Ӈарка пэвдэй ирий нертей яляхат’’ Нельмин’ Саляхана илена’’ хибяри’’ товнда пон’ хамяковидо’ ӈадиць.

Ӈэсы’ тер’’ хардадо’ падтамбиць, ханярина паской тукоця’’ ӈыдарабиць. Ӈоб’ пиркана ӈэсыхынандо’ хадеко ӈадимясь, тикы’ пуд’’ хэбидя яля’ ед хуркари’’ мероприятия’’, конкурс’’,
мастер-класс’’ танець. Хибяри’’ хардаханандо’ хадеко’’ масьтевыць.

Юкад’ вата яля’’ ямбан хибяри’’ ӈока мероприятиха’ тэворӈаць. Сава ихина едэй 2026 пом’ ядабтадонзь.

Ӈудакуна’’ ядимдабива’’ – ӈобна’’ падтамбива’’

Ӈарка пэвдэй ирий 24 яля’ – ӈоба ӈарка яля’. Тикы яляхана Саляхана ӈоба’’ выставка – ярмаркам’ нэць. Таняна ӈацекы’’ тэвравы’’ хуркари’’ тэнз, тохоцяхад, флисхад сэдвы’’, паскоювна падтавы’’ ӈоба’’ манэ’’лабтабиць. Сомбой манзая’’ ӈокаць, тарцям маниесь товы’’ хибяри’’ маймбиць.

Конкурсхана’ сиднтет не ӈацекы’’ манзая’’ танець, пыдо’ поӈгнандо’ сидя номинацияхана «Народные мотивы» няби «Зимняя фантазия» пирдырӈаць. Жюри манзарась, манзаи’’ манэ’’сарӈаць, ӈока ӈобат’’ сямянд сомбой тэрабась нензел’ нись’ ӈа’’.

Конкурсхана нерня’ тарпвы’’.

«Народные мотивы» номинацияхана – Люба Талеева нердесь, нябимдейӈэ Лейла Марюева хаясь, няхарамдэй местам’ Камилла Саламатова ханась.

«Зимняя фантазия» номинацияхана – Александра Талеева нертейӈэ хаясь, нябимдей – Анфиса Саламатова, нахарамдэй – Стефания Талеева.

Тикы’ хавна ӈоба хэбидя ялян’ хамадавы выставкахана «Искусница» клубхана сэдорана’’ не’’ манзая’’ ӈокаць.

Едэй пом’ маймбась ядабтадонзь

Ханзер’’ пом’ ядабтаӈгур, тарем’ по’ ваераӈгу. Тарця вади’’ тенесь, хибяри’’ едэй пом’ ядабтамбаван’ ивъер’ хамякосеты’’.

Нельмин’ Саляхана «Новогодний серпантин» нюбета ихина сомбой вечер’ культурахана манзарана’’ нито’ е’’эмня хамадаць.

Таня ныланаванзь товы хусувэй хибяри’’ Сывы ядабтабидась, ныланава лохон’ тэврабидась. Паской залхана хибяри’’ вадакон’ еримдархаць. Ханярина ихина лимбика музыка муно’’ӈась, едэй по’ сё’’ соць.

Сян’ тэнз сянакохо’’на’’ падтавы хадеко хибяри’’ ӈатевысь, камин’ танесь, мядондито’ е’’эмня тол’’ хамадавыць, фотозонам’ падтавыць, ханяна хусувэй хибяри’’ харвабнанда сидяӈг’ сертась пирӈась.

Сян’ сяс ямбан’ хибяри’’ ныланаць, сянакуць, хыно’’ӈаць, вадакохот’ товы’’ герой’’ залхана нито’ пумна ӈадиберӈаць, тараць.

«Цыганочка», «Сольный номер», ӈани’’ ихина сомбой сянакова’’ ӈокаць, «Ханзер’’ мань едэй пом’ ядабтаӈгув’» хонаркова хамадавысь, «Гороскоп по-нельминносовски» толабиць, хибяри’’ ёненава хобцоко’’ хомбиць, викторина танесь – тарця сер’’ таняна ныланавы’’ хибяри’’ ихина пондан’ хаюда’’.

Ныланавандо’ пуданана’’ залхана Дед Мороз Снегурочканда’ ня ӈадимяханзь. Едэй по’ това ед’ ӈэсы’ терха’ ихид минда вадиди’’ хэтӈаханзь, маӈаханзь – илесь’ яхананда’’ хусувэй ӈамгэ сававна миӈая, ихинанда лэтбада’’ харвабцода’’ товнда похона пандэйда’’, сезда ӈада, ябда иледа’’.

