Округна’’ губернатор’ манзаи’’ минрена Ирина Гехт яханана’’ ӈадимдевы «чумовой капитал» мяд’ терха’ тэврась.

Тарця компенсационной выплата’ сертификат мат’’ юр’’ ёнар’’ селкой, яханана’’ нертейӈэ «Ямб то» общинахана иленаха’ Алла няби Андрей Тайборти’ ня’’амӈаханзь.

Пыди’ Ӈарка хой яхана соявэхэ’. Хойхана мюсерта’’ ненэцие’ несэй нядамбава юн’ намдась, пыди’ чумовой капитал’ нямна падарм’ падвэхэнзь.

– Тарця юн’ намдась, мани’ компенсационной выплатам ня’’амась идэйнись. Хойхана мюсерӈани’. Мань мале’ 34 поми’, падар’’мана’’ серо’’ӈадм’. Нись’ пон Няръяна маркад няни’ лаханаць, падрони’ манэ’’сармыдо. Мякнани’ серуни’ хаесь, лакри’ март’’ тодамзь. Хойхана мюсерць илева’’, мя’’ми’ тане, нянани’ балок тара. Таняна сырэй’ ёльцяӈгана илеӈгува’’, иба, сава ӈэӈгу. Ня’’амвы сертификатмана балок’ мива’’ е’’эмня таранадами’ тэмдаӈгуни’. – тарця ибедормамда’ Алла няни’ хэтадась.

Тайбори’’ самляӈг ӈацекэди’ – няхар’’ хасава’’, сидя не нюди’. Не ӈацекэхэ’ Ангелина няби Дарина небянди’ няюв товэхэнзь, хасавако’’ Богдан, Оскар, Граф хойхана хаювы’’. Пыдо’ ӈаркамбой. Небяндо’ маркана тарана сер’’ тасламбава’’ ямбан, хасава нюда’’ нисямдо’ мяд’ манзаи’’ пэрць нядамбаӈгудо.

Алла харта’ тэнзда Соболева ӈэвысь, Ӈарка хой яхана мюсерта’’ мяд’ тер’’ мякана соявы, «Ямб то» общинахана харто’ явнандо, тыдо’ маниесь нисяда’ Яков Семёнович, небяда’ Елена Петровна илеӈаха’. Мэёвна илена хибярихи’, нянди’ сырць нюдо’ ӈод’’ илан’ ивъер’ сырта’’.

– Мань хойхана соявэдм’, илеван’ ямбан хойхана иледм’. Маня’’ семьява’’ ӈаркась – небями’, нисями’ сидндет ӈацекым’ вадавэхэ’, мань самляӈг хасава нями’, сидя не нями’. Си’’ив похона сими’ тоходанаванзь Каратайка’ ӈэсын’ тэвраць. Начальной школам’ ёльце’’махад ӈацекэӈэ’ хусувэва’’ харта таслабидась, ханзер’’ нерня’ ӈэсь, хибя харвась, тикы нерня’ тоходанась, хибяхова’’ ӈани’’ мякнандо’ хаюрӈаць. Мань тет’’ класс’ пуд’’ пуня хоян’ хаядамзь, таняна хаидамзь. Нисяни’, небяни’ хэвхана иледамзь, тикахад хаюпа хаядамзь. Илевами’ сававна миӈа. – лаханась нями’ мась.

Хойхана не – мядм’ ибам лэтбада, пыда няданда’ нянэювна мята’ тер’’ нерня’ илева’’ пере’’. Мякнанда иба, тёмбека ӈэбнанда, хусувэй тарананда таневам’ маниена, не ӈацекы’’ мяд’ манзаи’’ пэрць, ӈаварм’ пирембась, сэдорась тохоламбада. Тарем’ ӈод’’ Алла илӈгана ӈэвысь.

– Небями’ ӈокан’ сими’ тохолась, сидна’’ илан’ хамадабись. Мань мер’ сэдорась, ӈаварм’ пирембась тоходанаманзь, небями’, нисями’ нядабасетыдм’, не няхаюни’, хасава нини’’ маниесетыдм’. Небями’ липте’’, ӈоб’’ паркабасеты, манэ’’лабтабасетыда хурка пускэцяхад сэдбада’’. Тикахад сэдбасетыда. Мань нядабасетыв. Ивъер’ манзарасетым, ханяна яля’ ямбан паской намгэм’ сэдсетыдм’. Сэдорава’ хавна не манзаяда ӈока, пирензёва’’, ханяна ты’’ маниесь, идм’, пям’ тэврась тарасеты. Теда’ мань яля’ ямбан ӈока манзаи’’ сертасетыдм’, ханяна ӈудини’ мэць ивнани’ ӈэда манзаяком’ сэдбасетыдм’, – ӈарка мяд’ тер’’ небя тарця вади’’ хэтась.

Хойхана мюсертаха’’на’’ саварка ил’ нинарха’ тара. Харто’ яханандо иле’’, ябда’’, мя’’ – хардадо’. Тарем’ харто тыдо’ пэрта’’ ненэця’’ сян’ юр’’ по’’ ямбан вымна мюсерӈа’’. Тены’ похо’’на’’ илевадо’ несэювна миӈа’’, невхы’похот’’ сензеларка. Мякнандо’ хусувэй ӈамгэдо’ тэворӈа, электрогенератор’ ялям’ тэврамби, телевизор’, интернет’ тане, не сэдорась мэта машинкада’ тане…

«Ямб то» общинахана илена’’ тыбэрта’’ харто’ тэнздо илм’ мэсым невхы’ похот нерня’ минресь илевамдо’ тасламбидо. Алла, Андрей Тайборейха’ тикахад ниӈаха’ хаюр’’, пыди’ хари’’ тэнзди’ ил’ мэсым’ тенесь, культурам’,вадам’лэтбась илеӈаха’. Мякнандо’ хари’’ вадавнандо’ мал’ лахана’’, ненэця’ вадамдо’ ӈацекыди’ тенева’’. Ӈацекы’’ харвась хари’’ ембдяродо’ мэ’’ӈа’’, не ӈацекэхэ’ харвась небянди’ сэдвы имбытха’’на’’ ядэрцетыхы’. Алла янамбовна теда’ не нюхуюда’ сэдорась тохолабида.

