Пилю’’ ирийхана Тиман’ вынд’ тэворӈадамзь, таняна Юлия Евлампиевна Панькова’ ня’ нини’ хомбининзь. Сава ялякоця нусь, пихиня хаярэкоцясь, ӈэрм’ яна’’ ибан’ хибяри’’ маймбиць. Паской выӈгы ям’ маниесь ихиня ӈод’’ лимбякась, сёнзян’ мюй хынотархась. Тиман я’ пэ’’ хой товы’’ хибяри’’ пон’’ ӈатенархаць.
Вы здесь
Ялумд’’
Сян’ яля’ ваерась вэба’ ирий пудана яляха’ тэвӈгуна’’. Та’ ёльцяӈгана сэвхана маниесь якоцява’’ ёльце паской, хуркари тэнз’ ӈоле’’пяхана падтавы. Тецьда тось пудана ӈамдэд’’ хамӈгуд’’. Тедари’’ тамна пилю’’, ниберё’’ мункоця со. Си’’ив ялякоця ваерась, тикахэртада ни’’ соӈгу. Хой’ якоцява’’ ӈани’’ по’ таӈы’ ӈэсонд’ тарця мун’ ехэраӈгу.
Тюку яля’ Сыктывкар’ маркана Российской Федерацияхана илена’’ финно-угорской тэнз’ мэта хибяри’’ VI съездадо’ манзара пядась. Таняна Россияна’’ 42 регионхад ӈокханда няхар’’ ю’’ самляӈг юкад’ вата’’ хибяри’’ манзара’’, поӈгнандо’ 210 делегат’’. Хибяри’’ ханяӈы общественной организация’’, власть’’, бизнес’’ манзаи’’ минре’’, яндахат товы’’ паднана’’ таня’’.
АКМНСС и ДВ РФ информационный центрхад тарця юн’ тось. Толырто’ тянё ненэця’’ хари’’ вадам’, литературам’, культурам’ минрена’’ тохолкода’’ Всероссийской съезд ваераӈгу. Тарця ма’’лёян’ хамякова’’ манзая’’ теда’ мале миӈа’’.
Печора’ яха’ вархана илена’’ хибяри’’ нидо’ няць иле’’. Ханяӈэхэна хэбидя яля’ тось няхато’ мядоманзь тэворцеты’’. Тюку яля’’ ёльцяӈгана Саляхана илена’’ ненэця’’ ӈэсындо’ соя’’ма ялян’ хамяку’’. Мядоманзь хибяридо’ ӈате’’, ханяӈы тикы ӈэсыхына сяхаӈгава илець, манзараць.
Отрывок из очерка Анны Сулентьевой
Сегодня я снова побывала в родном стойбище. Свиделась с родителями и всеми своими братьями и сестрами. Успела порыбачить с отцом на нашем озере, на большом тагане готовила уху, слушала, как в детстве, напевы матери. И хотя это был только сон, проснувшись, моя душа пела. Или пел мой огонь в костре?
Март’ ирий нертей яляхана ӈэрм’ яхана, Сибирькана, Дальний Востокхана илена’’ толырто’ тянё ненэця’’ Ассоциация’ «Ӈэрм я’ сё» паднана’’ конкурс сертась. Тарця конкурс’ манэ’’лабтаӈгуда ханяна Россиянана’’ толырто’ тянё ненэця’’ харто’ паднанидо’ таня, ханзер’’ пыдо’ харто’ иландо’ нямна падна’’.
Нюдя яхана тыбэртя’’ нина’’ мале ӈахакуд семейно-родовой общинахана манзарась тыдо’ пэрӈа’’. Тикы хибяри’’ ӈокаювдо’ юкад’ вата’’ по’’ тяхана колхоз’ ты’’ пэрць харто’ явнандо’ мюсерӈаць. Тикахад саӈговота по’’ ёльцяӈгана манзаяси’’ хаиць, тыдо’ янамбовна яӈгумда пядонзь. Тикахана манзаямдо’ теневана’’ ненэця’’, харто’ тыдо’ ӈобт’’ ма’’лась несэювна илелъць идевыдаць.
Тарем’ семейно-родовой община’’ янамбовна ӈадимдана пядонзь. Хибяри’’ харто’ ныхыто’ енась илелъядаць. Сибиць нись’ ӈа’’.
