Матрёна Ивановна Талеева яханана’’ теневана’’ хибяри’’. Пыда тет ю’’ самляӈг по’’ ямбан ӈацекы’’ тохолаби’’, ненэцие’’ культурава’’ тю’’у минрева’’ серкана пили’’ нядаӈгода. Паднана не, ӈока ненэцие’’ хынс’’ тенева, харта хынота, «Илебц’» театрхана нертей яляхад’ сянакода.
Нись’ ӈана’’ Матрена Ивановна Талеевам’ округна’’ толырто’ тянё ненэця’’ Совет старейшин’ председательӈэ’ хаясь. Тюку яля’ лаханакурмами’ толара.
– Ӈэрм’ я’ тер’’ толырто’ тянё ненэця’’ илӈганандо’ танеда серудо’ хуркари’’ ма’’лёвахана таслабсетыдо’, тарця ма’’лёва тародо’ хурка ӈэдараха’?
Толырто’ тянё ӈэрм’ ненэця’’ ӈока хуркари ма’’лёваха’’ ма’’люрцеты’’. Тарця’ ма’’люрма’’ тарана’’ сер’’. Тамальӈгана танеда серуна’’ нерня’ минревам’ таслабсетыва’’. Тикахад’ тарода ӈарка. Хари’’ илӈганана’’ танеда серуна таслабвахана янамбовна ӈэбнанда’ ӈод’’нерня’ миӈава’’. Хурка сер’’ ханзер’’ таслась, тикым ӈарка ервха’ нина’’ тэврамбидо’.
Тарцям’ маниесь ерв’’ ӈод’’ някуна сылыд’’. Тарем’ нерня’ ӈэбнанда, ӈэрм’ яхана илена’’ хуркари тэнз’ мэта’’ хибяри’’ илӈгана тарана’’ правовой база’ сававна манэ’’сармы ӈэӈгу’’.
Хэтась тара, маня’’ яханана’’ тенад’ «Ты’’ пэртя нямна» федеральной закон’ яӈгу. Тарця закон’ саць тара. Россияна’’ ты’’ толыр’’ сямянд’ ӈарка. Тарем’ ӈод’’ тэхэ’’на’’ мэна’’ нина’’ илевадо’ тамна саӈговоць миӈа’’. Тарем’ ӈэбнанда вуни’’ тара’’. Ты’’пэртя нина’’ сававна илебнандо’ тара’’. Ты’’пэрма серу’’ тасламбаваха’’на маня’’ ӈока’’ Финляндиян’, Норвегиян’ тэворцетыва’’. Пыдо’ яханандо’ хибяридо’ тэхэт’ со’’ иле’’, ты’’ ӈамзандо’ миртя нюдя ни’’ӈа’’.
Баренцев регионхана илена’’ хибяри’’ маня’’ яхана’’ турцеты’’. Тандая Няръяна маркана Баренцев регион синдтетимдей Парламентской конференция манзаямда ёльцедась. Тарця ма’’лёвахана депутат’’ Норвегияхад, Финляндияхад, Архангельской, Мурманской областьхад, Карелия, Ӈысма республикахад, маня’’ округхадана’’, РФ Минприроды, по делам национальностей Федеральной агентство манзарана’’ ӈобкана манзараць.
Финляндияхана ты’’пэрма серудо’ саць сававна миӈа’’. Норвегияхана ты’’пэрма серт’ хибяридо’ яӈга тохолабидо’. Таняна тоходанна’’ хибяри’’ ты’’ пэрма серт’ тоходанава’ хавна тамна налоговой, юридической сер’’ минреван’ тоходана’’, экономика серу’’ тохолаби’’. Тарця сер’’ тены по’’ илӈгана саць тарана’’.
Округна’’ администрация ӈэсын’ манзаравась’ товы’’ ӈацембой манзарани – тохолкоди, савумдаӈгоди нядабида. Тикы’ е’’эмня тарця манзаранаха’’ сава есь’’ салдаби’’. Тикы сава, тарана сер’’.
