Тюку по’ округханана’’ илена’’ хибяри’’ ненэцие’ паднана Прокопий Андреевич Явтысой’ со’’яма ялям’ мэ’’манзь хамяку’’. Илевы’ ӈэбнанда 85 пода пангусь. По’ ямбан округна’’ хусувэй ӈэсыхы’’на, Няръяна маркана тарця ӈарка ялян’ хамадавы’’ мероприятия’’ ваераӈгу’’.

Прокопий Явтысой’ 1932 по’ неняӈг’’ ирий’ 11 яляхана Нюдя яхана мюсерта ненэця’ мякана соявысь. Нюдякоходанда хусувэй ӈамгэм’ теневаван’ харванаӈэ’ вадюданась, нянанда хусувэй ӈамгэ мэкадархась. Тоходанванда’ мальӈгана ӈокавна толанзёдась, Пушкин’ падвы вадако’’ ивнянда ӈаць, баянхана сянаковам’ тохолавысь. Сававна тоходанась, школандо’ стенгазета редколлегияхана манзарась, таняна ненэця’ вадавна паднась. Си’’ив классм’ ёльцесь, школа-интернат директор’ Авенир Торков’ табековна Ленинград’ март’ тамна’ нерня тоходанвась ӈэдалавыць. Студентӈэ тараванда’ мальӈгана ӈарка явнана’’ ӈокавна ӈэдалёрмысь, спорт’ харвабтась, ӈани’’ тэнз’ ненэцие’’ культурам’ торомдабись. По’’ ваерась ӈопой книгахананда тарця’ вади’’ падась: – Сиднтет по’’ ямбан Ленинград’ маркана иледамзь, ӈокавна манзарадамзь, ӈока ӈамгэм’ манэ’’ӈадамзь, намдадамзь. Мал’’ тикы нерня’ илеваханан’ таравнда’’. Хар’’н’ вадавнан’ паднавам’ пядамзь, тарем’ паднава’ серм’ торомдадамзь. Тамальӈгана по’’ ваерась паднанаӈэ хэвндяӈэ пыдув нивась пэр’’. Тамна ехэрадамзь, по’’ ваерась падвы манзаин’ нин’’ толабаӈгудо’. Луца’ вадава’’ падвын’ таминдя падтаӈгуда, мань’ манзаин’ ӈани’’ ӈахы’ яхана’’, ӈани’’ тэнз’ хибяри’’ толабаӈгудо’.
1963 похона округна’’ «Няръяна вындер’» газетахана Прокопий Явтысой’ ненэця’ вадавна падвы’’ нертей манзая’’ ӈадимяць. Тюку яля’ Прокопий Явтысой’ мэбета ненэцие’’ паднана. Пыда харта янда’ тер’’ нита’’ нямна, мэнена янда’ нямна падна. Хусувэй падвы манзаяханда и’ӈута паклемби.
Стихда, пьесыда иринана’’, нисянана’’ илм’ нерня’ минре’’, манэ’’лабтаби’’. Сян’ пирувна вадава’’ паской, падвы манзаида’ толабась маниева’’. Тикы те’’ны похо’’на саць тарана сер’’. Паднана’’ нява’’ вадава тю’’ури’ пэрӈадась. Тарця хибярина таняхая, вадава’’ тамна тюку яляха’’ тэвы’’, иле, ӈацекына’’ тохолабидо’, нерня’ ӈод’’ илевнда.
Прокопий Явтысой’ харта ямда саць мэнедась. Ненэцие’ тэнз’ культурана’’ нямна ида’ илеванда’ ямбан няркнась, тикы’ нямна ӈокавна манзарась. Пыда пуданда хаевы культурава’’, вадава’’ теда’ нерня’ минрева’’.
Паднанава’’ Нюдя ямда саць мэнедась, соя’’мя яханда пилибт’ тэворцеты. Тарем’ еримбнанда, хоян’ танасеты. Тыбэртя’’ няха’’та тэвабата хусувэй хой’ манзаям’ харвась пэрцетыда: еванзь’ ӈэдалёрцеты, ёрцеты. « Хари’ ян’ тэвормав сёнзян’ мюй масабтасьты. Тыбэртя’’ ня лаханакурць саць мэнесетыв, пыдо’ вадидо’ намдась, иландо’ нямна нин’’ хонрась, нядандо’ невхы сё падась, хуний иринана’’ ирихит’ някуна тэввыдаць., – хоян’ тэвормита’ нямна Прокопий Явтысой тарця вади’’ падвысь.
Прокопий Андреевич Явтысой’ саць мэбета хибярись, тарцяӈэ пыда хусувэй хибяри ихиня иле. Сидя юд’ мян книгам’ падась, сидя ю’’ ӈопой мастер’ спорта РСФСР по национальным видам спорта вадась, «Илебц’» театрава’’ пыда’ ватовнанда ӈадимясь, театрана нертей нерм’пэртяӈэ тарась. 1998 похона этнокультурной центрхана «Суюкоцям’» нюбета литературно-творческой группам’ ӈадимдесь. Ӈацекы’’ е’’эмня сертабада «Пунушка» журнал’ ӈани’ пыда манзаяда, паднана няна’’ табековна ӈадимясь.
Прокопий Явтысой’ манзаи’’ толабась, хусувэй хибяри’ хамадабида – сянпирувна ява’ паской, тюку яхана илена’’ хибяри’’ паӈгудо’ мэё’’. Тарем’ нерня’ ӈод’’ ӈэбнанда тара, паднана няна’’ вато’ сяхаӈгарт нёя ныклу.

