Вероника, Федор Талеевха’ мякнанди’ ю’’ нюкцямди’ вадабихи’. Пыди’ семьянди’ нямна яӈга сава книгам’ падва мян. Ӈобкана мале’’ пон’ илеӈаха’. Семьямди’ нерня’ минреди’, хуркари’’ сава серт’ нюкциди’ тохоламбихи’.

Тюку ирий’ ӈоб’’яӈгня толыркана ю’’ ню’’ небя Вероника Талеева ӈока сейхад ӈэда вади намдась. Тикы’ яляхана самляӈг ю’’ пода панысь. Пыда Нельмин Саляхана соя’’вы, вадювы некоця. Небя’ хасада, Мария Никаноровна, ӈока по’’ тяхана тыбэртя’’ ӈэсын’ нертей тохолкоди’’ поӈгана манзараванзь тэвыць. Тарем’ сян юд’ мян по’’ ямбан’ илеванда ямбан’ ненэця’ ӈацекы’’ тохоламбись. Нися’ хасада Иван Захарович Апицын, теневана ёртясь, ханенась.
Вероника Архангельск’ маркана училище’ культурам’ ёльцесь, тикы’ пуд’ манзарась пядась. «Хаяр»’ ансамбльхана балетмейстерӈэ тарась, таняна манзараванда’ мальӈгана харта ябамда ядтась. Федор Талеев теда’ хасавада. Тамальӈгана Федор инда лата, нямбара пирибцяком’ ӈобтарем’ сэвтевэдась.
Тюнди’ Няръяна маркана ваерась, тикы’ яляхад ӈока по’’ ваера’’. Ниди’ нядабась илевамди’ минреди’, нюкциди’ вадабихи’. Федор вадавна: – 27 по’’ ямбан’ илени’, таӈок по’’ ямбан’ ӈобкарт’ мэвна нинись тэвор’’. Мань’ нев сямянд сава не, илева’’ серли’’.
– Теда’ мань «Хаяркана» ненэцие’ народной ансамбльхана хормейстерӈэ манзарадм’, – тарця вади Вероника хэтась. – Нянан’ тарця манзая серо’’ӈа, мян’ терханан сава. Вэсаков’ хув ӈацекыни’ школан’ тэврасетыда, сими’ манзаян’ ханасеты. Хусувэй харад’ манзаи’’ вэсаков’ пэръяда, сава нядаӈгода. Хасава нюни’ нисямдо’ нядабасетыдо’.
Яля’ ер’ пуд’’ нюкцини’ мякнани’ ядабтабсетыдм’, ӈаврани’ мале хамадёсеты’’, ӈолаӈгун, тикахад урокна’’ сертабасетыва’’, тикы’ пуд’’ тянембёвна ныланась пыдо’ кружокха’’ хэсеты’’. Пэвсюб’’ хасавами’ сими’ репетициян’ пуд’ хоcеясеты, нюни’’ ма’’лась мякана’’ тэвсетына’’. Тарем’ яля’’ мер ваераӈга’’.
Ӈобкана сававна илева’’, нюни’’ вадюдана’’. Нюкцини’ сяхаӈгарт нисьтыни’ тэдорпю’’, хуркари’’ ӈэсеты’’ – ӈацекы’’ ним’ ӈа’’. Сава вадам’ хамадаби’’. Сямянд’ тарана – мякана сава ӈэбнанда. Тарем’ илева’’.

Яб’ нядандо’ миӈа
Мякандо’ хусувэй ӈарка сер’’ небахад миӈа, ханярина хусувэй яля’ небя’ пэртя манзая сэвхана нисьты’’ ӈадю’’. Вероника паской, тёмбякоця, ида’ сяхаӈгарт вэва нисьты ӈа’’. Харта вадавнанда, нюкцида сянда не.
– Ӈарка семья’ танева саць сава. Тарця семьяхана нидо’ нядаби’’, хусувэй сер’ ӈобкана пэрцеты’’. Ӈарка семьям’ пэрць сибиць ӈани’’ ни’’ӈа’’, тарем’ ӈод’’ савада ӈока, маймбцода ӈани’’ ӈокарка. Ханяна ӈацекы’’ – таняна яб’.- тарем’ Вероника тасламбида.
Теда’ Талеев’’ харто’ хардаханандо’ иле’’. Тарця мят’ тюсь – ихиня лимбяка, иба, сейхана пои.
Ӈацекы’’ ӈод’’ тарця мякана манзаям’ нись пилюс’’ вадюдана’’, хусувэндо’ харта пэртя манзаяда танесеты. Хусувэндо’ ивнянда ӈэда серта ӈод’’ таня. Ӈацекы’’ музыкам’ мэне’’, падтаӈгу’’, ӈудаханандо’ манзарась тенева’’. Захар хасава нюкцядо’ – медработникӈэ тоходана. Юрадо’ Ненэцие’ аграрно-экономической техникумхана тоходана, кандидат в мастера спорта по греко-римской борьбе. Сергейдо’ ӈани’’ таняна тоходана, пыда скаут, тамна «Хаяркана» тара. Игорь Санкт-Петербург’ маркана Петровской колледж-хана нертей по’ тоходана, программист ӈэӈгу, Рерих нювм’ нюбета художественной училищехана Валерадо’ харвась скульпторӈэ тоходана.
Школахана тамна Влад, Павел, Марианна, Софья тоходана’’. Талеев’ семьяна мал’’ нюдо’ музыкальной школахана тоходанаць. Сямянд’ ӈарка не нюдо’ Надежда’ теда харта мята’ терсавэй Санкт-Петербурхана иле.
Вероника Федянда’ ня’ ненэцие’’ ватомди’ нюкцяти’ тэврабиди’. Сян’ по’’ тяхана’’ семейно-родовой общинам’ сертаӈаханзь’. Теда’ хардандо’ хэвхана мя’’ ну. Тикахана ӈацекы’’ сянаку’’, мядондидо’ таняна ядабтамби’’, мядолабтамби’’.
Ненэця’’ илм’ сахарамбавадо’, нерня минревадо’ ӈацекыто’ ихиня саць сава. Тад’ нерня’ ӈод’’ Вероника Ивановна илевада мякнанда сававна миӈая, сенз’ ӈэя, ябдая. Нюкцида сава хибяриӈэ вадая’’!

