Тюку по’ ӈарка пэвдэй ирий 16 яляхана ханярина теневана ненэцие’ паднана Василий Николаевич Ледков 85 пода пангусь. 2018 по’ – яна’ тер паднанана’’ тен’ поӈэ мэ’’ӈава’’.
Василий Ледковм’ нюмда маня’’ яна’ хавна ӈани’’ яхана’’ теневадо’. Пыда падвы манзаида – стих’’, повесть’’, роман’’ ненэцие’ вадавна падвы’’, тикы’ пуд луца’’ вадан’ сертавы’’.
Василий Николаевич 1933 по’ ӈарка пэвдэй ирий’ 16 яляхана Ӈарка явна мюсерта тыбэртя Микула Паханзеда – Николай Артемьевич Ледков’ мякана соявысь.
Нися’ хасада хынокад ненэць ӈэвысь, пыда ӈока лаханако, хынц, сюдбабц теневана ӈэвы. Ӈодьбянда мяканда турта’’, лаханако мэта’’ хибяри’’, тадебя’’ ӈод’’ турцеты’’. Нюдяко Василий тарця хибяри’’ поӈгана вадёсь, пыдо’ вабц’’хато’ инзелесь, харта вадамда вадакодарев’ теневадась.
Тоходанна пирӈэ вадёсь, нисяда хасава нюкцямда ӈэсын’ ханадась, таняна школа-интернатхана илесь. По’’ ваерась паднанаӈэ’ хэвндя нява’’ няхар’’ по’’ Чернойхана тоходанась, тикы’ пуд си’’ив классм’ Варандэйхана ёльцедась. Школамда Варандэйхана ёльцесь, Василий Ленинградан’ хаясь. Тамальӈгы’’ похо’’на’’ Ленинград’ маркана А.И.Герцен’ нювм’ нюбета институтхана тоходанавандо’ нерцю ӈэрм’ яхад товы’’ ӈацекы’’ средней образованием’ ня’’мбиць.
Ӈарка маркана тоходанавада хойхад товы ӈацекы ихиня ёльце саварахась, хусувэй маниенада мэкадарахась. Несэй илм’ торомдабись.
Ленинградской пединститухана тоходанава пода сававна миӈаць. Тоходанава’ хавна пыда ханяримна ӈэдалёрцеты. Хуркари’’ экскурсияха’ ядэрцеты, спортм’ мэнелӈась ( акробатикахана ныхы’’ӈась, си’’ивмэвна институтандо’ чемпионӈэ’ хан’’ӈась, Ленинград сборной командахана сянакосеты.)
Сиднтетимдей классхана тоходанаванда ёльцяӈгана «Рассказы о Мичурине» книжкам’ луца’ вадахад ненэця’ вадан’ пададась, юдимдей классхана Лев Толстой падвы рассказ’’ ӈани’’ тарем’ сертэйдась.
«Учпедгиз» книги’’ сертабада издательствохона манзарана’’ Василий Ледковм’ таня нядаӈгованзь ханзетыдо’. Пыда луца’ вадахад ненэця’ вадан Пушкин, Лермантов, Фет, Есенин падвы манзаи’’ сертабась нядаӈгосеты.
1953 похона Василий Ледков Герцен нювм’ нюбета институт филологической факультетхана тоходана пядась. Студентӈэ тараванда ёльцяӈгана мале паднась, падвы манзаида студент’’ толабидонзь, «Огонек» журналкана, «Литература и жизнь» газетахана ӈадиберӈаць.
Институтхана тоходанась Василий Ледков хусувэй по’ мяканда Варандэян’ турцеты. Харадхана иленаха’ ӈарка маркана илевам’ вадецеты, акробатической номер’’ манэ’’лабтабасеты, хой’ юн’’ нямна ханаркосеты.
Институтамда ёльце’’махад Василий Николаевич харта соя’’ма яханда манзараванзь тэвыць. Варандэй’ ӈэсыхында школа-интернатхана воспитательӈэ манзарась пядась. Харвась манзаямда пэрӈадась. Нись’ пон манзарась, пыда сита Нярьяна март’ манзараванзь ханадонзь. Тарем’ «Няръяна вындер» газета редакциян’ тэвыць, тикахана мале пон’ паднась.
