Хари’’ вадам’ лэтрава’’, нерня’ минрева’’ манзаям’ ненэцие’ хибярина’’ «Ясавэй» ассоциация’’ манзаянанда сямянд таранаӈэ тасламбида.
Вадам’ тохоламбава’’ е’’эмня общественной организация проектм’ падась.
Тарем’ грантм’ 250 ёнар’’ есям’ социальной проект’ манзарава’’ е’’эмня ня’’мась. Тикы’ еся’’мна Няръяна маркана харвана’’ ненэця’ вадам тохоламби’’. Вадам’ тохоламбаван’ харвана’’ хибяри’’ хусувэй си’’ивхана сидямэвна ма’’люрӈа’’, группахана сидя юд’ мян хибяри’’.
– Выӈгы – мань хардув, тюкохона манзаяв таня’’, – тарем’ Герман Ардеев тасламбида, пыда «Няръяна ты» СПК’ тыбэртя.
Тюку по’ ӈарка пэвдэй ирий 16 яляхана ханярина теневана ненэцие’ паднана Василий Николаевич Ледков 85 пода пангусь. 2018 по’ – яна’ тер паднанана’’ тен’ поӈэ мэ’’ӈава’’.
Ненэцие’’ школа-интернатм’ тюку по’ Юлия Лаптандер ёльцембида, пыда’ ня’ технология кабинетхана лаханорӈанись. Тикы кабинетхана не’’ ӈацекы’’ сэдорась тоходана’’. Ӈамгэдо’ тол’ ниня ни’’ яӈгу: хуркари’’ тохоцяко, мату’’рома’’ пусак’’, не’’ ӈацекы’’ ӈудаха’’на сертавы манзая’’ таня’’, пена’ пускахад сертавы сувенир’’, сянакоця’’.
Маркана тыбэртина’’ ма’’лёвахана хой’ тер’’ хибяри’’ нябимдей яля манзараць. Манзара’’мито’ поӈгана лакамбой ныланавась тарпась ӈули’’ я’’авлада некоцям’ сэвтедамзь.
Анастасия Михайлова ӈока по’’ ямбан Искатель’ нюбета ӈэсыхына илесь, пыда хибяри’’ савумдабадаӈэ манзарась. Сян по’’ тяхана тикы теневана’’ нява’’ яӈгумась. Сейда едяханда выдарась. Тюку ирий’ 16 яляхана Анастасия Федоровна Михайловна илевы ӈэбнанда 75 пода пангусь.
Имя Розы Ивановны Канюковой известно в Санкт-Петербурге, на Таймыре, на Ямале и, конечно же, в родном Ненецком округе. Знают ее школьники и убеленные сединами ветераны, ученые-лингвисты и учителя ненецкого языка.
Ты’ саполана ирийхана Няръяна маркана конкурс’ «Профессионал года – 2018» ваерась. Региональной’ конкурс учредительта НАО’ Департамент образования, культуры и спорта ӈэсь, организаторӈэ Ненецие’ региональной центр образования тарась. Тикы конкурс’ манзаяханандо’ мэбета’’, манзаидо’ пилибт’’ несэюмдабада’’ тохолкода’’, я’’авлада тохолкода’’ е’’эмня ӈадимдевы.
Ӈока по’’ ваера’’ ся’’ня Тромсё маркана тыбэрма сер’’ минрена’’ хибяри’’ нюртей ма’’лэйдаць. Тамальӈгана Норвегияхана международной организациям’ «Оленеводы мира» сертаць.
Нюртей съездамдо’ Ямалкана, Надым’ маркана 1997 похона ма’’ладонзь. Тарця сер’’ ӈэ’’махад сидя юкад вата’’ по’’ ваера’’, тюку по’ Саля’хардахана я’ сяр ниня’’ яндаха’’на’’ илена’’, манзарана’’ тыбэртя’’ ӈани ӈобкана ма’’люрӈаць. Ассоциация «Оленеводы мира» совет’ манзарась. Ӈока яхад’ товы’’ хибяри’’ манзараць, маня’’ округхадана’’ делегациява’’ танясь.
