Маня’’яханана ты’’пэртина хусувэй выӈгана мюсерць тыдо’ пэрӈа’’. Хусувэй по’ сыра тось забой манзаи’’ пэрцеты’’. Ненэциена тыдо’ забойкан’ тэврабсетыдо’. Сян тым’ хабарта’’, сян ӈамзам’ ня’’амгу’’, мирдата’’ тикахад’ нерняна по’ямбан илевадо’ переӈгу’’.

Забой манзая’’ округханана маля носиндалава’’ ирийхад’ миӈа’’. Тюку яля’’ха’’ тэвась тарця манзая’’ пуданидо’ миӈа’’. Округна хасую’’ты’’пэртя’’ хозяйствохона забой манзая’’ ёльцевы’’,тикы тарця кооперативхана: «Няръяна тэхэна», «Харпхана», « Красный Октябрьхана», «Ижемский оленеводхана», «Заполярьехэна», «Восходхана», «Канинхана», «Ервхана», «Ненецкой агропромышленной компанияхана».

Ӈокаювдо’ ты’’ӈамзамдо’ хусувэй по’ тотрев Няръяна маркы ӈамза комбинатан’ тиртя’’ ӈанохона (вертолетхана) тэврамбидо’. Маркад’ ӈакухана ӈэда’’ СПК «Путь Ильича», «Дружба народов», «Рассвет Севера» забойкамдо’ ёльцесь, ӈамзам’ март’ сырэй сехэрывна машинахана тэвраӈгудо’.

Мэта си’’ивна нюртей ялян’ таслась: ты’’ӈамзам ня’’амва план’ округханана сиднтет ю’’ мян процентан’ пандавы, няхар’’ ю’’ тым хабармы’’- тикым ӈамзан’ таслась хасуюр’’ тонна’’.

Ты хабарпава манзая тамна СПК «Индига», «Колгуев», Нюдя яна’’ семейно- родовой общинахана миӈа’’.

Несэй ӈамзам’ округна еркы маркана илена’’ хибяри’’ лавкахана маля тэмдабидо’. Тюку по ты’’хабарпава манзая валакада ёльцевы’’ ӈэӈгу. По’ ямбан ӈамзасавэй илеӈгува’’.