1962 поход паднана Василий Ледковм’ член Союз писателей СССР.
Василий Николаевич илеванда’ ямбан ӈока манзаям’ падась, пуданда юкад’ вата поэтической сборник’’ хаиць, роман «Люди Большой Медведицы», «Месяц Малой Темноты», тикы манзаида луца’ вадан’ сертавы.
Пудана’’ похо’’на Василий Ледков Архангельскхана илесь, ӈокавна манзарась. Баренц-регион’ я’’ паднана’’ редколлегия’ членӈэ тарась, таняна нядаӈгодаӈэ ӈока Скандинавия’ яха’’ ӈэдалёрцеты. Таняна ненэцие’ литературам’ манэ’’лабтабасеты, ненэцие’ вадан «Калевалам’» карело-финской эпосм’ сертась.
Василий Ледков 2002 по’ ты’’ саполана ирий’ 7 яляхана яӈгумась.
Пыда’ пуданда хаевы сер’’ тамна пон’ ненэця’ тэнз’ мэта’’ хибяри’’ ихиня илеӈгу’’, паднанава’’ пили’’ тенеӈгува’’. Ӈани’’ сер’’ ӈэбнанда ни’’ тара’’.
Перевод на русский язык
Вьюги песни разносили…
В этом году известному поэту и писателю Василию Ледкову исполнилось бы 85. Его имя известно далеко за пределами ненецкого округа. Его стихи, повести, романы были написаны на ненецком языке и звучали на русском в переводе московских литераторов.
Родился Василий Николаевич 16 декабря 1933 года в Большеземельской тундре в семье потомственного оленевода Микулы Паханзеды – Николая Артемьевича Ледкова. Отец был прекрасным сказителем и знал большое количество легенд, поэтому его чум часто посещали шаманы, от которых маленький Вася унаследовал фольклорное наречие ненецкого языка.
Когда пришла пора учиться, отец отвез сына в поселковую школу-интернат. Начальное образование будущий писатель и поэт получил в интернате деревни Чёрной, семилетку окончил в поселке Варандей. Затем продолжил учебу в Ленинграде, получил среднее образование в школе при Ленинградском педагогическом институте им. А. И. Герцена. Там любопытный мальчик открывает для себя совершенно новый культурный пласт жизни: экскурсии, диспуты, спорт (семь раз он был чемпионом института по акробатике, выступал за сборную Ленинграда). В восьмом классе Василий с трепетом переводит на ненецкий язык «Рассказы о Мичурине», в десятом – детские рассказы Л. Толстого. Книжное издательство «Учпедгиз» по рекомендации института привлекает школьника Василия Ледкова к поэтическим переводам на ненецкий язык Пушкина, Лермонтова, Фета, Есенина.
После окончания средней школы в 1953 году Василий становится студентом филфака того же института. Активно печатается в вузовской многотиражке, «Огоньке», газете «Литература и жизнь».
Каждое лето на каникулы приезжал в родной поселок Варандей. Рассказывал землякам о жизни в большом городе, демонстрировал всевозможные акробатические номера, расспрашивал о тундровых новостях.
После окончания института возвращается в округ. Трудовую деятельность начинал в родной школе Варандея, работал воспитателем в школе-интернате. Затем переезжает в Нарьян-Мар, работает в редакции газеты «Няръяна вындер».
В 1962 году Василия Ледкова приняли в Союз писателей СССР. Библиография его произведений обширна: более 10 поэтических сборников, романы «Люди «Большой Медведицы», «Месяц Малой Темноты». Большая часть опуб-ликована в переводе на русский язык.
Последние годы жизни Василий Николаевич жил и работал в Архангельске. Как член редколлегии писателей стран Баренц-региона был частым гостем в странах Скандинавии, представлял ненецкую литературу, перевел на ненецкий язык карело-финский эпос «Калевала». Василия Ледкова не стало 7 марта 2002 года, но созданные им духовные ценности еще долго будут служить сохранению ненецкой культуры.
Этот год посвящен памяти Василия Николаевича. В планах – проведение вечеров-воспоминаний, где будут читать его стихи и прозу, другие мероприятия, на которых отдадут дань таланту нашего земляка.
