День коренных народов мира – тарця ялям’ Россиянана толырто’ тянё ненэця’’ харто’ ялядандо’ мэ’’ӈадо’. Тарця ӈарка ялям’ мэ’’манзь пилё’’ ирийна хасуюдимдей толыркана ма’’ласьтына’’.

Россия яханана илена’’ толырто’ тянё ненэця’’ юкад’ вата по’’ ямбан тарця яляхана ӈобкана ма’’лёсьты’’. Харто’ илевандо’, манзаравандо’ нямна лахарёдо’ мэцьты’’; ӈобкана ибедорцеты’’: ханзер илевамдо’ саваркаӈэ’ сертась.

Маня’’ округханана тарця яляхана Няръяна маркана илена’’ хибярина, мядондина’’ ӈобтарем ма’’лыць – ты ялям’ мэ’’ӈаць.

Хэвхы округхана илена’’ толырто’ тянё ненэця’’ тюку по’ тарця ялямдо ӈарка яляӈэ’ хаврадось. Тюку’ мэвахана Горнокнязевск нюбета ӈэсыкоцяхана ныланаць. Илевандо’ нямна вади’’ мэ’’ӈаць, тикахад’ сейхана сомбой программам’ манэ’’ӈаць, ихиня сава сё’’ мэ’’ӈаць, тарабцодо’ манэ’’лабтамбиць. Ныланава яля’ пуданана яндат’ товы’’ ненэця’’ ӈобкана мякана ма’’лась сяйӈаць, халяхад’ пиревы евэйм’ ӈаворӈаць.

Тарця сер’ хэвхы округхана Я’мал няна таневысь. Ямалкана хуркари тенз’’мэта ненэця’’ хынёси’’ иле’’. Нянэй ненэця’’, хаби’’, тасу’’ хаби’’ ӈэрм’ яхана нидо’ нядабась илевамдо’ мэ’’ӈа’’. Ӈарка яляхана ма’’лёсь ӈобкана ныланасьты’’.