СПК «Харп» маня’’ яханана’’ ӈарка сельскохозяйственной кооператив’. Тюку по’ «Харп» – 95 поданда хая.
Мэта ирий’ маттамдэй яӈганя толыркана Краснойхана илена’’ хибяри’’ ӈэсыхынандо’ манзаямда минрена предприятиендо’ соя’’ма ялям’ мэ’’ӈаць.
Ваеравы юр’’ по’ 30-ей похона ӈадимы колхозан’ 11 хозяйство’ тэвыдаць, 924 тэдонзь, тамна гос.суда е’’эйӈэ 925 тым’ ня’’амаць. Тет по’’ ваерась едэй ӈадимдевы колхозхана мале 32 хозяйствось, тыто’ толыр’’ мат’’ ёнар’’ ӈэсонд ӈарумысь.
Ӈарка сайнорма’ това по’’ нерцюна 47 хозяйствохона сидндет ёнаркад вата тэдо’ ӈэвысь. Сайнорма то’’омахад хойхад манзаидо’ теневана’’ тыбэрта’’, хэвняхад товэхэт’’ харто’ ямдо’ лэтраванзь ӈэдалэйдаць, Карельской фронтан’ тыдо’ ханаць. Тарем’ ӈод’’ сайнорма по’’ ямбан колхозхана тыто’ толыр’’ ю’’ ёнар’’ ӈэсонд вадавэдонзь. Фронт’ е’’эмня хойхана хаювы’’ не’’, ӈацекы’’ манзараць. Тарем’ тоенана’’ подо’ мавыдонзь.
Тыбэрма’ хавна, «Харп» колхозхана манзарана’’ хибяри’’ халям’ ня’’амарпиць, ханисэйм’ пэрмыць, животноводство’ серм’ пявыць. 1950 похона колхозхана зверофермадо’ ӈадимясь, тёни’’ вадабась пявыць, тамна ю’’ по’’ ваерась норкам’ тэвравыць, ӈани’’ вадабась пядось.
Колхоз’ базаӈэ Красной’ ӈэсы тарась,тикы нерцюна пили’’ тарем’ нись’ ӈа’’.
Ӈули’’ нерде’ колхоз еркы’ базаӈэ’ Ортино’ мюсерць ям’ таславыць. Таняхад 1935 похона Печора яха’ вархана нувы ӈэсын’ Кареговкан’ ямдавыдаць. Тикы я’ ӈани’’ сацьри’ нивысь серос’’, нарэй ӈарка ид’’ ям’ тахабтамбидонзь, ӈэсы’ ид’ ӈылна хаюрцеты. 1956 похона колхозандо’ еркы ӈэсыӈэ’ ӈани’’ Красной’ ӈэсым’ сертаць, те’ ёльцянд «Харпхана» манзарана’’ хибяри’’ таняна иле’’.
«Вопросы сельского хозяйства Крайнего Севера» 1970 похона падвы брошюрахана А. Рудная падна: « Ю’’ по’’ тяхана терсяда яхако’ вархана Красной нюбета’ яхана ӈобкарт’ хибяри нивысь иле, валакада ӈопой ханена хардако нувысь. Теда таняна мале юр’’ самляӈг ю’’ илесь’ мэта’’ сомбой харад’’, школа’, клуб’, лавка’’, ӈани’’ сертавы’’ хардако’’».
Тарем’ 1920 похона ниня’ ӈарка выселкахана ӈарка ӈэсы’ ӈадимясь. Тикы’ поӈгана колхоз’ ӈод’’ ныхыдамда ма’’ламбись. 1950-1960 похо’’на’’ яханана’’ таневы’’ нюдяко хозяйство’’ талбидонзь, тарем’ «Харп» колхозан’ тарця хозяйство’’ тэвыдаць – «Красное знамя» (Куя’ ӈэсы), «Большевик» (Никитцы’ ӈэсы, имени В. И. Сталина (Чёрное’ ӈэсыхыд), имени В. И. Чапаева (Осколковоход).
1967 похона «Харп» колхозхана мале 19800 тэдо’ ӈэвысь, 200 хорова’’, юно’’, звероводческой фермадо’ таневысь. Тамальӈгана, 1967 похона, «Харп» колхоз’ ӈарка наградам’ - орден Трудового Красного Знамени ня’’амась.
