Вы здесь

Тохолкодава’’ я’’авлысь

РФ’ Министерство образования, науки нядаӈговахана Москва маркана луца’ вадавна хэтась – « Всероссийский мастер-класс учителей родных, включая русский, языков» ваерась, тарця конкурс’ тохолкодина’’ е’’эмня ӈоб’’ яӈганя’ мэвна миӈась. Тюку по’ конкурс’ заочной этапхана РФ’ 56 субъектхад 123 тохолкода’’ ныхыдо’ хорпиць.

Таӈок тохолкодахат жюри маня’’ ӈарка яна’’ 32 региохад 41 тохолкода’’ манзаи’’ тэраць, тикы тохолкода’’ харто’ манзаравамдо’ манэ’’лабтаванзь Россияна’’ еркы’ март турӈаць. Сидя яля’ ямбан’ харто’ вадамдо’ минрена’’ тохолкода’’ манзаидо’ манэ’’лабтамбиць, методической разработкидо’ манэ’’сарӈаць, ӈобкана ма’’лась нерня’ манзаравамдо’ тасламбиць.
Манзаям’ теневана’’ хибяри’’, поӈгнандо’ доктор’’ педагогических, филологических наук’’, этнокультурной стратегия центрхана наука’ манзаям’ пэртя’’, национальной исследовательской университетхана манзарана’’ тохолкода’’ жюри’ манзаям’ минрець.
Яндахат товы’’ тохолкода’’ поӈгнандо’ пирдырӈаць: урокадо’ манэ’’лабтабиць, ваде’’ӈадонзь ханзер’’ манзаямдо’ хамадабидонзь, ӈамгэ тарем’ сертадонзь; тикы’ пуд’ харто’ манзара’’мидо’ – методической разработкидо’ манэ’’лабтамбиць, харто’ тэнздо’ ембдяр’’ ваде’’ӈаць.
Тарця серкана хусувэй тохолкода пэдовась, ӈока и’ӈута манзаяханда паклесь – хибяхава тарась, хибяхава стихм’ тохолабись, хибяхава харта вадавнанда сём’ мэ’’ӈась. Тохолкодидо’ нядаванзь товы’’ хибяри’’ ӈод’’ саваць. Хусувэй тохолкодам’ хибяхова нядабидась.
Ти, конкурс’ сидя яля’ пуняна хаихи’. Конкурсхана нердевы тохолкоди’’ нюмдева ёльцянд’ тэвыд. Тамбир мэбета конкурс’ сямянд ӈарка приз’ «Серебряное перо» тюку по’ Мордовиян’ ӈэдалэй. «Всероссийский мастер-класс учителей родных, включая русский, языков -2017» Гран-при’ ня’’амвы Александр Учеваткин, тикы хасава Саранск’ маркана иле, эрзянской вада тохолкодаӈэ яхананда манзара. Конкурсан’ товы 41 тохолкодахат’ пыда ӈопой хасава.
Маня’’ округхадана’’ конкурсан’ тюку по’ Наталья Талеева тэворӈась, тикы тохолкадава Нельмин Саля’ ӈэсыхы школахана нюдяко ӈацекы’’ тохоламби. Пыда ӈод’’ конкурсхана я’’авлысь, ӈока тохолкоди’’ поӈгана няхарамдэй местам’ ханась. Наталья Геннадьевна Диплом победителя ханась, «Лучший учитель» кубокм’ яханда тэврась, конкурсхана мэванда’ е’’эмня сертафикат’ ня’’мась.
Наталья Талеева – мале пон’ манзара, хуркари’’ конкурсха’’на манзаида’’ манэ’’лабтамбасеты, округна’’ педагогическое мастерство- 2016 конкурсхана нерняна миӈась, округханана’’ ненэця’ вадам’ минрена’’ тохолкоди’’ методобъединение’ манзаям’ нерня’ пэртя.
Манзаямда сававна минреванда’ е’’эмня, хусувэй ӈацекы’ ня’ манзарась теневаванда’ е’’эмня, сава ихиня манзараванда’ е’’эмня, манзаямда сававна теневаванда’ е’’эмня грамотыда, благодарностяда ӈока’’.
– Тохолкодахана тарця ма’’лёваха’ тэворма саць тарана сер’’, тикы’ пуд’ хусувэй тохолкода манзаям’ тю’’ури пэрман’ харваӈгуда, нерняри ӈэван’ харваӈгу, ныхыда ӈокамдарха ӈэӈгу, – тарця вади Наталья Геннадьевна хэтась. – Таняна мань ӈани’’ яхад товы’’ тохолкоди’’ ядабтадамзь, пыдо’ тэвравы’’ манзаидо’, урокадо’ манэ’’ӈадамзь. Ханяӈы манэ’’мын’ мань’ ӈод’’ манзаянан’ серо’’ӈа’’. Ӈарка вадам’, Людмила Яковлевна Талееван’ хэтбидм’. Тикы’ нява’’ округна’’ центр развития образования’ мякана методистаӈэ манзара, пыда сямянд нядаӈгодава’’; сидна’’, ненэця’ вадам’ минренаӈэ, нерняри’’ пэртя. Манзаяхананда хусувэй ӈамгэм теневанава’’.
Всероссийской мастер – классхана пирдырта’’ тохолкода’’ поӈгана хусувэй по’ ӈэрм’ тэнз’ мэта толырто’ тянё ненэця ӈокамдана. Тикы поӈгана пыдо’ сава манзаям’ манэ’’лабтамби’’, нерня’ тарпурӈа’’. Тюку по’ Якутияхад эвен’’ таняць, ХМАО хаби’’, манси’’ турӈаць, Ямалкад нянэй некоця товысь, Хабаровской крайхад нанайка Элла Бельды. Тикы тохолкода Синда ӈэсына харта вадаханда ӈацекы’’ тохолаби. «За сохранение и развитие языков коренных малочисленных народов Севера, Сибири и Дальнего Востока РФ» номинацияхана нердесь. Манзаямда сававна теневана некоця, конкурсхана я’’авлысь.
Тюку по’ хамадавы «Всероссийской мастер-класс» манзаямда ёльцедась. Хусувэй таня турмы тохолкода харта янда нямна лаханась, харта манзаямда манэ’’лабтась, ваде’’ӈадась хурка литературам’ манзаяхананда мэ’’ӈа. Тарця конкурс’ саць тарана серӈэ хусувэй тохолкода тасламбида. Нидо’ манэць, нерня’ манзаравамдо’ несэювна маниедо’.
Тамна тарця ма’’лёвахана тохолкода’’ федеральной общественной организациядамдо’ сертаць – Ассоциация учителей родных, включая русский, языков» ӈадимде. Советтамдо’ тэраць.


