Едэй по’ това нерцюна округна’’ толаӈгова хард’ ӈэрм’ отделкана манзарана’’ «Толаӈго книга» клубан’ турта’’ ненэця’’ е’’эмня ма’’лёвам’ хамадаць.
Ваерана по’ пудана ма’’лёваханандо’ теневана этнограф’, лингвист’, кандидат исторических наук Хомич Людмила Васильевна ила’, сертавы манзаита’’ нямна лаханавамдо’ мэ’’ӈаць.
Толаӈгова харад’ манзарана Надежда Талеева, учёной’ илева, сертавы манзаита’ нямна хамадавы презентациямда’ ваде’’ӈась, Людмила Хомич ӈэрм’ ян тэвормы этнографической экспедиция’’ нямна лаханась.
Людмила Васильевна Ленинград’ маркана соявы. Мале школахана тохолкованда’ мальӈгана ӈэрм ян’ тэвормы’’, ӈэрм ям’ тохоламбавы’’ хибяри’’ манзая’’ нянанда’ мэкадаць. Школанда’ пуд Ленинградской университет’ этнографической отделением’ ёльцевысь, таняна манзаравы тохолкодида’, теневана учёнойха’ Георгий Николаевич Прокофьев, Георгий Давыдович Вербов.
1949 похона Людмила Васильевна Нюдя я’ вынд’ тэворӈась, Нельмин’ саляхана ненэцие’ фольклорм’, ненэця’’ илм’, культура’ нямна материал’ ма’’лабись, сидяӈг’’ сертабись. 1951 похона пыда кандидатской диссертациям’ падась, падвы манзаяхананда Октябрьской революция’ нерцю, тикахад пуна ненэцие’ не хозяйствохона, обществохона, семьянанда тарода’ хурка ӈэвам’ ханзер’’ мамэ’’мэмда падвысь.
Людмила Васильевна А. И. Герцен нювм’ нюбета педагогической институт’ ӈэрм’ я’ тер’’ отделениехэна этнография’ предметм’ минресь. Тамальӈгана пыда школа’’ е’’эмня ниня’ ӈарка ненецко-русской словарьм’ сертась, педучилище’ е’’эмня падвы учебной пособие’ – книгада’ «Ненецкий фольклор» 1960 тарпыць.
Тикахад Людмила Васильевна АН СССР’ институт этнографии отделкана манзаравада танесь. Пыда манзараванда’ ямбан харвась архивной, литературной источникха’’на’’ падвы тохолабись, нянэй ненэця’’ илева’’ яхана материал’ ма’’лабись.
Людмила Хомич сянмэвна маня’’ округна’’ Канин’ ян, Тиман’ вынд ӈэдалёрӈась, Шойна’, Кия’, Несь’, Индига’, Нижней Пёша’ ӈэсыхы’ тэвормада таневысь. Ӈэдалёрманда мальӈгана ненэця’’ материальной, духовной культура’ нямна материал’ ма’’ламбись. Невхы похо’’на’’ яханана’’ илевы’’ хибяри’’ – сихиртя’’ нямна лахарё’’ ма’’ламбавысь, вындер’ хойхад хардан’ илелътава’’ сер’’ ханзер’’ мимам’, сменной бригада’’ ӈадимданавам’ падбавысь.
1950 –ей похот художественной литературам’ падабись. Падвы манзаида’ сидя повестьха’ – «Любовь и смерть шли рядом» няби «Здравствуй, солнце!». Нертей манзаяхананда, ӈарка сайнорма по’’ мальӈгана таневы сер’’ нямна падна, книгада’ 2005 похона Саляхардахана тарпыць.
Нябиюм’ повестяда «Здравствуй, солнце!» ӈахы’ похо’’на’’ соявысь, таняна 1949 похона ненэцие’ явна ӈэдалёрмита’’ иӈудм’ падавысь. Ваеравы юр’’ по’ 1920-30-ей похо’’на’’ хоян’ едэй ил’ товам’ хибяри’’ ханзер’’ ядаптавам’ манэ’’лабтась.
