Хибяри’’ поӈгнандо’ тарем’ лаханасеты’’: хурка яхана хибяри иле, пыда ӈоб’’ тарця ӈэӈгу. Филиппов’’ Нельмин Саляхана ӈахэт иле’’, пыдо’ манзарась теневана’’, хибярихина сава ӈэсеты’’. Ӈэсынандо’ илена’’ хибяри’’ ӈод’’ тарцям’ маниесь сиддо’ сахарамби’’.
Вы здесь
Ялумд’’
Анатолий Иванович Рожинмʼ школахана тоходанва похот тенев. Классан’ тюванда сер’’ ванёрабтё торовадарцеты, тикахад сидна’’ ненэй вадавна лахана, паднась тохоламбасеты. Ӈани’ ханяӈэхэ’’на педучилищахана тоходанни харта нянанда тавы ӈэсеты.
Антон Петрович Пырерка нювм’ ханярина илена’’ хибяри’’ теневадо’. Пыда нянэй ненэцяӈгат сямянд ӈарка ученойва’’, тохолкодава’’. Ӈарка яхана со’’явы нява’’, илеванда’ ямбан’ ӈокавна манзарась. Илда хэбицясь, тарем’ ӈод’’ пуданда хаювы’’ манзаида тянё ни’’ӈа’’. Ханяӈы’’ манзая’’ падарт’ падвы’’ ни’’ӈа’’.
Тюку яля Россиянана’’ ӈарка сайнормахана яӈгумы хибярина’’ ялям’ мэ’’ӈава’’- День памяти и скорби. Сайнормахана мэвы’’ хибярина’’, сайнормам’ теневанина’’ хусувэй по’ тянёмдана’’. Сайнормам’ мадавы’’ хибяри’’ тарця ялям’ пили’’ тенеӈгудо’. По’’ ваерась тикы ялям’ мэтава’’.
По’’ мер’ ваераӈга. Сайнормахана мэвы хибярина’’ нито’ помна яӈгумдана’’, хибяри’’ ханяӈы сайнормам’ теневадо’. Хусувэй по’ нара турӈа. Ӈацекы’’ вадюдана’’. Харто’ манзаидо’ падби’’. Тарця манзаи’’ толабахая маниева’’, ӈацекы’’ сайнормахана мэвы иринадо’ теневыдо’, ханяна пыдо’ сайнормы’’ тикым’ ӈод’’ тохолабидо’.
Гос.дума комитет манзарава, социальной политика, ветеран’’ серо’ минрена ма’’лёвахана ӈэрм’ яхана илена’’ толырто’ тянё ненэця’’ е’’эмня тарана социальной пенсия’вато’ серм’ нидо’ ня’’ам’’.
Пилю’’ ирий нертей яля’ ӈэсонд тарця группа манзаямда минреда, таняна манзарана’’ хибяри’’ РФ национальной политика сер’’ ханзер’’ мимам’ тасламби’’. Тикы’ пуд’’ таславы’’ сер’’ «О российской нации» федеральной законан’ паклевы’’ ӈэӈгу’’.
Анна Ильинична Ледковам’ маркана ядабтабнан’ ихинян маймбасьтыдм’. Мани’ ӈопой я’ терни’. Ӈахэт теневав, пыда сава хибяри, нямбара. Лаханакурць няць сейхана лимбика.
Россия’ Ӈэрм’ яхана, Сибирькана, Дальний Востокхана илена’’ толырто’ тянё ненэця’’ ассоциация таняна илена’’ хуркари тэнз’ мэта хибяри’’ е’’эмня «Ӈэрм сём’» нюбета литературной конкурс’ миӈа.
Ваеравы ирий’ пудана яляха’’на Москва’ маркана сидя ӈарка ма’’лёяха’ манзаямди’ ёльцедись. Россияханана’’ илена’’ хибяри’’ ассамблея 7 съезд’ манзаямда минредась, тикахад Евроазияхана илена’’ хибяри’’ ассамблея нертей съездан’ ма’’лэйдаць.
Тюку’ ирий 19 яляхана Няръяна маркана тарем’ нюмдевы – «Северный завоз - новые пути и возможности» нертей конференция ваераӈгу.
Ӈэрм’ яхана’’ илена’’ хибяри’’ илӈгана тарана ӈавори тэврамбава ёльць луца’ вадавна северный завозӈэ нюмдебидо’. Ханзер’’ северный завоз’ манзаи’’ тены’’ похо’’на’’ ӈэрм’ яхана тасламбась саварка ӈэӈгу . Тарця серу’’ округна’’ еркы’ маркана яндахат товнда’’ хибяри’’ таслабӈгудо’.
Ты’ сие’ ниць’ ирий’ пудана’’ яля’’ мальӈгана Москва’ маркана Баренцев регионхана илена’’ толырто’ тянё ненэця’’ нертей саммит манзаям’ нэбва мальӈгана Гос. дума депутат Григорий Ледков тарця вади хэтась: – Маня’’ тарем’ тасламбива’’, хусувэй харта илесь яхананда минрена манзаида сававна мимандо’ е’’эмня Баренцев регионхана илена’’ толырто’ тянё ненэця’’ ханяӈы серка’’на нидо’ нядабась манзарабнандо’ сава ӈэӈгусь.
Сидя яӈганя по’’ ямбан РФ’ еркы март’ ӈэрм’ яхад хуркари ӈавори’’ тэврамби’’: хало, тудаку, ӈоди, илека хоб, паской пэкоци, нахар’’, хынабц, тарабцо ӈэдакы’’. Москва’ маркана илена’’ хибяри’’ тарця серт’ мале торумы’’. Ӈэрм’ яхад тэвравы’’ сяторэй’’, палкур’’ халя’ таневам’ тенева’’. Харто’ сэвха’’то’ манэ’’цетыдо’ ханзер’’ мел’’ хибяри’’ ӈодякоход паской манзаи ма’’ламби’’. Харвана’’ нянэй мят’ тюӈгсеты’’, мя’’ пи’няд нюдякорха ӈэбнанда ӈод’’ мюнянда лата, яля, иба.
Ваеравы ныланава яляхана округхы толаӈгова’ харад ӈэрм’ ненэцие’’ отделкана ӈока хибяри’’ ма’’лэйдаць. Хибяри’’ ханяӈы паднанам’ Александр Канюковм’ тенедо’. Паднана нямдо’ тензебтець, падвы манзаида толабиць. Роза Ивановна Канюкова «Ӈэцяв» рассказм’ луца вадахад’ ненэця’ вадан’ падвэдась, тикы манзаямда толась.
Ты’’ сие’ ниць ирий пудана’’ яля’’ пиркана Москва’ маркана Государственной Думахана ӈэрм’ тэнз’ ненэцие’’ серу’’ тасламбиць. Ӈэрм’ яхана,Сибирькана, Дальний Востокхана толырто’ тянё ненэця’’ я’, этнической’ культура’ нямна лаханакурӈаць.
Страницы
- « первая
- ‹ предыдущая
- …
- 34
- 35
- 36
- 37
- 38
- 39
- 40
- 41
- 42
- …
- следующая ›
- последняя »