Перевод на русский язык

Учитель показал класс

В одиннадцатый раз в Москве при поддержке Минобрнауки прошел «Всероссийский мастер-класс учителей родных, включая русский, языков». В этом году в заочном этапе конкурса приняли участие 123 педагога из 56 субъектов РФ.

Из них жюри отобрало 41 педагога из 32 регионов нашей страны. Ранее они представили свои работы на очном этапе в столице России. Два дня учителя делились опытом, презентовали методические разработки, участвовали в круглых столах и пресс-конференциях. В качестве жюри конкурса выступили доктора педагогических и филологических наук, научные сотрудники Центра этнокультурной стратегии и преподаватели Национального исследовательского университета.
Творческое состязание проходило в три этапа: мастер-класс с методическими комментариями, участие в ярмарке методических разработок и защита национального костюма. В качестве домашнего задания конкурсанты продемонстрировали свои профессиональные наработки, национальный костюм и видеоролик открытого урока с использованием методических приемов на основе диалога культур.
Здесь все участники проявили себя творчески: представляли танцы, стихи, песни на родном языке. Практически каждого педагога морально поддерживали коллеги, родные и друзья.
И вот позади волнительные дни конкурса. На торжественном закрытии названы имена победителей. Главный приз конкурса «Серебряное перо» отправился в республику Мордовию. Абсолютным победителем Всероссийского мастер-класса и обладателем Гран-при, стал учитель эрзянского языка из Саранска – Александр Учеваткин. Кстати, он был единственным мужчиной-педагогом данного конкурса.
По итогам конкурсных дней наша землячка, Наталья Талеева, учитель начальных классов школы из поселка Нельмин Нос, заняла почетное третье место. Она награждена дипломом победителя, кубком «Лучший учитель» и получила сертификат участника.
Наталья Геннадьевна успешно выдержала все конкурсные испытания: показала видеоролик урока по ненецкому языку с методическими комментариями, приняла участие в выставке научно-методических разработок учителя и умело рассказала о роли накостников в наряде ненецкой женщины.
Наталья Талеева – победитель окружного конкурса педагогического мастерства 2016 года, руководитель методического объединения учителей родного языка НАО. За профессиональное мастерство, педагогический талант, индивидуальный подход к каждому ребенку, компетентность, душевную щедрость и созидательную деятельность отмечена многочисленными грамотами и благодарственными письмами.
– Участие в подобных форумах нацеливает учителя на дальнейшую творческую работу, повышает уверенность, придает новые силы, – делится впечатлениями Наталья Геннадьевна. – Я познакомилась с коллегами из других регионов, посмотрела их методические разработки, уроки. Теперь кое-что смогу использовать в своей работе. Спасибо Людмиле Талеевой, методисту центра развития образования округа. Она – двигатель всех наших начинаний, наш главный консультант и помощник.
Во Всероссийском мастер-классе с каждым годом увеличивается количество участников из числа представителей малочисленных народов Севера. Как мы видим, они уверенно лидируют в творческих состязаниях. Это и эвены из Якутии, ханты и манси из ХМАО, ненцы из ЯНАО, нанайцы из Хабаровского края.
Кстати, учитель нанайского языка Элла Бельды из поселка Синда стала лучшей в номинации «За сохранение и развитие языков коренных малочисленных народов Севера, Сибири и Дальнего Востока РФ».
Этот мастер-класс позволил каждому участнику рассказать о своем крае, творческих достижениях учителей и учеников, о том, как используются инновационные и традиционные методы работы. А цель таких мероприятий – сохранение родного языка и культуры.
Еще одним результатом работы форума стало создание федеральной общественной организации – Ассоциации учителей родных языков. Избран совет этой организации.
Как отмечают в Министерстве образования и науки РФ, «Всероссийский мастер-класс учителей родных, включая русский, языков» проводится с 2007 года. Эта площадка объединяет учителей общеобразовательных организаций, чья деятельность направлена на сохранение языков и культур народов России.