Едэй 2026 пом’ Саляхана илена’’ хибяри’’ сава ихина ядабтадонзь, маймбиць, сянакуць, хыно’’ӈаць, мядонзэй’ ня’’амарпиць, Нерня’ сававна илева’’, манзарава’’, тоходанава’’ е’’эмня ныхыдамдо’ ма’’лаць.

Едэй товы помдо’ Нельмин’ Саляхана илена’’ хибяри’’ сававна мэтадо’!

Мал’ серудо сававна миӈая’’, тарем’ пили’’ ӈэя!

Перевод на русский язык

Поселковый новогодний калейдоскоп

В Нельмином Носе атмосфера волшебства царила уже с первых дней декабря.

Жители украшали свои дома и улицы яркими огнями. А открытие новогодней ёлки дало старт череде праздничных утренников и представлений, конкурсам и мастер-классам... Под радостные крики: «Ёлочка, гори!» в каждом доме зажигались огоньки на новогодней красавице.

В эти недели жители Нельмина Носа посетили множество мероприятий. Сельчане достойно встретили новый, 2026 год.

Ручки согреваем – варежки украшаем

24 декабря отмечался уютный и добрый праздник, который связан с традиционным предметом зимнего гардероба – День варежки.

В Нельмином Носе в этот день открыли выставку-конкурс «Ручки согреваем – варежки украшаем». Варежки – это тепло не только для рук, но и для души. Этот предмет гардероба ассоциируются у нас с детством, с предвкушением зимних забав, радостью от лепки снеговиков и строительства снежной крепости.

На выставке было представлено многообразие современных рукавичек. сшитых из ткани, драпа, флиса и украшенных бисером, бусинами, помпонами, мехом, тесьмой. Все варежки ручной работы с традиционными северными узорами, украшенные ёлочками, снеговиками, оленями, снежинками, получились своеобразными, яркими и создали праздничное настроение.

В конкурсе приняли участие восемь девочек-рукодельниц. Жюри конкурса определило победителей по двум номинациям: «Народные мотивы» и «Зимняя фантазия».

Победители в номинации «Народные мотивы» I место заняла Люба Талеева, II место – Лейла Марюева и III место – Камилла Саламатова.

В номинация «Зимняя фантазия» I место заняла Александра Талеева, II место – Анфиса Саламатова и III место – Стефания Талеева.

Также на выставке были представлены работы участников клуба «Искусница».

Волшебства Новогоднего вечера

раздничный вечер встречи Нового года под названием – «Новогодний серпантин» провели для жителей посёлка специалисты Дома культуры.

Серпантин – цветные волнистые ленточки из бумаги, которые давно стали атрибутом встречи Нового года. Стоило потянуть ленточку – и свернутый рулон разноцветий стремительно раскрылся в большом зале. И гости новогоднего мероприятия мгновенно окунулись в сказочное действо.

У входа в помещение каждого радушно встречала Зима, провожала в этнографическую комнату. Там царила поистине волшебная атмосфера – с песнями, мелодиями на новогоднюю тематику.
Нарядная ёлка, импровизированный камин, накрытые столы для гостей, фотозона, где на протяжении вечера можно сделать красивые снимки в новогодних масках, сфотографироваться на память со сказочными героями, Дедом Морозом и Снегурочкой, просто с добрыми друзьями.

Интересная и насыщенная новогодняя программа оставила яркий след в сердцах всех, кто побывал там. Каждое действо – радость. Многообразие весёлых игр, таких как «Цыганочка», «Сольный номер», тесты «Как я встречу Новый год», новогодние кричалки, развлечения для гостей «Моя снежинка – задание для гостя», «Гороскоп по-нельминносовски», шуточные загадки, викторины накаляли праздничное настроение.

Один за другим в зале появлялись сказочные персонажи, они не позволяли присутствующим скучать и заряжали жителей Нельмина Носа положительным зарядом бодрости, всё выше и выше поднимали настроение.

В конце вечера, как водится в предновогоднюю ночь, пришли Дед Мороз со Снегурочкой и поздравили всех с Новым годом, пожелали мира, добра, надежды на исполнение самых заветных желаний. Вечер удался на славу, пришёлся по душе каждому, все зарядились энергией бодрости на долгие зимние каникулы. Значит, и новый, 2026 год пройдёт в Нельмином Носе замечательно!