Перевод на русский язык

Счастливы вместе

Десять детей, шестеро из которых приемные. Вероника и Фёдор Талеевы искренне считают их подарком от Бога. Об этой семье можно написать светлую, романтическую повесть, где присутствуют и связь поколений, и любовь, и милосердие, и умение бескорыстно дружить, опекать слабых и беспомощных, ничего не требуя взамен.

Они счастливы, полны сил и оптимизма, самодостаточны и независимы. Живут так, как подсказывает сердце. Семья – сплоченный коллектив, где добром отвечают на добро, лаской – на ласку. Такая вот счастливая арифметика, из которой сложился драгоценный капитал, которому не страшен экономический кризис.

Судьба свела
На днях в большой семье прекрасную маму, замечательную жену и хозяйку Веронику Талееву поздравляли с юбилеем. Родом она из Нельмина Носа. Ее мама, Мария Никаноровна, одна из первых учителей, которая приехала работать в поселок оленеводов и на протяжении нескольких десятилетий учила ненецких детишек. Отец, Иван Захарович Апицын, известный рыбак. После окончания Архангельского училища культуры Вероника стала балетмейстером ансамбля «Хаяр», где и встретила свою судьбу – Фёдора. Он с самого начала оценил ее открытость, доб-роту, душевную щед-рость. У Талеевых по-настоящему счастливый союз, который прошел проверку временем. Фёдор смеется, дескать, хоть бы раз за эти 27 лет по-настоящему поругались! Хотя бы для порядка. Но такая попалась вторая половина, совершенно бесконфликтная.
– Сейчас я хормейстер народного ненецкого ансамбля «Хаяр», – рассказывает Вероника. – График работы теперь более гибкий, что позволяет больше внимания уделять семье. С утра муж отвозит всех в школу и на работу. На нем держится весь дом. Мальчишки уважают отца, помогают ему в уборке территории, ремонте автомобилей, слушаются беспрекословно. Днем я встречаю детей, кормлю их обедом, помогаю с уроками, потом они разъезжаются по кружкам. Вечером у меня также бывают репетиции, но тут уже муж забирает детей из учебных заведений и секций.
Мы хорошо уживаемся вместе, с пониманием относимся к детям. Я сильно не ругаю детей за проступки. Все это мелочи. Самое главное для меня – добрая атмосфера в доме. Так и живем.

Счастливая арифметика
Огромная нагрузка, которая ложится на плечи хозяйки большой семьи, почти не заметна. Вероника – красивая, изящная, не привыкшая хмуриться женщина. По собственному признанию, добрая мама. Наверное, поэтому выглядит юной девушкой. Диет, призналась, не придерживается. Не морит себя голодом и чрезмерными физическими упражнениями. Последних, считает, и так предостаточно – у плиты, стиральной машины, во дворе. Да еще и подвижные игры с детьми. Не расслабишься.
– Это хорошо, когда семья большая. Всегда есть поддержка, взаимовыручка. Где дети, там счастье! – уверена Вероника.
Дом Талеевых – добротный, построен с душой и на совесть, с продуманными деталями. Уют и покой ощущаешь здесь, едва переступив порог.
Дети растут совестливые, самостоятельные, работящие, каждый из них увлечен любимым делом. Никто из ребят не обделен талантом. В доме музицируют, рисуют, изготавливают поделки.
Но вернемся к нашему юбиляру.
– Все, чем занимались наши предки, постепенно уходит в прошлое. В первую очередь традиционные виды деятельности, забываются традиции, язык. Несколько лет назад мы создали семейно-родовую общину «Мядекоця» – «Чумик», – сообщает Вероника Талеева. – Занимаемся рыбной ловлей, декоративно-прикладным искусством. На территории нашего дома поставлен чум. Там мы принимаем гостей, рассказываем о быте ненецкого народа, проводим экскурсии для ребят. К нам приходили детишки из школы-интерната, детского дома, часто заходят одноклассники.
Дети – главное для нас. Для них мы и создали общину, чтобы они не были в стороне от своего народа, знали свои корни, культуру, слышали и изучали язык.
Ненецкий округ – не только место, где я родилась и живу, это мое вдохновение. Мы получили в наследство от предков уникальную и самобытную культуру. Вот эта культура, если можно так сказать, и подпитывает меня, – признается Вероника.

Вот оно, счастье!
На вопрос о том, что супруги загадали на юбилей хозяйки большой семьи, многодетные родители отвечают: «Здоровья и благополучия своей семье». Дети есть дети. Я давно поняла, что от них заряд получаю, они для меня своеобразный источник энергии, – подтверждает Вероника. – Дети – главные ценители и судьи. Вместе растем и взрослеем на семейных уроках-сказках, играх и представлениях. Трудно отделить, настолько все сплетено воедино. Все вместе.