Моей земли во мне не рвется нить…

В этом году общественность НАО готовится широко отметить 85-летие со дня рождения ненецкого поэта Прокопия Андреевича Явтысого. В течение года в населенных пунктах округа и в Нарьян-Маре пройдут мероприятия, посвященные этой дате.

Прокопий Явтысый родился в Малоземельской тундре 11 июля 1932 года в семье оленевода. Любознательному ребенку было интересно все. Во время учебы в школе много читал, восхищался сказками Пушкина, научился играть на баяне. Был отличником, членом редколлегии школьной стенгазеты, которая выходила на родном ему языке.
После окончания семилетки в Нарьян-Маре способный ученик получает рекомендацию от директора школы-интерната Авенира Торкова для продолжения учебы в Ленинграде. Студентом он много путешествует по стране, его интересует культура других народов.
Позднее в книге воспоминаний поэт напишет:
– Восемь лет я прожил в Ленинграде, упорно трудясь, обретал сумму нужных мне знаний, тех, что в будущем так пригодятся. И хотя я еще не совсем осознал всю бесценность главнейшего клада, что за все эти годы обрел, все ж я знал: этот клад – овладение Словом! Но тогда я не ведал того, что со временем стану Поэтом! И что книги стихов моих будут читать земляки. И что русский великий язык мое творчество ярче окрасит, что читателей я обрету в дальних странах, у разных народов.
В мае 1963 года в окружной газете «Няръяна вындер» были опубликованы первые стихи Прокопия Явтысого на родном языке. Прокопий Андреевич – признанный ненецкий поэт. Он писал о своих земляках, о своей земле. В каждом стихотворении сквозят раздумья и переживания.
Его стихи и пьесы – продолжение эпических традиций наших дедов и отцов. Сегодня это имеет огромное значение, поскольку ненецкий разговорный язык теряет поэтическую силу и красоту.
Родина для поэта – родительский очаг, отчий чум, которому он благодарен за теплоту, заботу, нежность, мудрую науку жизни. Это знакомая до боли родная природа, суровому нраву которой противостоит тепло человеческих сердец. Это уникальная древняя культура дедов и прадедов. Это память о тех, кто пришел на нашу землю много лет назад, прочно обосновался на ней и украшал своим трудом.
Поэт любил свою малую родину, часто бывал в родных местах. При любой возможности отправлялся в тундру. Попав к оленеводам, с любовью и со знанием дела выполнял любую работу – охранял оленей, рыбачил.
О таких поездках поэт писал:
– Как волнует меня встреча с краем родимым. До чего же люблю побывать с пастухами, разговор их послушать, вопросы задать, расспросить, записать старинные песни, что пришли как наследство от прадедов к нам.
Прокопий Андреевич Явтысый написал 18 книг, воспитал и подготовил 21 мастера спорта РСФСР по национальным видам спорта, организовал ненецкий театр «Илебц» и был его первым руководителем. В 1998 году при Этнокультурном центре создал литературно-творческую группу «Суюкоця». По его предложению в округе появился детский журнал «Пунушка».
Читая стихи и прозу Прокопия Явтысого, понимаешь, отчего на протяжении тысячелетий наш народ не расстался со своим краем, держался корней, избегая разрушительных ломок уклада и отказа от традиционных ценностей.
А залог движения вперед поэт ясно обозначил в строках:
– Моей земли во мне не рвется нить...