«Толаӈгова книга» клубхана мэвы’’ хибяри’’ сяймандо’ сер’’ лаханавидо’ тамна мэйдонзь, Ленинград маркана манзаравы’’ учёной’’, тохолкода’’, этнограф’’, историк’’, тамальӈгы по’’ студент’’ ӈобкана манзарава’’ нямна ӈокам’ ваде’’ӈаць. Пыдо’ ӈэрм’ я’ тер’’ ненэця’’ е’’эмня паднава сер’’, нертей учебник’’, литературам’ ӈадимдембавы’’.
Перевод на русский язык
Памяти великих учёных
Накануне Нового года, в рамках Дней ненецкой письменности, сотрудники отдела Севера окружной библиотеки провели встречу участников этнографического клуба «Толаӈго книга».
На итоговом мероприятии уходящего года шёл разговор о жизни и творчестве известного этнографа, лингвиста, кандидата исторических наук Людмилы Васильевны Хомич.
Ведущий библиотекарь Надежда Талеева подготовила презентацию о жизни и научной деятельности учёного и рассказала о её участии в этнографических экспедициях на Крайний Север.
Людмила Васильевна родилась в Ленинграде. С ранних лет интересовалась историей путешествий и освоением Севера. После окончания школы поступила на этнографическое отделение Ленинградского университета, где её учителями стали известные учёные Георгий Николаевич Прокофьев и Георгий Давыдович Вербов.
В 1949 году во время экспедиции в Малоземельскую тундру Людмила Хомич побывала в поселке Нельмином Носе. Там она записывала фольклор, собирала материалы по культуре и быту ненцев, делала зарисовки, фотографировала. В 1951 году защитила кандидатскую диссертацию, где раскрыла положение ненецкой женщины, рассказала о роли в хозяйственной, общественной и семейной сферах до и после Октябрьской революции.
Людмила Васильевна преподавала этнографию народов Севера и ненецкий язык на отделении народов Крайнего Севера педагогического института имени А.И. Герцена, составила небольшой ненецко-русский словарь для школы, а в качестве учебного пособия для педучилищ в 1960 году издана её книга «Ненецкий фольклор».
В середины 50-х годов Людмила Хомич трудится в Отделе этнографии народов Сибири Института этнографии АН СССР. Все годы упорного труда она активно занимается исследованием архивных и литературных источников, собирает материалы на различных территориях проживания ненцев.
Она не раз ездила с экспедицией на полуостров Канин и в Тиманскую тундру Ненецкого округа, побывала в Шойне, Кие, Неси, Индиге, Нижней Пеше. Во время поездок собирала материалы об особенностях материальной и духовной культуры ненцев. Записывала предания о древнем народе – сихиртя, проблемах перехода на оседлый образ жизни, организации сменных бригад.
С 1950-х годов занимается художественной литературой. Людмила Васильевна Хомич написала повести «Любовь и смерть шли рядом» и «Здравствуй, солнце!». Первая, посвящённая событиям Великой Отечественной войны, опубликована в Салехарде в 2005 году. По мнению кандидата филологических наук Нины Парфеновой, пишет Людмила Хомич «просто, но в то же время искушённо... её повесть с хорошо продуманным сюжетом, изящно выстроенными эпизодами, с чётко выписанными характерами героев и диалогами».
Повесть «Здравствуй, солнце!» родилась у автора более полувека назад и вобрала в себя впечатления, полученные в результате экспедиционных поездок по ненецким тундрам начиная с 1949 года. В её основу положены подлинные истории, рассказы тундровиков об изменениях в жизни коренного населения в 1920-1930 годы прошлого века.
Закончилась встреча единомышленников клуба «Толаӈго книга» за чашкой чая, где участники с благодарностью размышляли о роли и вкладе ленинградских учёных, педагогов, этнографов, историков, первых студентов Института народов Севера в создание письменности, учебников и литературы народов Крайнего Севера.
И наметили планы на предстоящий 2026 год.
