«Ненэцие’’ хобцоко’» округханана’’ ӈацекы’’ поӈгана тарем’ нюмдевы конкурс’ ваерась, «Ненэцие’’ региональной центр’ развития образования» манзарана’’ хамададонзь.
Антон Петрович Пырерко’ ненэцие’’ учёной’ 115 со’’яма ялям’ тарем’ ядабтамбидо’.
– Ненэцие’’ вадава’’ округна’’ ӈацекы’’ тохоламбидо’. Вадава’’ лэтрамбава, танева, вадюданава е’’эмня маня’’ конкурсм’ сертаваць. Ӈацекы’’ хобцоко’’ падтавы манзаито’ тя манэ’’лабтэйдонзь, – тарця юн’ методист’ Ольга Варницына тэврась. – Маня’’ маймбива’’, конкурсан’ товы’’ манзая’’ тянё ниць’ ӈа’’. Вадако’ тя ӈацекына’’ вадамдо’ тохолабидо’. Нельмин’ Саляхад, Бугриноход, Каратайкахад, Краснойхад, Хорей-Верхад, Омахад, Несьхад, Шойнахад ӈацекы’’ манзаи’’ ня’’амаваць. Ӈацекы’’ харвась манзаравыць, манзаидо’ сомбой, мэкад. Жюри’ манзаи’’ манэ’’саръядась, таӈок сомбой манзаяхат сямянд сава манзаи’’ тэрамбась тоенась, – Ольга Ивановна мась.
Тарем’, округна’’ школахат, садикхат 162 ӈацекы’’ манзаи’’ ня’’амаваць, тет пота сидя яӈганя пота ӈацекы’’ манзараць. Нердевы ӈацекы’’ нюбедо’:
• 4 – 6 пота’’
– Ноготысой Сергей, ГБДОУ НАО «Детский сад п. Нельмин Нос»,
– Левичева Елена, ГБОУ НАО «Начальная школа-детский сад
п. Бугрино»,
– Лиханов Владимир, ГБДОУ НАО «Детский сад п. Каратайка».
• 7 – 9 пота’’
– Ковригина Кристина, ГБОУ НАО «Основная школа п. Нельмин Нос»,
– Ледков Савелий, ГБОУ НАО «Основная школа п. Нельмин Нос»,
– Дуркина Татьяна, ГБОУ НАО «Основная школа п. Нельмин Нос».
• 10 – 12 пота’’
– Ардеев Игнатий, ГБОУ НАО «Ненецкая средняя школа им. А.П. Пырерки»,
– Ардеев Арсений, ГБОУ НАО «Начальная школа – детский сад п. Бугрино»,
– Левичев Владимир, ГБОУ НАО «Ненецкая средняя школа им. А.П. Пырерки».
Пэдова’’!
