Ваеравы си’’ивхана округна’’ ӈэсыхы’’на’’, маркана толаӈгова’ хардахана манзарана’’ хибяри’’ семинар’ Няръяна маркана ваерась.

Сян яля’’ ямбан минрена манзаяха’’нандо’ тарана серу’’ тасламбиць.

Ты’’ саполана ирий’ хасуюдимдей яӈганя яля’ А.И. Пичков нювм’ нюбета толаӈгова хардахана мэвы’’ нина’’ манзаравы пудана ялядо’ хэбидя яля’ тотрев ваерась. Тамальӈгана таняна «БиблиоПрофи–2026» нюбета конкурсадо’ ваерась.

Тарця конкурсха’’на’’ манзаидо’ теневана’’ поӈгнандо’ пирдырӈаць, библиотекаха’’на’’ манзаравам тю’’у минревам’ манэ’’лабтамбиць, тикы’ поӈгана толаӈгова’ хардахана манзарана’’ нина’’ профессиональной, творческой квалификациидо’ мэйрамбиць’. Тамбир’ мероприятие’’, толаӈгова’ хардахана манзарани’’, минрена’’ манзаидо’ нерня’’ минаць минресь табедабидо’.

Конкурс’ хэбидя яля’ тотрев миӈась – я’’авлада’’, манзаидо’ теневана’’ сомбой не’’ пирдырманзь тарпыдаць. Тюку по’ профессионал – библиотекарь’ нювм’ минрена конкурсхана манзаидо’ сававна теневана’’ сидя ю’’ ӈопой ненэцие’ округна’’ толаӈгова’ хардахана , филиалкана манзарана’’ ныхыдо’ хорпиць.

Конкурс’ сидя этапм’ мэ’’ӈась, няхар’’ заданием’ минресь. Ӈули’’ нерде’ заочной этапм’ ваертаць. «Тикы ям’, сэвхана манэць тара» – заочной этап’ тарем’ нюмдевысь. Тикахана пирдырманзь тарпвы нина’’ ява’’ханзер’’ теневавамдо’ манэ’’лабтаць, яханандо’ танеда мэкад лохоко’’ нямна лаханаць, сюжетм’ манэ’’лабтаць.

Тикы’ пуд’’ очной этапдо’ ваерась, таняна хари’’ сояма’’ я’ нямна нина’’ вадидо’ мэ’’ӈаць, тикахад тены’’ похо’’на’’ яӈгода книгам’, харто’ и’’ӈуто’ хибярихи’ вадеӈаць. Тарця пирдырмахана нина’’ Заполярной район’ юбилеян’ хамадавы краеведческой викторинахана сава теневавам’ манэ’’лабтаць, яӈгода книга’ литературной импровизацияхана ӈадимдевы’’ герой’’ история’’ ваде’’ӈаць.

Хусувэй толаӈгова’ хардахана манзарана не’ пирдырманзь тован’ ивъер’ хамадёвысь, серм’ теневана ӈэвада ӈадись, манзаямда сававна теневана’’ ӈэвамда нянэювна манэ’’лабтась. Хусувэй конкурсхана таневым’ минаць сертабидась, тарцям’ маниесь, ӈади’’, маня’’ яханана’’ библиотечной системахана манзарана’’ минрена манзаямдо’ сававна нерня’ минредо’, тикахана манзаидо’ теневана’’ хибяри’’ манзара’’.

Пирдырманзь тарпвы’’ не’’ манзаравам’ жюри’ тасламбидась, таняна манзаравы’’- Иван Хозяинов – председательто’, НАО’ управление культуры ерв ӈуда’ ӈылы, культурной политика отдел’ нермбэртя; Елена Осташова –
округна’’ толанзёва’ харад отдел электронных ресурсов ервота, Мария Санникова – ветеран, толаӈгова’ харадхана манзаравам’ сававна теневана. Пирдырта’’ мал’ саваць, серм’ теневана’’, нерденамдо’ нюмдесь нензел’ нивысь’ ӈа’’.

Тарем’ таслась, нертей местам’ ханавы, « БиблиоПрофи–2026» региональной пирдырмахана нерня’ тарпвы Александра Ломанец (Искатели ӈэсы), нябимдей местам’ ханавы Алла Канюкова (Амдермахад), няхарамдэй – Ирине Рочева (Каменка ӈэсы).

Хусувэй пирдырманзь тарпвы’’ не почётной грамотам’, мядонзэйм’ ня’’амась, мал пыдо’ – хари’’ манзаяха’’нато’ нерденя, округна’’ библиотека’’ сававна манзараван’ ӈока теневанамдо’ масибтевы’’.

Пыдо’ минрена манзаидо’ теневана’’, мэнена’’, хусувэй ӈамгэм’ ивъер’ тасламбада’’, хусувэй тэнз’ ненэця’’ культурам’ теневава’’ нядандо’ тю’’ури миӈа’’, тарем’ пудана’’ илевндаха’ тэвравы ӈэӈгу.

Перевод на русский язык

Настоящие библиопрофи

В Нарьян-Маре состоялся окружной семинар «Библиотека – хранитель культурного наследия».

Мероприятие прошло на базе Ненецкой центральной библиотеки имени А.И. Пичкова.

Завершающим аккордом учёбы стал региональный конкурс профессионального мастерства «БиблиоПрофи». Подобные соревнования проводятся с целью повышения престижа профессии, имиджа библиотек, профессиональной квалификации сотрудников. Такие мероприятия, безусловно, вдохновляют представителей библиотечной системы на высокие творческие достижения.

В культурном противостоянии на этот раз участвовал 21 специалист филиалов и отделов Ненецкой центральной библиотеки.

Конкурс «БиблиоПрофи–2026» состоял из двух этапов и трёх заданий. Вначале участницы прошли заочный этап. Задание называлось «Место, которое стоит увидеть». Здесь конкурсантки продемонстрировали краеведческие таланты, подготовили увлекательные материалы о самом интересном уголке нашего края.

Название первого задания очного этапа говорит само за себя – «О той земле, где ты родился». О родных местах, собственно, и надо было рассказать, а также придумать сюжеты из несуществующих книг.

Также конкурсантки показали отличные знания в краеведческой викторине, посвящённой юбилею Заполярного района, проявили недюжинную фантазию в литературной импровизации, создав самые разные истории.

Участницы показали серьёзный уровень подготовки и глубокие знания.

В итоге все отлично справились с конкурсными заданиями, подчеркнув тем самым, что библиотечная система нашего региона ведёт работу в правильном направлении, ведь здесь достойно трудятся профессионалы своего дела.

В состав жюри вошли Иван Хозяинов – председатель, заместитель начальника управления культуры НАО, начальник отдела культурной политики; Елена Осташова – заведующая отделом электронных ресурсов Ненецкой центральной библиотеки; Мария Санникова – ветеран библиотечного дела.

После напряжённой борьбы и жарких обсуждений жюри объявило имена призёров.

Первое место и звание победителя регионального конкурса «БиблиоПрофи–2026» заслуженно заняла Александра Ломанец (посёлок Искателей), второе место – Алла Канюкова (Амдерма), третье место – Ирина Рочева (Каменка).

Все участницы отмечены почётными грамотами и памятными подарками, ведь они – уже победители, внёсшие весомый вклад в развитие библиотечного дела нашего округа.

Профессионализм, глубокие знания, преданность выбранной профессии и неравнодушие специалистов способствуют расширению уникальной культуры наших народов и сохранению для будущих поколений.