Федор Белугин то’’олха’ тыбэртя’’ «Индигской» совхоз’ манзаям’ нерня минревы’’, мал’’ округна’’ тымбэрма серкана теневаць. Пыда иланда самляӈг юкад вата пом’ харта манзаяханда паклесь. Федор Белугин Тиманской выӈгана соясь. Нисяда Федор Иванович, небяда Анастасия Александровна илеванди’ ямбан’ тэхэ’’на’’ мэвэхэнзь.
Ӈацекы ӈэвы пода’’ тензебтембнанда Надежда Ванюта сята салмуйӈэ хан’’ӈа’’. Пыда сэдорась мел’’, сава ихинянда ӈахы сэдвы панымда тюлцеты, маймбасеты ся’’ня нюта’’ е’’эмня сэдвы манзаида маниесьты. Хусувэй сэдъямда тенеда, сертавы манзаида ивнянда’ ӈэсеты’’. Тикы ембдяродо’ тэри’’ тарем мэсана’’ ни’’ӈа’’. Яӈга яляхана сербада’’.
«Ямб то»’ общинахана илена’’ ненэця’’ ӈобкана ма’’люрмамдо’ ӈуда таркахана толава’ пир. Пыдо’ хэбидя ялу’ маня’’сидна’’ тотрев’ нисеты’’ мэс’’. Ӈопой ӈарка ялядо’ – ты’ яля. Тикы ялям’ тэри’’ тарем’ нисетыдо’ хаебю’’. Тарця яляхана «Ямб тон’» маркад’ ӈод’’ мядонда’’ тосеты’’.
Сидя ю’’ по’’ тяхана харто’ тыдо’ пэртя’’ ненэця’’ «Ямб то» общинам’ сертаць, теда’ ӈод’’ общинамдо’ пэрць илевамдо’ нерня’ минредо’. Сидя ю’’ по’’ тяхана’ ӈод’’ «Ямб то» хибяри’’ е’’эмня таӈы мюсерта школа манзаямда пядась. Тарця проектм’ е’’эмня еся’’ Норвегияхад миӈаць. Няръяна маркад товы’’ ненэця’ вадам теневана’’ тохолкода’’ хойхана та’ ямбан’ манзараць. Ханзер’’ тамальӈгана ӈэса? Тикы нямна таняна мэвы’’ нина’’ тарем’ лахана’’.
Тохолкова – сава сер’’
Матрёна Талеева, тохолкода манзаям’ ӈока по’’ ямбан’ минрена нява’’
Тюку по’ сиднтет ю’’ самлязимдеймэвна Ты’ ялям’- округханана’’ хойхана манзарана’’ нина’’ ӈарка ялям’ мэтава’’. Те’ ёльцяӈгана тыбэртя’’ нина’’ таӈы ямбан’ пэрмы манзаидо’ ёльцесь сырэй мюсерць яхато’ ямдаванзь хамяку’’. Тикы поӈгана нылана’’. Ныланавандо’ мальӈгана ӈарка ялямдо’ мэцьты’’. Хойхана мюсерта хибяри’ е’’эмня ты’ – сямянд тарана. Тэхэд’ пыдо’ иле’’.
Тыбэртя’’ пон’ мюсеӈгу’’
Округна’’ толаӈгобць’ харад ӈэрм’ ненэця’’ отдел манзарана’’ социально-гуманитарной колледжхана манзарана’’ нито’ ня’ «Живая книга ненецкого языка»’ проектмана манзараць. Сидя по’ ямбан округна’’ образовательной учреждение тохолкода’’, студент’’ ненэця’ вадам мэта’’ хибяри’’ ня’ ӈарка манзаям’ сертабиць. Пыдо’ Людмила Федоровна Бобрикова самляӈг ю’’ по’’ тяхана ма’’лавы манзаи’’ манзая’’ӈаць.
Неняӈг’’ ирий 11 яляхана округна’’ хибяри’’ Прокопий Явтысой, ненэцие’’ паднанам’, падтаӈгодам’ тензибтембиць. Тикы яляхана 85 пода пангусь. Соя’’ма’ яляхананда перенида’’, нида’’, тохолабвы хибярида’’ маркана паднана’’ няндо’ тэвормы ян’ турӈаць. Тикы яляхана падвы манзаида соць.
Страницы
- « первая
- ‹ предыдущая
- …
- 31
- 32
- 33
- 34
- 35
- 36
- 37
- 38
- 39
- …
- следующая ›
- последняя »