Яханана’’ тарця хибярина’’ таня’’, ханяӈы’’ иринато’ минревы манзаяха’’на манзараван’ харва’’. Ӈацембой хасавако’ тыбэрмахад, ханевахад, ёрмахад иле’’. Тарця хибяри’’ гоcударствова’’ ӈани’’ нядабабнанда сава ӈэӈгусь. Тарем’ таслабая’’, харвабнанда тюня сертификат’ ӈэя’’, мипась. Ӈока тыбэртя’’ хасава’’ несинё’’. Тамна тарця хибяри’’ сававна нядабась, ханяӈы нюдо’ хойхана соявы, небянато’ ня’ хойхана мюсерӈа’’. Небянадо’ ӈани’’ есям’ вуни’’ нямарпю’’. Тарем’, хойхана мюсерти’’ хибярина’’ нядабаӈгунаць.
Тарця манзаи’’ нерня’ таслабгуна’’. Маня’’ округва’’ Ӈэрм’ яхана, Сибирькана, Дальний Востокхана илена’’ толырто’ тянё ненэця’’ ассоциация’ ня’ нерня’ ӈобнзер’’ манзарава’ е’’эмня соглашением’ ня’’ мӈаханзь. Тарця соглашение’ ӈыл губернатор’’ма’’ Игорь Кошин, ӈарка ассоциацияна’’ президент Григорий Ледков пидте’’миди’ ӈамдтаӈаханзь.
Ты’’пэрма’ серкана тарана’’ манзарани’’ тохолабӈгу’’. Тикахад ӈобнзер’’ пэрманда образовательной проектм’ хамадаби’’. Тарця’ проект нерня манзаравахана Совет старейшин ӈани’’ манзараӈгу.
Ихинани’ тамна тарця сер’’ савараха’. Яханана’’ «Красный чум’» нюбета’ проект манзара, тарця проектхана выӈгана мюсерта’’ ненэцие’’ сенз’ ӈэвам’ манэ’’сарманзь савумдаӈгода вынд’ тэворцеты’’, хибяри’’ манэ’’саръцеты’’. Ӈэрм’ ненэця’’ илм’ тасламбада’’ ООН манзарана’’ тарця проектава’’ саву’’ӈадонзь,саць тарана’’ серӈэ тасламбидо’. Тарця проект округханана’’ 2008 поход манзара.
Хойхана мюсерта’’ хибярина’’ квалифицированной медицинской нядаӈговам’ ня’’амби’’, диспансеризациям’ ёльцянда ваераӈга’’. «Няръяна мя’» проектм’ е’’эмня есям’ округханана’’манзарана’’ нефтяной кампания’’ таби’’.
– Ӈэрм’ яхана илена’’ хибяри’’ государствова’’ есяхана нядабабнанда тамна таранарха’, тарця няд’’маси’’ нина’’ илевадо’ саӈговота. Пыдар ир’ тикы нямна ханзер’’ ядэрӈа?
– Еся’’ няд’’мам тарця хибяри’’ ня’’марпабнандо’ тара, хуний няд’’мам нись нямарпю’’ илесь выдараӈгу. Хибяха’’на’’ тарця няд’’ма ненся тара’’. Выӈгана ӈахы’’ похот тарцясь, маендонць илена’’ нидо’ нядабасьтыдо’. Ӈопори илена ӈарка ненэцие’’ нядабасьты’’, тарабнанда ӈамзадамдо’, халядамдо’ тэвраӈгу’’, пядамдо’ хамадаӈгу’’. Хибя сенз, манзарась пир’’ӈада, манзарабнанда тара’’. Ил’ вато’ тарця. Теда’ пыянд’ ӈыл’ ӈамгахэрт тэри’ тарем ни’’ ӈадимд’’. Хари’’ масьтёсь тара’’. Тарця хибярина’’ таня, хуний общины’’ нэби’’, харто’ манзаядамдо’ сертамби’’. Тарабнанда тарця хибяри’’нядабась. Тикахад нерняӈы ил’ переӈгу.
Перевод на русский язык
Без хозяина – земля сирота
Когда мы говорим о культуре и просвещении в нашем округе, то называем имя Матрёны Ивановны Талеевой. Почетный работник общего образования Российской Федерации около полувека преподает ненецкий язык в средней школе имени А.П. Пырерки. Земляки знают ее как поэтессу, собирательницу ненецких сказок, легенд, исполнительницу песен, солистку театра «Илебц». Она не раз представляла свой народ на различных мероприятиях в России и за рубежом.
