Ваеравы ныланава яляхана, вэба ирийна няхар’’ яӈганя толыркана янда’’хана илена’’ хибяри’’ тэранзюць’’. Округханана тэранзёва сер’ ваерась’. Хибярина тэранзёвась ма’’люрӈаць.

Округна хибяри’’ тюкумэвахана нянэювна Архангельской областьна губернаторка тэрабиць. Нокаюв’ областьхана илена’’ хибяри’’ ӈэвахана мэнаӈэ’ Игорь Орлов маниеван’ харва’’.  Тикы’хавна’ маня’’ округханана Тельвискахана, Вискахана  илена хибяри’’ сельской совет’ ӈэвахана мэнадамдо’ тэрабиць, тикы’ хавна Тельвискахана ӈопой депутатамдо’ тэраць. Тельвискахана нерм’ пэртяӈэ’ Александр Чурсанов тад’ нерня манзараӈгу., Вискахана ӈэсындо’ ервотаӈэ’ Татьяна Жданова манзараӈгу.

Тамна марад’ тер хибяри’’ маркы собрание депутатка’ тэрабиць. Маркы’ Совет депутатӈэ’ Ольга Петунина, Сергей Свиридов хибярина’’ тэраць. Пыди’ Няръяна маркы депутатха’ ӈэӈгуху’.

Тэранзёва ваеравы ныланава яляхана ваераць, вэба’’ ирий’ няхар’’ яӈганя толыркана.