Сидяӈгха’’на’’ – паской хой’ ява’’

Яханана’’ ӈани’ хойхана мюсерта’’, манзарана’’ нина’’ хэбидя ялян’ тэвутына’’. Мале’ валакада Тыбэрта ялям’ мэтава’’.

Этнокультурной центрхана манзарана’’ тарця ялян’ «Тундровые будни и праздники» нюбета выставкам’ хамадаць. Тюку ирий’ сидя ю’’ тетимдей толыркана нэдонзь.

Выставкахана сидя ю’’ самляӈг хой’ илм манэ’’лабтамбада’’ сидяӈг’’- хусувэндо’ харта историяда. Тюкохона невхы сехерэвна хайнана’’ мюд’’, поӈгнандо’ пирдырта’’ ненэця’’, «Сямянхат мерета» ӈарка яляхана тэхэ’’на’’ ӈэдалёрмахана я’’авлавамдо манэ’’лабтабада’’ тыбэрта, тандая соявы суюкоця, хойхана илена’’ мяд’ тер’’, нядаӈгода ӈацекы’’…

Тюку’ мэвахана сидяӈг’’ тэвравы’’ поӈгана, теневана тадтаӈгода Альберт Людвиг, Сергей Ладыкин манзая’’, тарця серм’ мэнена хибяри’’ – Алёна Басманова Харута ӈэсыхыд, Юлия Бобрикова Омахад, Мария Ануфриева Хорей-Верхад, Марина Ледкова Краснойхад, тамна Бугриноход, Несьхад, Искателькад, Наръяна-Маркад тэвравы сидяӈг’’. Мал’ манзая’’ сава.

– Тыбэртахана хой’ якоцяда – манзаида минревари’ я ни’’ӈа, иланда’ ватом минрева’’ я’’. Хойхана мюсерта’’ хибяри’’ харто’ ямдо сахарамбада’’, лэтамбада’’, хусувэй серкана харто’ ныхыто енана’’, нердендо’ илевы’’ нито’ хаевы серм’ нерня’ минресь илевамдо’ тасламбидо’. Хамадавы выставкахана хой’ илм сидяняд’ маниева’’: манзарава ёльцьӈгана тадтавы’’, ныланава’ мальӈгы’ сертавы’’ сидяӈг’’ таня. Тадтавы’’ манзаи’’ маниесь, хамадабива’’, сян’ пирувна хойхана илева’’ сяхари’ сибиць нибнанда’ ӈа’’ӈод, хой’ ненэця’’ ханяӈэхэна ныланава ялудо’ танесеты, ябда, маймбась теневана’’, варёмдо’ мэць илена’’. Ӈани’ сер’’ тыбэртина сусаӈгуць! – тарця вади’’ ма’’лёва’’ мальӈгана Сергей Тайбарей хэтамбись.

Выставкам’ нэмбава мальӈгана стих’’, сё’’ мэта нина’’ танець. Надежда Талеева Прокопий Явтысой падвы манзаям’ «К оленеводам отчизны моей» ваде’’ӈась, Вера Бобрикова’, «Илебц» театрхана сянакода няхадана’’, Татьяна Лар «Из глубины веков» нюбета сём’ намдаваць, Виктор Субоч’ ӈани’’ Алексей Пичков’ «Родина» стихм’ ӈысма’’ вадан’ падвэдась, тикы манзаямда толась. Выставкан’ товы’’ поӈгана тарця хибяри’’ танець, хибя’’ хой’ илм мюняхад теневадо. Сяхаӈгава таняна илевы’’, манзаравы’’ - Александр Выучейской, Краснойхад, сельской хозяйство ветеран. Пыда ӈока по’’ ямбан’ СПК «Ервхана» манзара. Тамна Александра Закутаускене, пыда ӈани’’ Канин общинахана мюсерта’ тэхэ’’на’’ мэна ӈысма’ мяд’ тер’’ не ню, хойхана вадюданавы пода’ ихинанда иле’’. Пыди’ хойхана иле’’миди тензебтембихинзь. Ихид’ хэтвы’’ вадиди’ хусувэй выставкан’ товы хибяри ин’ мэёвна тэбыдаць.

