Ваеравы си’’ивхана Няръяна маркана семейно-родовой община’’ манзаи’’ пэрта’’ ненэця’’ ма’’люрӈаць.

Тарця хибяри’’ е’’эмня округна’’ администрация’ внутренней политика департаментхана манзарана’’ «Сохранение и развитие коренных малочисленных народов Севера в НАО» программавна’ нёдабада семинарм’ хамадаць, ненэця’’ сидя яля’ ямбан тоходанаць.

Хусувэй по’ те’ ёльцяӈгана семейно-родовой общинахана манзарана’’ нина’’ ӈэсыхыт’’ маркана ма’’люрцеты’’. Тюкумэвахана тоходанавамдо’ ненэця’’ сидя яля’ мэ’’ӈадось. Тамальӈгана ӈока несэй манзаяханандо’ тарана ӈамгэм’ намдаць, хари’’ вадидо’ мэ’’ӈаць, община’’ манзаравахана таранидо’ ваде’’ӈаць. Пыдо’ тенева’’, семейно-родовой община’’ нерня’ танева’’, манзаидо’ сававна мима’’ е’’эмня ханзер’’ манзаи’’ таслабась, ӈамгэм сертась тара. Ӈэрм’ тэнз ненэця’’ манзаядо’ танебнанда, тикахана невхы иринато’, хадунато’ мэмы ил’ ватом минресь яханандо’ илеӈгу’’, тыдо’ пэрта’’, ёрта’’, ханеӈгу’’.

Ненэцие’ округханана’’ толыродо’ тянё ненэця’’ община’’ 2002 похона ӈадимдана пядось. Тамальӈгана ханяӈы колхоз’ тахараць, ненэця’’ ибедолыдаць, ханзер’’ нерня’ илесь, манзарась, тэхэ’’на’’ манзаравам пэрць.

Семинаркана округна’’ депутатхат’’ вадам’ Матвей Чупров мэ’’ӈась, пыда вадавнанда тюку ялян’ хэтась, ӈэрм’ яхана семейно-родовой община ханзер’’ манзарава’’ сававна серо’’ӈа’’, таняна манзарана’’ хари’’ яна’’ экономикам’ нядаби’’. Ӈэрм’ я тер’’ толыродо’ тянё ненэця’’ невхы похот’’ танеда серм’ тю’’у пэрӈадо.

– Ӈока по’’ тяхана сяха’ яханана’’ община’’ ӈадимдана пядонзь, хибяхарт’ тамна ехэрась – община’ ӈамгэ ӈэдакы. Тикы’ нерде колхоз’’ танець, ненэця’’ таняна манзараць, ӈэсыхына манзая’’ танець. Община’’ ӈадимзь, ибедорцетыва’’, тянёмбёвна манзараӈгу’’ тикахад манзаядо’ нулты. По’’ ваерась, ил’ манэ’’лабтада, ӈэрм’ яхана общинахана манзарава’’ серо’’мы. Сидя юкад вата по’’ тяхана ӈадимы’’ община’’ манзара’’, серудо’ сава’’, – Матвей Чупров хэтадась.

Тюку ялян’ тэвась округханана’’ 25 семейно-родовой общинахана ненэця’’ манзаидо’ минре’’- 11 общинахана тыбэрма’ сер’’ манзая’’ӈа’’, ю’’ общинахана халям’ ня’’марпи’’, няхар’’- художественной промысел’ манзаи’’ пэрӈа’’, ӈопой община’ тер’’ ханисэйм’ ня’’амарпи’’.

Маня’’ яханана’’ семейно-родовой община манзаи’’ тасламбада хибяри’’ нядабидо’, толыродо’ тянё ненэця’’, хибя’’ иринато’, хадунато’ минрева серм’ нерня’ минре, тарця нина’’ округна’’ бюджетхад есяхана нядабидо. Грант’’ падась, есям ня’’амарпи’’, тикахад федеральной бюджетхан субсидия’’ миӈа’’. Тамна тикада сава, община’’ хибяри е’’эмня манзаям’ таби. Манзаясяда ненэця’’ нито’ тэтнава’’ ёльцяӈгана нядабавась тосеты’’.

Александра Талеева семинаркана манзарась. Пыда вэсаконда’ няюв сидя ю’’ по’’ тяхана Нюдя яхана «Ялумд» нюбета семейно-родовой общинам’ сертаӈаханзь, сян по’’ тяхана вэсакода яӈгумась. Нисянда сер’’ нерня’ минрена хасава нюди Михаил. Александра Николаевна нюмда’ хусувэй серкана нядабида.

– Мале ӈахакуд’ общинава’’ тане, ӈули’’ нерде’ тоенаркась. По’’ ваерась, мэйрыва’’, ӈэна’’ ни’’ нулъяна’’, тына’’ маймбцо, нюни’ манзаядо’ тане. Харвась тэхэ’’на’’ мэ’’. Сид’’на’’ нядабада’’ танеЮ грант’’, субсидия’’ ня’’амарпива’’, нись’ ӈахакуна снегоход ня’’амаваць. Тарабнанда, чумовой капитал’ ня’’амась серо’’ӈа’’, - тарця вади’’ Александра Николаевна хэтась.