Недавно Матрёна Талеева возглавила Совет старейшин КМНС НАО. Ей есть, чем гордиться, о чем рассказать. Сегодня она – собеседник страницы «Ялумд».
– Матрёна Ивановна, вы являетесь активным участником различных совещаний, конференций, связанных с КМНС. Какие проблемы там чаще поднимаются? Есть движение вперед?
– Любой форум, касающийся проблем коренных малочисленных народов Севера, это прогресс. Пусть маленькими шажками, но мы движемся вперед, аккумулируем позитивный опыт, который ложится очередным кирпичиком в фундамент нашего будущего. Положительная роль этих мероприятий еще и в том, что мы привлекаем все больше внимания к нашим проблемам со стороны федеральной законодательной и исполнительной властей. И я думаю, что будет, наконец-то, начат процесс усовершенствования правовой базы коренных народов Севера. К примеру, в нашей стране до сих пор не принят федеральный закон «Об оленеводстве», хотя Россия имеет самое большое стадо оленей. Но оленеводство пока не стало доходной частью экономики. Делегации НАО неоднократно бывали у наших соседей в Финляндии и Норвегии в рамках проекта.
На днях в Нарьян-Маре проходила VIII Парламентская конференция Баренцева региона. В ней участвовали депутаты парламентов Норвегии, Финляндии, Архангельской и Мурманской областей, Респуб-лики Карелия, Республики Коми и Ненецкого автономного округа, коренные малочисленные народы, представители Минприроды РФ и Федерального агентства по делам национальностей. Так вот, соседи-финны держат мировое лидерство в производстве и продвижении оленины.
В школе оленеводов в Норвегии учат не только секретам отрасли, но и делопроизводству. Там скрупулезно изучают налоговое дело, юриспруденцию, экономику. Без этого сегодня не обойтись.
Администрация Ненецкого округа старается привлечь молодых специалистов – учителей, медицинских работников для работы в селах. Из бюджета им выплачивают серьезные деньги. Это правильно. Важно учесть, что немало и тех, кто хочет вести традиционный образ жизни. Молодые парни живут охотой, оленеводством, рыболовством. Конечно же им тоже необходима государственная поддержка. Не помешали бы какие-то свадебные сертификаты. Не секрет, что среди молодых оленеводов много одиноких. И особенно надо помогать тем, у кого в тундре родились дети. Ведь у матерей там работы нет. В итоге, мы могли бы поддержать традиционный образ жизни. Работа в этом направлении, я в это верю, будет продолжена в рамках соглашения о сотрудничестве между нашим округом и Ассоциацией коренных малочисленных народов Севера, Сибири и Дальнего Востока РФ. Этот важный документ на днях подписали губернатор Игорь Кошин и президент Ассоциации Григорий Ледков. Речь идет, в частности, о подготовке кадров для оленеводческой отрасли. Стороны договорились о запуске сов-местного образовательного проекта. В его реализации примут участие и члены нашего Совета старейшин.
Меня искренне порадовало сообщение о том, что на сессии Постоянного форума ООН по вопросам коренных народов в Нью-Йорке высоко оценили проект Ненецкого автономного округа по медицинскому обследованию тундровиков «Красный чум». Он реализуется в нашем округе с 2008 года. Благодаря проекту оленеводы и члены их семей получают квалифицированную медицинскую помощь и проходят полноценную диспансеризацию. Этот проект стал возможен при поддержке нефтяных компаний, работающих на территории нашего округа.
И такая работа должна быть продолжена.
– Коренные народы Севера пока нуждаются в социальной поддержке государства, такое пособие позволяет сводить концы с концами. Ваше мнение по этому поводу?
– Я глубоко убеждена, что социальную помощь от власти должны получать лишь те представители КМНС, кто в этой поддержке действительно нуждается. Это традиция моего народа: еще в пору общинного существования ненцы помогали одиноким старикам, приносили им мясо, рыбу, заготавливали дрова. Но те, кто в состоянии работать, должны это делать и сами обеспечивать себя. Таков закон жизни, он касается и коренного населения. Кто-то по-прежнему ждет, когда ему государство купит «Буран» и выдаст рыболовные снасти. Другие же учатся жить, рассчитывая на собственные силы, смекалку. Таких становится все больше. А это значит, наш народ может смело смотреть вперед.
