ манзараӈаха’.
1941 по
Архангельской военной округ совет 1941 похона носиндалава’ ирий’ 22 яляхана постановлением’ пандабась, Ненецие’’ округхад Карельской фронтан’ самляӈг оленно-транспортной эшелон’’ хаяць – си’’ив ёнаркад вата ты’’ сайнорманзь ханаць, фронтан 600 мян’ хибяри’’ хаяць, поӈгнандо’ тыбэртя, ханена, ертя, ӈани’’ манзаи’’ пэрмы ненэця’’ таняць. Пыдо’ оленно-лыжной батальонхана сайнорӈаць.
1945 по
СНК РСФСР’ тарця постановлением’ ня’’мась «Ӈэрм’ я’ районха’’на ты’’ толыр’’ хусувэй по’ таслабась».
«Обретая мастерство» тарем’ нюмдевы выставка’ центр декоративно-прикладного творчества мякана нябимдей ирий’ миӈа, тюку ирий’ пудана толыр’’ ӈэсонд’ манзаравнда. «Сэр’’ лы» клубхана лэвна маторась хибяри’’ ма’’люрӈа’’. Лэвна’ маторава серм’ тохоламби’’, хурка манзаи лэхэд сертась серо’’ӈа тикым’ тасламби’’.
Ямалкана илена’’ ненэця’’ тюку ирий нертей яляха’’на’’ сава нямдо’ Елена Григорьевна Сусойм’ тензебтемби’’. Тикы’ нем’ ӈэрм’ яхана ханярина теневадо’ – пыда кандидат педагогических наук, РФ’ заслуженной тохолкода, Ямал’ почетной гражданин, ненэцие’’ вадако, сюдбабц ма’’ламбада, харта сё мэта, паднана вэсаконда Л. В. Лапцуй музей-квартирам’ сертавы.
29 января Анна Егоровна Сулентьева принимала от многочисленных друзей, знакомых и односельчан поздравления с юбилеем. Сердечных весточек в этот день у нее было немало. И это неслучайно. На Канине она человек известный: краевед, исследователь, мастер по пошиву сувениров, исполнительница ненецких песен. Двадцать семь лет проработала заместителем председателя Канинского сельского совета.
Сердцевина жизни
Ӈэрм’ яхана ханярина илена’’хибяри’’ пили’’ илевамдо’ тэхэт минредось, тыдо’ ненэця’’ пили’’ таняць. Тыбэртя’’ ил’ ӈод’’ по’’ ваерась несэюмданась, илаӈганандо’ несэй ӈавори’’ ӈадимданаць. Маня’’ яханана’’ ӈод’’ тарцясь. Ханзер’’ ӈэса? Тикым’ тензебӈгува’’.
Ӈоб’’ мэва’ аграрно-экономической техникумана’’ вындер’ хибяри’’ ма’’лава то’’олхась. Ӈэрм’ я’ тер’’ ненэця’’ мэта’’ ембдяро’ хибяри’’ ӈобкана ма’’лэйдаць. Харто’ ямдо’ мэнена’’, я’’авлада’’ ненэця’ тэнзхад перена’’ пирибця’’, наны’’ ӈэвыць. Пыдо’ «Вадава’’ лэтрахава’’» конкурс’ мэ’’манзь ма’’люрӈаць.
Тыбэртя’’ ма’’лёва Няръяна маркана ты’ саполана’ ирий 16 толыркана вараӈгу. Хойхана мюсерта’’ ненэця’’ тарана серудо’ таслабӈгу’’, поӈгнандо’ тыбэрма серм’ государствова’’ нядабава’’, хойхана манзарани’ тохоламбава, я’ нямна лаханавадо’ танеӈгу’’.
Тыбэртя’’ ма’’лёян’ яндахат 40 делегат’’ товнда’’, 25 хозяйствоход ханяна тыдо’ пэртя’’ манзара’’, тикы СПК, семейно-родовой община’’ ӈэдакы.
Едэй по’ това сер’ Якутияхад Надежда Очировахад юнм’ ня’’амадамзь. Нини’ нюдя пэвдэй ирийхана Москва маркана хари’’ вадам’ пэртя’’ тохолкоди’’ Всероссийской конкурсхана торомдэйнись. Надежда тарця конкурсхана ӈока тохолкода’’ поӈгана нердесь. Пыда сава ихиня, мядонзэйсавэй Нерюнгри март’ хаясь, харта школаханда тэвыць.
Вероника, Федор Талеевха’ мякнанди’ ю’’ нюкцямди’ вадабихи’. Пыди’ семьянди’ нямна яӈга сава книгам’ падва мян. Ӈобкана мале’’ пон’ илеӈаха’. Семьямди’ нерня’ минреди’, хуркари’’ сава серт’ нюкциди’ тохоламбихи’.
Регистрационный номер СМИ: ЭЛ № ФС77 - 83188 от 26 апреля 2022 года
Зарегистрировано Роскомнадзором
Учредитель: ГБУ НАО "Издательский дом Ненецкого автономного округа"
Главный редактор: Горбонос Юлия Юрьевна
Телефон редакции: 8 (818-53) 4-21-73
Электронная почта: info@idnao.ru
Адрес: 166000, Ненецкий автономный округ,
г. Нарьян-Мар, ул. им. В.И. Ленина, 25а