1990-ей нертей похо’’на’’ тыбэрта’’ хозяйство’ нерня’ мима несэювна сюрхалъяць, несэй сер’’ ӈадимданась пядонзь. Те’ ёльцянд хэтась, няхар’’ юкад вата по’’ ваера’’. Таӈок по’’ ямбан’ ӈока несэюмдава сер’’ хозяйство’ пирдалесь. Колхоз’ манзаям нерня’ манзаидо’, серм’ теневана’’ ервудо’ минредонзь, колхозамдо’ несэйвана манзараван’ тэврадонзь, 1993 поход едэй нюмда – сельскохозяйственный кооператив.
По’’ ваера’’… СПК «Харп» – луца’ вадавна хэтась – современной многопрофильной сельскохозяйственной предприятие, няхар’’ яӈганя ёнаркад вата тэдо’, молочно- товарной фермадо’, по переработке мяса цехдо’ тане, мехопошивочной мастерскойхана хибяридо’ манзара’’.
«Харп» нюбета сельскохозяйственной предприятиехэна’ ты’’ ӈамзахад, молокахад сертавы ӈавар’’, халя’’, ты’’ ӈамзи’’ округна’’ хибяри’’ тэмдабидо’.
Тюку ирийхана СПК «Харп» манзарана’’ ӈарка ялямдо’ мэ’’ӈаць. Таняна манзарана’’ хибяри’’ тянё ни’’ӈа’’. Теда тыбэрта’’ ненэця’’ тэтнава ялядо’ мэ’’ӈа’’, ты’’ хабарпава ёльцядо’. Хусувэй по’ пэрта’’ манзаядо’ сававна ваерая’’. Нерня’ ӈод’’, тарця хозяйство, серудо’ мал’’ савовна миӈая’’.
Перевод на русский язык
К юбилею. Из истории хозяйства
СПК «Харп» – один из крупных сельскохозяйственных кооперативов нашего региона.
На днях красновцы отметили 95-летие со дня образования ведущего предприятия родного посёлка.
В 1930 году первоначально в колхоз вошли 11 хозяйств, было обобществлено 924 оленя, в качестве госсуды получено 925 голов. Через четыре года в «Харпе» насчитывалось уже 32 хозяйства, а в общественном стаде – шесть тысяч голов оленей.
Перед войной было 47 хозяйств и более 8,5 тысячи оленей. За годы войны колхозники смогли приумножить стадо до 10 тысяч голов, несмотря на то, что большое число животных вместе с опытными оленеводами направили на Карельский фронт. Тогда поголовье пришлось восстанавливать в основном силами женщин и подростков.
Помимо оленеводства – основной отрасли хозяйства – занимались рыбным и охотничьим промыслами, животноводством. В 1950 году начала работать звероферма по выращиванию серебристо-чёрных лисиц, через десять лет разводили уже и норку.
База колхоза находилась в посёлке Красное, но так было не всегда. Изначально её организовали вблизи мест выпаса в Ортине. В 1935 году перенесли на берег реки Печоры с хорошими сенокосными угодьями – в деревню Кареговку. Но весеннее половодье постоянно разрушало там берег, и в 1956 году база снова переехала, на этот раз в Красное.
Так пишет А. Рудная в брошюре «Вопросы сельского хозяйства Крайнего Севера» от 1970 года: «10 лет назад на пустынном берегу Протоки в местечке Красное стоял старый полуразвалившийся постоялый двор и одинокая охотничья избушка. А сейчас здесь более 150 современных жилых домов, школа, клуб, магазины и другие пристройки». Так на месте небольшого выселка, основанного в 1920-х годах, вырос большой посёлок.
Рос и сам колхоз. В 1950-1960-е годы в состав «Харпа» вошли хозяйства «Красное знамя» (деревня Куя), «Большевик» (деревня Никитцы), имени В. И. Сталина (деревня Чёрная), имени В. И. Чапаева (деревня Осколково). К 1967 году колхоз имел 19 800 оленей, 200 голов крупного рогатого скота, звероводческую ферму.
В 1967 году колхоз «Харп» награждён орденом Трудового Красного Знамени.
С начала 1990-х годов начался новый этап в истории оленеводческого колхоза. С тех времён прошло более тридцати лет. За этот период хозяйство претерпело немало изменений. Колхоз под чётким руководством грамотных, знающих дело руководителей выстоял, прошёл реорганизацию, в 1993 году стал сельскохозяйственным кооперативом.
Прошли годы… Теперь СПК «Харп» – современное многопрофильное сельскохозяйственное предприятие с поголовьем 13 тысяч голов оленей, молочно-товарной фермой, цехом по переработке мяса и мехопошивочной мастерской. Труженики сельскохозяйственного предприятия снабжают жителей округа не только мясными продуктами из оленины, но и качественной молочной и рыбной продукцией.
По информации Музейного объединения НАО
