Ваеравы си’’ив пудана яляхана яна’’ сяр’ нина иленаӈэ’’ саць ихина сомбой ялям’ -Небя ялям’ мэ’’ӈаваць. Тарця яляхана, маня’’ ӈарка ненэцяӈэ’, ӈацекы’’, ихид’ минда вадина’’ небяха’’на’’ хэтамбиваць. Небякоця илева’’ саць ӈарка маймбцо.

Маня’’ яна’’ тер’ не Фаина Харитоновна Ледкова ӈока ню’’ небя. Небя’ хэбидя яляхана мяканда нюда’’ тэворӈаць, небякохондо’ ӈарка вадам’ хэтаць, маймбась небяхандо’ сейхад лаханаць.
– Вадюданаван’ мальӈгана ӈока мяд’ терсавэй ӈацекэхэ’’ тидсятыдм’, – тарця вади’’ лаханась’ няв ханась. – Мань’ си’’ин’ то’’олха’ ӈацекы’’ хасава нидо’, не нидо’ танесеты’’. Мань’ ӈани’’ небякони’ ӈопойримась, сими’ соябтабнанда маля ӈарка хибярись. Нисяни’ яӈгума’’ мальӈгана школан’ хэванзь ятнадамзь. Мат’’ яӈганя понани’ небями яӈгумась. Ӈопойӈэ’ хаёсь манзараванзь хаядамзь, Выучейской’ нювм’ нюбета колхозхана хуркари’’ танеда манзаи’’ пэрцетыдм’.
Тикахад хаюпа хаядамзь, тет’’ нюми’ соябтадамзь. Мань’ сидя хасава нюв’, сидя не нюв’. Теда нюни саӈон’ пирамдёсьӈэ мэ’’ян!
Тюку ялян’ хэтась – Фаина Харитоновна нюда’’ сямянд’ нядаӈгодида’’, иланда’ мэй’’рама’’. Мал’’ нюда’’ нюдякоходандо’ манзарась тохолавы’’, нюдяко ӈэвандо’ мальӈгана небямдо’, нисямдо’ харад манзаяхана пили’’ нядабасетыдо’, нюдяко нидо’ пэрцеты’’. Теда нюда’’ ӈарка хибяри’’, харто’ мякнандо’ нюдо’ тарем вадаби’’.
– Мякнана’’ хусувэй сертабадава’’ ӈобкана пэрцетыва’’. Ӈобкана ёрманзь ӈэдалёрцетыва’’. Выӈгы якоцява’’ cаць мэнева’’, ӈэрёй’ някуна’’ тудако, ӈодя’’ ёльцяӈгана таняхад нисетыва’’ тарпур’’. Мяд’ терсавэй хойхана мэсетыва’’.
Мань нюн’’ буранхана саць сававна ӈэдалёрӈа’’. Не нюхуюн’ я’’авласетыхы’, округханана’’ танеда «Буран Дэй» пирдырмахана ӈока нердесетыхы’. Пыди’ ӈахэт маркана илеӈаха’, тарем’ ӈод’’ Нельмин Нос ӈэсымди’ саць мэнеди’, хусувэй по’ таня ӈэдалёрцетыхы’. Нельмин Носхана ӈани’’ буранхана ӈэдалёрма’’ пирдырама’’ тенева’’ мальӈгана ӈэдалёрцетыхы’.
Я’’авладако не нюкцяхаюни’ тоенана’’ cерм’ нись’ пилюс’’ илеӈаха’. Нюкцидо’ вадабихи’, сими’ нисетыхы’ юрбю – маймбась Фаина Харитовновна тарця вади’’ хэтась. – Мань’ ӈод’’ нюни’’ ныхыни’ пирувна нядабин’, нюн’ ню’’ пэрцетыдм’, маркана тенеда хуркари’’ культурной меропритияха’ ядэласетын’.
Мань ӈахакуд ненэцие’’ «Илебц» театрханана’’ сянакудм’, таня ӈод’’ ханяна нюн’ ню’’ тэврабсетыдм’. Таня’’ ненэця’ вадава’’ намдурӈая, ненэця’ вадавна лаханась тоходаная! Теда мань си’’ив внукув’, тет’’ внучкав’, сидя правнукув. Ябдана небядм’, хадам’. Илеваханан’ тарця сер’’ таневан’ маймбидм’.

Перевод на русский язык

Дети и внуки – моя гордость

В минувшее воскресенье в стране отмечали День матери. В этот день мы, взрослые и дети, поздравляли любимых мамочек, говорили тёплые слова любви и признательности.

Искренние слова благодарности принимала и наша землячка, многодетная мама Фаина Харитоновна Ледкова.
– В детстве всегда завидовала тем, у кого большая семья, – рассказывает моя собеседница. – Была единственным ребёнком у мамы, она поздно меня родила. Отец умер, когда я пошла в школу. В 16 лет осталась без матери и рано повзрослела. Ещё подростком начала трудиться в колхозе имени Выучейского. Всегда мечтала о большой семье. Вышла замуж и родила четверых детей: двоих сыновей и двоих дочерей. Дети – моя гордость и опора! В семье мы всё делали сообща. Вместе ездили на рыбалку. Очень любим тундру, собираем ягоды и грибы. Мои дети всегда участвуют в снегоходных гонках. Особенно девчонки. Обе побеждали на соревнованиях «Буран-Дэй». Давно живут в городе, но любят Нельмин Нос и участвуют в поселковых состязаниях. Боевые они у меня, трудностей не боятся. И детей воспитывают, и работают, и меня не забывают. Помогаю детям, воспитываю внуков, привлекаю их ко всем культурным мероприятиям, которые проводятся в городе. Играю в ненецком театре «Илебц», часто хожу с внуками на репетиции. Пусть слышат ненецкий язык, учатся говорить на нём! У меня семь внуков, четыре внучки и два правнука. Я счастливая мама и бабушка!