Тюку по’ хойхана мюсерта’’ илебэй ненэця’’ е’’эмня тамна несэй нядаӈгова ӈадимясь – чумовой капитал нюбе’’ӈа’’. Тикы еся’’, луца’ вадавна хэтась – компенсационной денежной выплата. Тарця няд’’мавна хибяри мятамда мись мян’’ ӈа, мюсерць яхананда нянанда тарана ӈэбнанда.

Тарця сибсидиям’, илебэй тыбэрта мяд’ тер – чумовой капитал нюбетам’ таславы сер’’ маня’’округханана’’ 2025 по’ февраль’ ирийхад миӈа. Сава нядаӈгова, маси тарця нядта’’ таневам’ маниесь, илебэй ненэця’’ хойхана мюсерць, тыдо’ пэрць харвэлаӈгуд.

Маня’’ яханана’’ хойхана мюсерта’’ ненэцяӈгат тарця сертификат мат’’ юр’’ ёнар’’ есян’ ӈарка явна мюсерта’’, «Ямб то» общинахана манзарана’’, илена’’ няхаюна’ Алла, Андрей Тайбори’ мяд’ тер’’ ня’’аӈаханзь. Алла Яковлевна мядм’ пэрта некоця, хасавада’ Андрей Егорович тэхэ’’на’’ мэна ненэця. Пыди’ илевамди хойхана мэ’’ӈади, самляӈг нюмди’’ вадабихи’. Пыди’ сертификат’ есявна хойхана мюсерць яханандо’ балокм’ сертаванзь ятнаха’. Тикы е’’эмня тарана ӈаворидамди’ мале тэмдавэхэнзь.

– Мани’ ниня’ ӈарка хардаком’ миванзь ятнава’’. Тикахана мякана валакада та’ ёльцяӈгана илеӈгува’’, тацьда сырэй яляха’’на’’ хардакова’’ танеӈгу’’. Ӈацекы’’ ня тикахана мэӈгува’’. Иба, яля, сава ӈэӈгу, таӈга илеӈгува’’. Ӈацекы’’ вадюда’’, пыдо’ ӈод’’ хойхана илевамдо’ нерня’ минреӈгудо’, пыдо’ пудана тына’’ маниевнда ӈэ’’ ним’, – тарця вади’ Алла Тайбори хэтась.

Хусувэй хойхана мюсерта’’ илембэй мяд’ тер’’ компесационной выплатам ня’’мась пир’’ӈадо’, тикы е’’эмня тарана падарм’ ма’’лась тара.

Перевод на русский язык

Семинар общин НАО

В Нарьян- Маре завершился семинар по правовому информированию и просвещению для представителей семейно-родовых общин.

Это ежегодное мероприятие проводит окружной департамент внутренней политики в рамках реализации госпрограммы «Сохранение и развитие коренных малочисленных народов Севера в НАО».

На семинар люди приезжают из разных населённых пунктов округа, чтобы получить нужную информацию, выступить с конкретными предложениями по развитию деятельности.

Общины КМНС в нашем округе начали создаваться в 2002 году, чтобы сохранить традиционный уклад жизни, защитить права и законные интересы представителей ненецкого народа в регионе.

Участников семинара приветствовал председатель постоянной комиссии по делам КМНС Собрания депутатов НАО Матвей Чупров. Он подчеркнул значимость общины как эффективной формы организации хозяйственной деятельности, отметив весомый вклад в экономику и сохранение традиционного уклада жизни коренного народа.

Сегодня в округе 25 общин КМНС, 11 из них заняты оленеводством, 10 – рыболовством, три – народными художественными промыслами, одна – охотой. С каждым годом поддержка семейно-родовых общин в НАО становится всё ощутимее. Выделяются средства из окружного бюджета в виде грантов, а также субсидии из федерального бюджета.

Александра Талеева в очередной раз участвует в работе семинара. В числе первых они с мужем создали семейно-родовую общину «Ялумд». Несколько лет назад глава семьи ушёл из жизни, его дело продолжает сын Михаил.

– В начале было сложно, но выстояли, встали на ноги. Ребята трудятся с желанием. Да и помощь нам оказывают существенную: гранты, субсидии, недавно снегоходную технику получили. При необходимости и на «чумовой» капитал можно рассчитывать, – поделилась Александра Николаевна.

В этом году в округе для молодых семей оленеводов введена новая форма поддержки – «чумовой» капитал. Это компенсационная денежная выплата на строительство или приобретение традиционного жилища и других построек, необходимых в хозяйственной деятельности.

Первыми сертификат на 600 тысяч рублей получила семья Тайбореев из общины «Ямб то». Алла Яковлевна – чумработница, Андрей Егорович занимается оленеводством. Супруги приобрели материалы для строительства балка, чтобы зимой, в сильные холода, жить в тёплом домике. В семье подрастают пятеро детей, родители надеются, что они продолжат дело предков.

Завершился семинар приятной миссией, Матвей Чупров вручил благодарности Собрания депутатов НАО за добросовестный труд и вклад в оленеводство Николаю Латышеву, Лилии Тайбарей, Ольге Явтысой и Александре Талеевой.