Вы здесь

Тарана манзая

Стэлла Сэрпиво изучает жизнь кочевого народа и пишет книги

Ямалхана илена нина’’ мядонзэйӈэ’ Стэлла Сэрпиво падвы книгам’ ня’’маць, луца’ вадавна тарем’ нюмдевы «Женское пространство в культуре ненцев». Манзаямда пыда самляӈг по’’ ямбан ма’’лабидась, падбидась. Пыда харта явнанда ӈэдалёрӈась, округандо’ мат’’ районхана илена’’ не’’ поӈгана социологической опрос сертабись. Паднана нява’’ тет юр’’ пирибтям’ хонравысь. Манзаяхананда хой’ не’’ илм’ манэ’’лабтамби – хаюпась хэ’’мяхадандо’ нюкцидо’ хойхана вадабава ӈэсонд.

Стэлла нянэй не, Ямальской район’ Тамбейской выӈгана соявы. Небяхаюда, нисяхаюда харти’ тыди’ пэртяха’ ӈэвэхэнзь. Сёяха’ ӈэсыхына школамда ёльце’’махаданда пыда Герцен’ нювм’ нюбета университетхана тоходанась. Теда’ пыда Саля’хардахана иле, ГКУ ЯНАО «Научный центр изучения Арктики’» археология’, этнология’ отделкана наука’ манзаям’ пэрӈа.
Тандая ӈадимы манзаяхананда паднана нява’’ манэ’’лабтамбида, ханзер’’ пудана’’ сян ю’’ по’’ ямбан хойхана мюсерта не’ илевада несэйӈэ хая. Невхы по’’ иламдо’ ӈод’’ не’’ лэтбидо’, хуняӈы паӈгхадандо’ миӈа. Ученой не’ ибедормавна: хусувэй не паӈгхаданда перена иламда лэтбавада тены по’’ илӈгана саць тарана, тикахад нянэй не’ ӈэвада пере. Тарця илм’ нерня тохолаба тара. Книганда’ пуданана хусувэй толаӈгода хибярир’ падбавы темахад перена словарный материалм’ хоӈгу.
Монография рецензиям’ падбавы’ Елена Пушкарёва – доктор исторический наук, Галина Харючи – кандидат исторических наук. Научной редакторӈэ таравы, доктор философских наук, Герцен’ нювм’ нюбета университет этнокультурология’ кафедра профессор’ Игорь Набок.
Книгахана танеда сидяӈг’’ сертавы’ Ульяна Сэротэтто, Сёяхинской выӈгана мюсерта некоця, тадтаӈгова серм’ харвабтана. Стэлла Сэрпиво вадавна: – Хусувэй сидяӈг хойхана мюсерта’’ не’’ илм’ мюняд’ манэ’’лабтабида, тикы нянэй ил’. Мал’’ тикым’ тадтаӈгода некоця сэвханата маниедась, тикы сертавы манзаяхана ӈади. Маркад товаӈэ тарця сидяӈг ниваць сертаӈгу’’.
«Научной центр изучения Арктики’» манзарана’’ вадавна: – тарця манзая’ этнограф’’, историк’’, краевед’’ е’’эмня мэкад ӈэӈгу.


Перевод на русский язык

Залог сохранения ценностей
На Ямале вышла в свет книга Стэллы Сэрпиво «Женское пространство в культуре ненцев». Эта монография – результат пятилетнего труда ученого. В основе работы лежит социологический опрос, проведенный в шести районах Ямало-Ненецкого автономного округа.

Автор опросила 400 девушек и в своей книге описывает особенности их быта – от свадебных обрядов до ухода за детьми в тундре.
Сама Стэлла Сэрпиво родом из Тамбейской тундры Ямальского района. Родители были оленеводами-частниками. После окончания Сеяхинской школы поступила в Российский государственный педагогический университет им. А.И. Герцена. Ныне она младший научный сотрудник отдела археологии и этнологии ГКУ ЯНАО «Научный центр изучения Арктики».
Автор показывает, как изменилось за последние десятилетия положение ненецкой женщины в обществе. В тоже время, говорится в исследовании, у представительниц ненецкого народа еще сохранился этнический стереотип в поведении, который передается из поколения в поколение. Именно этот фактор, по мнению ученого, и служит залогом сохранения традиционных ценностей, а, следовательно, требует дальнейшего изучения.
Рецензентами монографии выступили доктор исторических наук Елена Пушкарёва, кандидат исторических наук Галина Харючи. Научный редактор – доктор философских наук, профессор кафедры этнокультурологии РГПИ им. А.И. Герцена Игорь Набок. А изюминкой стали иллюстрации Ульяны Сэротэтто, которая кочует в Сеяхинской тундре и серьезно увлекается фотографией.
– Именно она своими глазами видела жизнь. Мы можем приехать, сфотографировать, нам могут попозировать. Но это совсем другое дело. Когда все это видишь изнутри, получаешь другие снимки, – рассказала на презентации книги Стэлла Сэрпиво.
Издание будет интересно для этнографов, историков, краеведов, отмечают в Научном центре изучения Арктики.