Скульптура «Жизнь» известного ненецкого мастера Николая Вылки сегодня украшает окрестности Тарко-Сале.
Николай принимал участие в юбилейном Международном фестивале парковой культуры «Легенды Севера», который проходил на Ямале с 7 по 14 августа.
Николай Вылка был удостоен специального приза «За верность традиции».
– С помощью визуальных символов я пытался рассказать, что домом для оленевода служит окружающая его природа, а не какое-то конкретное строение, – рассказывает скульптор. – Я немного отошёл от изначального эскиза и добавил священное дерево, которое является важной составляющей для многих языческих народов. Никаких трудностей не возникло, я заранее распределил работу и делал всё планомерно. Многим скульптура понравилась. Члены жюри отметили, что мне хорошо удалось раскрыть тему и передать глубокий смысл. Скульптура украсит город Тарко-Сале, – поделился радостью Николай Вылка.
Напомним, на десятый Международный фестиваль парковой скульптуры «Легенды Севера» в столицу Пуровского района Ямала съехались мастера из восьми регионов России. Темой нынешнего конкурса жюри определило семью и детство. Лауреатом первой степени стал салехардец Сергей Корольков. Он представил на суд жюри свою работу «Мудрость Севера «Головоломка». Отныне 16 скульптурных композиций, выполненных мастерами, украсят знаковые места Пуровского района Ямала.
Перевод на ненецкий язык
Мел’’ хасава’’ манзараць
Ямалкана хусувэй по’ «Легенды Севера» нюбета международной фестиваль’ яндахат товы’’ мел’’ ненэцие’’ ма’’лабсеты’’.
Тюку ирийхана Тарко Саля’ маркана юдимдей парковой культура’ фестиваль’ синдтет яля’’ ямбан’ миӈась. Мат’’ яӈганя пявна’’ маторона’’ мел’’ хибяри’’ таняна манзараць, ивняндо’ тарана манзаидо’ маторпиць.
Тюку по’ хамадавы фестивалямдо’ ямалкана илена’’ нина’’ луца’ вадавна хэтась тарем’ нюмдедонзь – «Семья и детство».
Наӈгадя’ синдтет яля’’ ямбан’ мел’’ ненэця’’ ивъер’ поӈгнандо’ пирдарць, манзараидо’ мадабиць. Хусувэй маторана’’ мэкад’ манзаям’ сертаван’ харвась, жюри’ манзаидо’ манэ’’сарӈась. Мал’’ манзая’’ саваць, сямянд савамдо’ тэрамбась тоенась.
Тарем’ тасалкось фестиваль’ лауреатӈэ Сергей Корольков тарпыць, Саля’хардана манзарана мастер. Пыда нертей степени диплом’ ханась. Конкурс’ манзарава яля’’ ямбан’ мадабавы манзаямда «Мудрость Севера «Головоломка» нюмдевэдась.
Маня’’ округхадана таняна мел’’ нява’’ Николай Вылка манзарась. Таня хэвахана нява’’ округна’’ Союз’ оленеводов нядадась. Тюкумэвахана ваеравы международной парковой культура фестивалькана пыда специальной призм’ ханась, номинацияда’ «За верность традиции».
– «Ил’» -тарем’ манзаяв’ нюмдевась. Таняна тыбэртя илм’ манэ’’лабтамась. Тыбэртя – мята’ харта яда, яхананда танеда’’ ӈаворида’’. Тарця манзаям’ пяхад’ мададамзь. Манзаяв’, тарем’ таслась, ӈока и’ ӈудм’ минре, илм’ манэ’’лабтамби. Сертабада манзаяв’ сававна миӈась, незелаць манзарась. Тикы нерцюна хусувэй ӈамгэмда таславась, ханзер’’ манзараӈгудм’. Сертавы манзаяв’ ивнян’ ӈа’’. Хэвхан’ турта’’ хибяри’’ саву’’ ӈадось, сава вади’’ мэ’’ӈаць. Жюри’ вадавна, темамда манэ’’лабтавэв, ӈади’’ ӈамгэм’ хэтван’ харвадамзь. «Ил» нюбета скульптурав’ Тарко Саляхана хаюда, – тарця вади’’ Николай Вылка хэтась.
Международной парковой культура фестиваль Ямалкана тюкумэвахана юдимдеймэвна ваерась. Яндахат товы’’ мел’’ ненэця’’ мат’’ яӈганя скульптурам’ – пяхад’ манзаи’’ мадаць. Мал’’ манзая’’ Пуровской районхана хаюда, ӈэсыдо’ падтамбаӈгу’’.
