Саляхана илена’’ ӈокаюв’ хибяри’’ сяхава’ мал’’ Выучейской нювм’ нюбета колхозхана манзараць. Хойхана мюсерӈаць, тыбэртяӈэ’ тараць. Сян по’’ тяхана колхозандо’ тахарась тыбэртя’’ манзаяси’ хаиць. Хибяри’’ идо’ ядэлыць, ханзер’’ ӈэсь’’ сава ӈэбнанда? Тикахана Нюдя яхана семейно-родовой община’’ ӈадимяць. Теда хибяри’’ мале сидндтет общинахана тыдо’ пэрць хойхана манзара’’. «Вы’ ту» семейно-родовой община’ манзаям’ нерня минренаӈэ’ Ольга Владимировна Явтысая тара. Ханзер’’ серудо’ миӈа’’? Тикы нямна тарця вади’’ хэтась: – Малоземельской хойхана илева’’. Ся’’ня колхозва’’ тахарась, маня’’ хар’’на’’ ӈобкана ма’’лэйна’’, ӈобнзер’ таремъюв’ сертэйна’’. Хар’’на’’ тына’’ вадабагуна’’, ӈацекына’’ е’’эмня тараӈгу’’. Общинам’ сертава’’. Хар’’н нин’’ манзара’’, вэсаков Андрей Григорьевич, някав Талеев Олег Владимирович, Алексей Владимирович нюдяко няв, нюхуюн’ ӈани манзараӈаха’- Володя и Гриша, племянникан’ Герман Олегович, Игорь Семенович. Мал’’ тикахана ӈобкана’’ манзарава’’. Сававна илева’’. Хар’’н нин’’, ханзер’’ вэвковна пэртын’?
Корр: Сяхава’ «Выучейской» колхозхана ты’’ ӈокаць, юкад’ вата’’ ёнар’’ ӈэвакы’’, тамальӈгана пыдар нисяр’, небяр’ хойхана мюсермакэхэ’’? Тарця ӈэса?
– Ненсянда ӈод’’ тарцясь. Нисяв Владимир Васильевич, илеванда ямбан хойхана манзарась. Тыбэртяӈэ’ тарась. Небяв Талеева Римма Семеновна. Нисян’ ня хоювна пилибт’’ ӈэдалёрӈась. Маня’’ мал’’ таняна вадываць. Ява’’ саць савась.
Корр: Тенер’’ ханзер’’ ӈацекэда’’ ӈэванда’’ мальӈгана хойхана иледаць?
– Теневэй’’. Саць сававна тенев’ тикым. Инян’ пилибт’’ тенев’. Нисяв’ маймбада хибярись, манзаямда сававна сертабидась. Тенад’’ хибяри’’ сававна вадецетыдо’. Сяканд’ сырта’’, масьты’’: тюкохова’’ Володя не ню. Григорий Николаевич хаса’ cяӈгова някун’ тось ма’’нив: – Нисяр’ сава хибярись. Мани’ ӈобкана манзаранись, хусувэй ӈамгэм’ сертабасеты. Тедахова’’ ма’’нив: вэсакор’ ӈани тарця’’, пыда сава хибяри. Хусувэй манзаям’ сертаӈгу.
Мань вэсаков тыбэртяхат’’ пере’’, хойхана ӈобкана вадюданаваць. Мал’’ ӈопой бригадаха’’на’’ мэваць. Нисяда Явтысый Григорий Иванович, небяда Октябрина Никифоровна. Пыди’ илеванди’ ямбан хойхана илеӈаханзь. Таняна манзараӈаханзь.
Теда общинахана тына’’ пэръяна’’. Нерня’’ иле’’ тара’’ нив’’. Ӈацекына ханзерков’’ илебнандо’ тара, ӈамгэхэвадо’ танебнанда тара. Ив’ пилибт’’ ядэрӈась: ханзер’’ ӈэбна’’ сава? Тикахад’ идеюв’, хой’ няку хэбнан’ таранарха’. Таняна сававна илеӈгува’’. Хой’ илм’ теневав. Сейкоков’ таняюв пилибт’ харвасеты. Сеюв’ хардахад’ хоян ладартарха’ ӈэcьты. Хойхана мэбнан’ хар’’н ӈэдалёрцетыдм’, ханув’ хамадаӈгув’, тэдув’ ня’’амгу’’. Ти’’, ӈэдалаӈгув’.
Маня’’ нянэй мякна илева’’. Ӈопой мя’’ма, та’ мальӈгана тамна мядм’ мярсетыва’’. Ӈацекын’ тосьты’’, нюн’ ню’’ турцеты’’. Тикахана мя’’на’’ хэвхана ханзоць мун’’ ӈока’’ ӈэсьты’’, ӈацекы’’ малнаӈгу’’, ӈарка хибяри’’ манзаидо’ вадета’’. Су’’ляко’’ мун’’ сосьты’’. Ты’’ ӈока’’, нявотырӈа’’. Маймбцо’ сер, сейхана я’’авлы сава ӈэсьты.
