Россия’ ӈэрм’ яхана «Женщины Арктики» тарем’ нюмдевы едэй общественной организация’ ӈадимя.

Межрегиональной общественной организация (МОО) «Женщины Арктики» манзара пяӈгуда, манзаравамда минрева е’’эмня свидетельством’ ня’’мась.

– Тарця организация’ ӈадимя е’’эмня пон’ манзараваць, ӈарка манзаям’ сертаваць. Нерня’ ӈобкана манзараӈгува’’, турӈада’’, – тарця юн’ социальной сетьхана страничкахананда Ненэцие’’ округхадана’’ член Совета Федерации Ольга Старостина падась.

ММО «Женщины Арктики» учредительӈэ Саха (Якутия) республика, Ненэцие’’ автономной округ, Мурманской няби Архангельской область не’’ хаяць. Тарця общественной организация Штаб-квартирада’ Няръяна маркана танеӈгу.

– Ӈэрм’ яхана илена’’ не’’ пыдамда тю’’у минрева е’’эмня таславы организация’. Не ханярина ӈадьбята тара – политической, социальной, экономической, культурной илӈгана, – тарця вади’’ едэй организация’ манзаям’ нерня минрена Ольга Старостина хэтась.

Ханзер’’ едэй организация’ манзараӈгу, хурка манзаи’’ сертабаӈгу’’ тарця сер’’ не’’ ӈобкана ма’’лась таслаӈгудо’. Пландо’ ӈарка, луца’ вадавна толэйда’’: – МОО «Женщины Арктики» планируют участвовать в реализации Национальной стратегии России в интересах женщин, в нацпроектах по возрождению духовных ценностей, сохранению и защите самобытности. Культуры, языков и народных традиций народов Севера, поддержке семьи, материнства, отцовства и детства.