Тарця выставка’’ сертамбава ӈарка сер’’, хой’ няд тэвравы сидяӈгха’’на’’ хой’ маниева’’ – таняна илена’’ нина’’ ил’, пысабцо, ӈармдёва. Хибяри’’ нямна лахана’’, пыдо’ манзаяхадандо’, илевахадандо’ – тыбэрма сер’’ пере. Маня’’ хамадабива’’, хой’ тер’’ ненэця’’ ӈарка серм’ минре’’, харвась яханандо’ манзара’’ хари’’ ил’ мэсым’ мэйрамби.

Тарця ма’’лёва пуданахана Елена Вергунова, этнокультурной центрана ервота, выставкан’ товы’’ мядондаха’, сидяӈг’’ тэвравэхэ’ ихид минда’’ вадида хэтась. Тадтаӈгода’’ благодарственной письмо’ ня’’амаць.

Перевод на русский язык

В кадре только тундра

Накануне профессионального праздника тружеников тундры в Этнокультурном центре НАО открылась выставка «Тундровые будни и праздники».

Она посвящена Дню оленевода.

25 фоторабот, и каждый снимок – маленькая история. Здесь и аргиш, движущийся по древним тундровым воргам, и моменты традиционных спортивных состязаний тружеников тундры, и завораживающие гонки на оленьих упряжках на празднике «Сямянхат мерета». А ещё – трогательный кадр новорождённого оленёнка, суляко, который только-только встал на ножки.

Свои работы представили признанные профессионалы, такие как Альберт Людвиг и Сергей Ладыкин, а также талантливые фотографы-любители: Алёна Басманова из Харуты, Юлия Бобрикова из Омы, Мария Ануфриева из Хорей-Вера, Марина Ледкова из Красного, а также жители Бугрино и Омы, Искателей и Нарьян-Мара.

– Для оленевода тундра – это не просто место работы, это образ жизни. Труженики тундры ценят возможность жить в гармонии с природой, принимать решения, опираясь на собственный опыт и опыт предыдущих поколений. Название нашей выставки отражает два ритма жизни: будничный труд и редкие моменты отдыха. Эти снимки показывают, насколько жизнь в тундре непроста, но в ней есть место праздникам, счастью, радости и свободе. Иначе бы оленеводство угасло, – с особым трепетом сказал ведущий вечера Сергей Тайбарей.

На открытии выставки звучали стихи и песни. Надежда Талеева вдохновила гостей стихотворением Прокопия Явтысого «К оленеводам Отчизны моей», а Вера Бобрикова, актриса театра «Илебц», исполнила песню Татьяны Лар «Из глубины веков».

Виктор Субоч перевёл на коми язык и прочитал стихотворение известного поэта Алексея Пичкова «Родина».

Среди гостей мероприятия – наши земляки, чья жизнь напрямую была связана с тундровыми буднями. Им было о чём рассказать. Это ветеран сельского хозяйства Александр Выучейский из посёлка Красное, который многие годы трудится в СПК «Ерв», и Александра Закутаускене, выросшая в кочующей семье коми оленеводов общины «Канин».

Каждый их них, окунувшись на несколько минут в воспоминания, поделился своими добрыми историями. С особой тёплотой и вниманием слушатели встречали тех, кто знает тундру не понаслышке.

Такие выставки нужны не только для того, чтобы любоваться снимками. Они рассказывают о людях, чей труд и быт – основа жизни в тундре, напоминают о связи поколений и уважении к традициям.

В заключительной части доброго вечера руководитель ЭКЦ НАО Елена Вергунова поздравила всех участников и гостей с открытием выставки и вручила благодарственные письма тем, кто представил свои работы.