Корр: Пыдар’’ хойхана мэн’, хасавамд’ нядабин’, нюд’’ пэрӈан’. Пыдар’’ ӈопой неӈэ’ таняна манзаран’, нядаӈгодид’’ таня’’?
– Нядаӈгодин’ Саляхана таня’’. Анастасия Егоровна Талеева сававна нядаӈгосьты,нюдяко нян’ хадада , ӈани’’ хойхана тяхакуна ӈэдалёрпэй, хой илевам’ ёльце сававна теневада. Мань нянда юнравась ядэрцетыдм’: ханзер’’ пивам’ сэдась тара’’, ханзер’’ мядм’ масьтесь, еям’ сэдась. Пыда табадабсеты. Небя’ хасав мер’’ яӈгумась. Тамальӈгана Саляхана манзарамась, Саляхардхана медучилищем’ ёльце’’махадан’, специальностюв’ фельдшер. Теда мякнан’ хибяховав’ хаӈгулабнанда хар’’н савумдабсетын’. Теневам’ хурка’’ лекарство’’ тара’’. Хойхана мэбнана’’, нябю мякад’ хибяхова хаӈгулабнанда турцеты’’. Нянкода еӈгу, тибяда есямда…
Корр: Тыда’’ хурка’’? Тыта’’ толыр’’ вадабида’’?
– Тына’’ вадабина’’ ӈацекына е’’эмня. Мань сидя яхаков’ харти’ хойхана ӈэдалёрӈаха’. Хусувэй хой’ манзаян’ нисяди’ тохолабсетыда. Садо’ харти’ сертабасьтыхы’. Тюр’ тикым’ вадець ни’’тара’’. Тюр’ сертась ёльце теневаӈаха’.
Мань теда ив’ сава. Теневам’ – нюхуюн’ хой манзаям’ сававна теневади’. Тэхэ’’на’’ мел’’ха, тыди’ теневаӈаха’, ты’ хавам мадась теневаӈаха’. Ив’ ни’’ няркна: ханзер’’ нерня илеӈгуху’. Нисява’’ нюда’’ сававна тохолэйда. Мань теневам: нюхуюн’ хан сертаӈгуху’, тэдамди’ ня’’амӈгуху’, ӈэдалаӈгуху’. Ямди’ теневади’ теда, харти’ пилибт ӈэдалёрцетыхы’. Хусувэй серкана нядаӈгосьтыхы’.
Необъятны просторы тундры. Любого, кто приезжает сюда, завораживают ее великолепие и красота. Эта земля, где все течет по своим вековым законам. А оленеводы бережно хранят обычаи своих предков, живут, соблюдая законы тундры и собственной совести.
Для них не существует выходных и праздников. Так живут и члены восьми семейно-родовых общин Малоземелья. Несколько лет назад семья потомственных оленеводов Ольги Владимировны Явтысой объединилась в общину «Вы’ ту» («Огни тундры»). Сегодня их хозяйство успешно развивается. И рассчитывает семья в основном на собственные силы.
Ольга Владимировна – хозяйка большого семейства – умело управляет мужским коллективом, поскольку родилась и выросла в тундре. Ее отец Владимир Васильевич Талеев многие годы отдал колхозу имени Выучейского. Мама Римма Семёновна – хозяйка чума, великолепная мастерица, во всем поддерживала мужа. В тундре родились их дети. Родители с детства ненавязчиво, на своем примере, учили ребятишек работать, любить свою землю, оленей, без которых не мыслят своей жизни.
– Как вы справляетесь с таким хозяйством? – поинтересовалась я у Ольги Владимировны.
– Начинать было, конечно, нелегко. Но очень хотелось сохранить поголовье оленей после распада колхоза. Ведь олени достались нам от родителей. Мне кажется, они сегодня одобрили бы наш выбор. И наши дети должны продолжить начатое нами дело, – с гордостью говорит Ольга Владимировна. – Существенную поддержку нам оказала и администрация округа. Так что дела наши налаживаются, и никакого страха мы не испытываем: встаем на ноги, увеличиваем поголовье оленей, да и технику кое-какую приобрели. Я уверена в своих мужчинах: мой муж, Андрей Григорьевич, братья Олег и Алексей Талеевы и их сыновья знают свое дело, с большим желанием трудятся в тундре. Наши сыновья – двойняшки Володя и Гриша, в меру своих сил тоже помогают. Да и отец рядом, всегда подскажет.
Времени у хозяйки хватает, как я убедилась, и на хозяйство, и на семью, и на знакомых. И со всеми она остается всегда сама собой – доброй, заботливой, в любую минуту готовой помочь, сопереживающей чужому горю, с острым чувством справедливости. Вот она, любовь к родной земле и неутомимое желание делать ее краше.
В общении с Ольгой Явтысой мне не давала покоя загадка ее характера. И, кажется, я нашла ответ. Характер – это не просто нрав, это свойства души и сердца человека. Он создан из силы, доброты, надежности, замешанных на трудолюбии и любви к своему краю. И пусть ее внуки и правнуки не растеряют этого дара удивлять и удивляться, обогащенного красотой и добротой своей земли.
