Вы здесь

Нерня серудо’ савовна миӈая

Тюку по’ Няръяна маркана 56 выпускник’’ И. П. Выучейской нювм’ нюбета социально-гуманитарной колледжм’ ёльце’’, мэта си’’ив нертей яляхана пыдо’ дипломдо’ ня’’маць.

Няръяна маркы социально-гуманитарной колледж нюдя ни’’ӈа’’, таняна тоходанна’’ ӈока’’. Невхы похо’’на валакада тохолкодаӈэ ӈацекы’’ тохоламбиць, теда’ ӈани’’ профессияха’ тоходанна’’ таня.
Хусувэй по’ несэй отделения’’ ӈадимберӈа’’, тюку по’ тохолкода’’ хавна финансист’’, компьютерной графика специалист’’ тоходанавамдо’ ёльце’’.
Таняна тоходанась сибиць ни’’ӈа’’, ӈокаюв ӈацекы’’ ивъер’ тоходана’’. Тохолкода’’ ӈод’’ манзаидо’ теневана’’, студентадо’ хусувэй серкана нядабидо’, хамадабидо’. Хусувэй манзаян’ тохоламбади е’’эмня яӈга программы’’ хамадаби’’, тоходанава’’ серм’ сававна тасламбидо’. Хусувэй манзаян’ тохоламбада ӈока ӈамгэм’ теневава’’ е’’эмня.
Таняна яханана’’ тарана манзаяха’ ӈацекы’’ тохоламби’’. Колледж ёльцевы’’ манзарана минревнда манзаямда сававна теневабнанда, тарабнанда сидя хибяри манзаям’ минрензь теневабнанда.
Колледжхана тоходанава’’ е’’эмня таславы программа’’ яӈга таславы’’, учебной пландо’ несэймдавы’’. Наука серм’ ӈод’’ пуняна ни’’ӈа’’.
Тарця сер’’ нямна ваеравы си’’ивхана Няръяна маркы’ социально-гуманитарной колледжхана лаханакурӈаць. Колледж няхар’’ группахана тоходанавы’’, 56 студент’’ манзараванзь пяӈгудо’, таӈок хибяри’’ средней специальной образованием’ тасламбада диплом’ ня’’маць.
Поӈгнандо’ прикладной информатика специалист’’, финансист’’, начальной школахана манзаравнда’’ тохолкода’’.
Галина Назарова колледж директор тарця вади’’ хэтась: – Тохолковамда ёльцера’’, нерня харта недамда минресь ядгуда’’. Тюкохона сян’ по’’ ямбан сававна тоходанадаць, сидна’’ нядабидаць. Нерня ӈод’’ сава сехэрым’ мэць миӈада’’!
Сямянд’ нерде дипломдо’ саць сававна, самляӈрин’ тоходанавы’’ студент’’ ня’’маць. Няръяна диплом’ мат пирибця’’ ня’’ма’’, тикы Маргарита Батманова, Валерия Горбачёва, Екатерина Лобикова, Галина Рочева, Алина Семко, Юлия Савельева.
Тикы пирибцяко 322 группахана тоходанна, пыдо’ финансист’’. Мал неӈацекы’’ ивъер’ илан’ сырта’’, тохолковандо’ хавна пыдо’ колледжамдо’ ханярина манэ’’лабтамбидонзь, хуркари’’ танеда мероприятияхана мэсеты’’. Финансист’’ группам’ сямянд саваӈэ ваде’’
ӈадонзь.
Тюку по’ колледж ёльцевы’’ ӈацекы’’ ӈокаювдо’ нерня тоходанаванзь университетха’, институтха’ хэванзь ятна’’, хибяхава манзараванзь ятна, тикы поӈгана тохолкованзь ӈэдалёрта. Тюку по’ тохолковамда ёльцевы ӈацекы ихиня колледжхана тохолковы подо’ пон’ тамна илеӈгу’’, тохолкодидо’, тоходанась ня’’амы нидо’ тенеӈгудо’.
Маня’’ ӈани’’ тей яля студентха’ вадава’’ тарця ӈэӈгу – /опой яхана нёда хасена’’. Илеванда ямбан’ нерняри миӈада’’. 2019 по’ тоходанавамдо’ ёльцевы’’ нина’’, нерня минревна сехэрэра сава ӈэя!


Перевод на русский язык

В добрый путь, выпускники

В Нарьян-Марском социально-гуманитарном колледже 56 выпускников получили дипломы о среднем специальном образовании

Нарьян-Марский социально-гуманитарный колледж – это сегодня крупное учебное заведение.
Можно говорить, что уже не просто педагогическое, а классическое. Наряду с тем, что здесь есть все основные педагогические специальности, каждый год в колледже открываются новые отделения, такие как финансовое дело, прикладная компьютерная графика, медицинское. Требования к студентам достаточно высокие.
К слову, здесь очень доброжелательные преподаватели. Но сегодня нельзя обеспечить достойное качество подготовки специалистов, не предъявляя высоких требований к организации обучения, качеству преподавания. А готовят в учебном заведении кадры в соответствии с запросами предприятий, организаций. Специалист должен быть широкого профиля, квалифицированно выполнять работу, может быть, даже за двоих.
С учётом этого принципа в колледже сделали учебный процесс более гибким, перестроили учебные планы. Что касается интеграции с наукой, то она всегда входила в содержание работы педагогического коллектива. Об этом и о многом другом на текущей неделе говорили в Нарьян-Марском социально-гуманитарном колледже.
А повод для диалога самый приятный. 56 выпускникам вручили дипломы о среднем специальном образовании. Это мастера прикладной информатики, финансисты и учителя начальных классов.
Директор колледжа Галина Назарова, напутствуя своих выпускников, отметила:
– Все экзамены позади. Мы с вами прощаемся, выпускаем вас во взрослую жизнь. Вы очень достойно все годы учебы представляли наше учебное заведение. Порадовали хорошими знаниями и членов государственной комиссии. В добрый путь!
Первыми дипломы получили студенты, которые все годы учились только на отлично. Красные дипломы вручили Маргарите Батмановой, Валерии Горбачёвой, Екатерине Лобиковой, Галине Рочевой, Алине Семко, Юлии Савельевой. Все они специалисты финансового дела из группы 322, или как их называли преподаватели и студенты, – самая интеллектуальная группа.
Многие из нынешних выпускников продолжат обучение в вузах, кто-то намерен совмещать работу с учёбой, но, как студенты признались, всегда с теплом будут вспоминать учёбу в стенах родного колледжа, преподавателей, однокурсников.
А мы желаем выпускникам не останавливаться на достигнутом. Двигаться только вперед. В добрый путь, выпускники 2019 года!