Хойхана мюсерта’’ ненэця’’ ил’ янамбовна савумдана. Округханана’’ хой’ тер’’ нядабавам’ маниедо. 2025 по’ ты’’ саполана ирий 28 яляхад округна’’ администрация несэй постановление’ манзара. Тарця падармана хойхана мюсерта’’ хибяри’’ компенсационной выплатам’ ня’’амась мян’’ӈа’’, тикы есявна мядм’, мядм’ ма’’лава’’ е’’эмня тараман’ тэмдабаӈгу’’.

Перевод на русский язык

В помощь тундровикам

Врио губернатора НАО Ирина Гехт вручила первый в регионе «чумовой капитал».

Сертификат на компенсационную выплату в размер 600 тысяч рублей получила семья Аллы и Андрея Тайбореев из общины «Ямб то».

Молодые люди – уроженцы Большеземельской тундры. Семья, узнав о новой мере поддержки, подала заявление на «чумовой капитал».

– Услышав такую новость, мы решили подать заявление и воспользоваться компенсационной выплатой. Мне уже 34 года, по возрасту подхожу. Прошло некоторое время, позвонили из Нарьян-Мара. Пришлось оставить дела, и вот я здесь. Живём в тундре, у нас есть чум, но нам нужен балок, чтобы жить там зимой, будет тепло и комфортно всем. На эту сумму приобретём доски, рубероид, профнастил и другие необходимые материалы для строительства балка, – поделилась мыслями Алла.

В семье Тайбореев пятеро детей – три сына и две дочки. Девочки Ангелина и Дарина приехали вместе с мамой, а мальчики Богдан, Оскар и Граф остались в тундре. Они постарше. Пока мама в отъезде и решает важные для семьи дела, ребята помогают отцу по хозяйству.

Алла, в девичестве Соболева, родилась в семье оленеводов Большеземельской тундры, в общине «Ямб то» пасут своих оленей и кочуют по родной земле её родители – Яков Семёнович и Елена Петровна. Они – яркий пример для своих детей, ими гордятся внуки.

– Родилась в тундре и всю жизнь там живу. У нас была большая семья – восемь детей у родителей, у меня пятеро братьев и две сестры. В семь лет меня отправили учиться в каратайскую школу. После начальной школы каждый делал свой выбор, кто хотел, тот продолжал учёбу, а кто-то оставался в чуме. Я после 4-го класса уехала обратно в тундру и там осталась. Сначала жила с родителями, потом вышла замуж и ни о чём не жалею, – признаётся героиня нашего материала.

Женщина – хозяйка в чуме, колыбель ненецкой семьи созидается её руками и душой, от неё во многом зависит благополучие семьи. Она следит за достатком в семье и за тем, чтобы в чуме было тепло, чисто, опрятно, учит девчонок вести хозяйство, готовить, с раннего возраста приобщает к шитью. Так было и у Аллы.

– Мама многому меня научила, всегда готовила нас к жизни. Я рано научилась шить, готовить, помогала родителям, занимала младших сестричек и братишек. Мама кроила липточки, рукавички, говорила, какой мех подходит для этого. Потом шила. Я всегда очень старалась и знала: если приложить усилия, то за день можно создать красивую вещь. А ещё женщине, кроме этого, нужно за день успеть многое: пошить, сварить, присмотреть за оленями, принести воды и дров. Сейчас я многое успеваю сделать за день и всегда при желании выкрою свободные минутки для рукоделия, – рассказывает хозяйка большой семьи.

Лучшей жизни людям тундры и не надо. Они счастливы на своей земле, чум – их традиционное жилище. Так вольные оленеводы жили испокон веков. Но сегодня всё по-другому. Цивилизация диктует свои правила, поднимая уровень жизни на более высокую планку. В чуме, который внешне нисколько не изменился за столетия со дня его появления, сейчас электрогенераторы, телевизор и интернет, современная швейная машинка…

Семьи оленеводов общины «Ямб то» сохранили богатые традиции и передают их из поколения в поколение. Алла и Андрей Тайбореи не исключение, они следуют традициям своего народа, сохраняя культуру и родной язык. Общаются исключительно на родном языке, говорят на ненецком и их дети, хотя с ранних лет знают русский. Дети с гордостью носят национальную одежду, девчонки любят платья, которые шьёт мама. Алла уже сейчас постепенно приучает своих девчонок к шитью.

Жизнь тундровиков постепенно улучшается. Власти региона расширяют меры поддержки тружеников тундры. С 28 марта 2025 года в округе действует порядок предоставления компенсационной денежной выплаты на строительство или приобретение национального традиционного жилища, утверждённый постановлением администрации НАО. Воспользоваться такой поддержкой могут молодые семьи оленеводов и чумработниц. Поддержка молодых семей оленеводов содействует созданию дополнительных условий для привлечения молодых квалифицированных специалистов в отрасль.