Тарем’ ӈэвнда сер’’
Ямал’ яхана хойхана мюсерта’’ толырто’ тянё ненэциедо’ округхадандо’ илӈганандо’ тарана ӈаворидамдо’ нямарпава’ сер’’ таславы. Тикы мяд’ ея’’ е’’эмня тарана, мини-электростанция’’, печь’’, хибяри’’, ты’’ савумдамдава серкана тарана ӈавори’’, спутниковой связь. Тамна хойхана мюсертидо’ хусувэй ирийхана еся нядмаӈэ няхар’’ ёнар’’ селкойм’ ня’’марпи’’.
Сенз’ ӈэвар хурка?
Ямалкана тыбэртя ялям 15 по’’ ямбан мэ’’ӈадо’. Таӈок по’’ ямбан сямянд ӈарка ялядандо’ хая, тамбир хэбидя ялян яндахат яӈга турта’’ хибяри’’ ӈока ӈэсеты’’. Пыдо’ ӈэрм’ ям манэ’’манзь, хурка ӈавар’’ тюкохона илена’’ хибяри’’ ӈаворӈа’’, тэхэ’’на ӈэдалёрма пирдырмам’ манэ’’ман харвасеты’’.
Тыбэртя ӈарка ялямдо’ мэ’’манзь ханярид’ тосеты’’, тарця ӈарка яляхана Саля’хардахана паской панытана’’, мальцятана’’ хибяри’’ ӈока ӈэсеты’’, ханяримна ядэрцеты’’.
Ваеравы си’’ив маттамдэй яляхана маркана тыбэртя’’ поӈгнандо’ пирдырӈаць, «Сямянхат мерета» пирдырмадо’ ваерась. Качгортинской курьяхана мяд’ ӈамтавыць, яндахат хойхана мюсерта’’ хибярина’’ тоць. Нюдя яхана семейно-родовой общинахана тыдо’ пэртя’’, СПК «Ерв», «Харп» манзарана’’, «Ямб’ тохона» мюсерта ненэця’’ таняць. Пыдо’ ма’’лёвадо’ хэбидя яляӈэ хаясь. Пирдыртаха’ сырманзь товы’’ хибяри’’ ӈод’’ тянё ниць’ ӈа’’.
Хуняна Няръяна маркана округна’’ тыбэртя’’ ма’’лёвамдо’ мэ’’манзь ма’’лэйдаць. Маня’’ яханана’’ тыбэрма’ серм’ 25 сян’ тэнз’’ хозяйство’’ пэрӈа’’, поӈганандо’ 12 сельскохозяйственной производственной кооператив’’, 11 семейно-родовой община’’, ӈопой унитарной предприятие, ӈопой крестьянско-фермерской хозяйство. Ӈысма’ яхад съездхана манзараванзь хибяри’’ товнда’’.
Санкт-Петербург маркана Союз художников хардахана падтаӈгода няна’’ Надежда Выучейской выставка манзара, «Заполярная пастель» нюмдевы.
– Хойхана илевав маймбцо. Тюкона таӈго, ява’’ сямбир лата, паской,- тарця вади Олег Талеев лаханакурць пябнана нерде’ ханась, тикы’ ненэць’ Нюдя яхана тыбэртяӈэ ӈахэт манзара. – Хойхана саць сава, хардана илеван’ нидм’ харва. Тын’ тюкона таня’, манзаяв тюкона ӈа, хасава нюхуюн’ Герман, Владимир’ хэвханан’ манзараӈаха’.
Регистрационный номер СМИ: ЭЛ № ФС77 - 83188 от 26 апреля 2022 года
Зарегистрировано Роскомнадзором
Учредитель: ГБУ НАО "Издательский дом Ненецкого автономного округа"
Главный редактор: Горбонос Юлия Юрьевна
Телефон редакции: 8 (818-53) 4-21-73
Электронная почта: info@idnao.ru
Адрес: 166000, Ненецкий автономный округ,
г. Нарьян-Мар, ул. им. В.И. Ленина, 25а