Тюку яля’ вадин’’ тасу’ хаби’ вада, культура’ сер’’ минрена тохолкода’ нямна падвы’’.

Наталья Ижембина Томской областьхана танеда Колпашево’ маркана тохолкодаӈэ манзара, нини’ ӈэрм’ тер’’ ненэця’’ институт’ юбилей’ мэ’’ма’’ яля’’ мальӈгана Санкт-Петербург маркана хомбинись.

Педагогической ассамблея’ манзарава мальӈгана Наталья Иженбина ваде’’ӈадась, ханзер’’ тасу’ хаби’ вадам’ яхананандо тохолабидо, ӈамгэда тарця серкана тоенарка миӈа, тены’’ похо’’на’’ ӈацьмбой хибяри’’ е’’эмня тарода хурка. Няндуйко, я’’авлада, сомбой некоця хари’’ тэнзанда’ ембдяр’’ мэць ӈадимясь, ӈэбтуда’ сидя паӈглярт’ ма’’лавы’’. Ӈудаха’’ната’ – падвы’’ манзаида, сян’ тэнз тарана тетрадь’’, хари’’ сертавы ӈаворико’’ ня’’амби.

Наталья Платоновна ӈока по’’ ямбан хари’’ яхананда тасу’ хаби’ вадам’, культурам’ нерня’ минре.

Ӈацекы ӈэванда’ мальӈгана ибедор’’ нивакы, по’’ ваерась хари’’ вадамда манзаяӈэ мэтнакэда. Тэри’’ тарем’ ӈадимась. Школамда’ ёльце’’махад, Наташа ехэрась, ханяна тамна нерня’ тоходанаӈгу, ӈарумзь хибяӈэ ханта.

Тикахана иӈудота, хусувэй серт’ ёдтёда пирибцяком’ тохолкодида’’ Герцен’ нювм’ нюбета педагогической университетан’ хэванзь тидхаледонзь. Пыда’ ӈод’’ пуня’ нивысь’ ӈа’’.

– Ӈэрм’ ненэця’’ институтхана тасу’ хаби’ вадавнани’ толаӈгось, паднась тоходанамась. Тикы хадани’ вада, пыда сими’ вадабись. Хадав’ нянани’ хари’’ вадавна лаханасеты, ил’ мэсы’’, вадако’’ ваде’’цеты, сё’’ мэцеты. Маня’’ Иванкино’ ӈэсыхына илеваць. Каникулка’ турмани’ мальӈгана, ӈэсыхына илена’’ яни’ тер’’ нина’’ ня ӈобт’ тэворцетыва’’, пыдо’ ваде’’мыдо падбасетым’, ил’ мэсы’’, сёкоця’’ ӈэсеты’’. Ма’’лавыни’ институтхани’ тэврасетын, тохолкодаха’ манэ’’лабтабасетын – Наталья Платоновна ваде’’ӈада.

Институт’ мале’’мяхаданда манзараванзь хари’’ ӈэсыхында’ товысь, валакада те’ ёльцяӈгана таняна таневы ӈопой школамдо’ талвэдонзь.

Наталья ямда’ мэнена, тохоламбада некоця манзаяси’ пыдамда’ нидась хае. Ивъер’ харта янда’ историям’ тохолабась пяда, ханяхад мята’ тер’’ паӈг’ перевам тасламбись, хусувэй намдвэмда падарт’ падбидась.

Валакада 1991 похона тохолкода манзаяханда тэвыць.

– Ӈэсыхынана’’ школам’ нэць, мань нюдяко ӈацекы’’ тохолкодаӈэ томась. Тамальӈгана Иванкино’ ӈэсыва’’ национальной поселение’ статус ня’’мась. Ӈокаюв’ ӈэсыхына илена’’ хибяри’’ хари’’ вадамдо’ юрвэдонзь. Школахана тасу’ хаби’ вадам’ тохоламбась тасладонзь, валакада хибя вадам’ минреӈгу? Сими’ таслаць.

Ӈули’’ нерде’ сейми’ пинась. Пуна, нись’ понку ибедорць, несэй манзаяхани’ тэвываць. Ӈэсыхынана’’ ӈармбэй тасу’ хаби’ не Елизавета Сычина илесь, вадамда сававна теневана, хусувэй сер’’ нямна пыда’ сита хонрабсетым, сими’ сававна нядабасеты, ӈока ӈамгэн’ сими’ тохолась. Тикахад школан’ учебник’’, учебной пособия’’ тэвраць, ти’’, сер’’ нерня’ манзадаць – ваеравы по’’ тохолкода тарем’ ваде’’яда.

Те’ ёльцянд хэтась, сян’ юд’’ мян’ по’’ ваерась’’, Наталья Платоновна Томской областьхана тасу’ хаби’ вадам’, культурам’ нерня’ пэрӈада, ӈацекы’’ хари’’ вадан’ тохоламби. Тарця серкана сава нядаӈгодида –
мята’ тер’’. Ӈарка яля’’ мальӈгана нидо’ ма’’люрцеты’’, хуркари’’ фестиваль’’, выставка’’ сертабасеты’’. Ӈацекы’’ няюв ниня’ ӈарка спектакль’ хамадабсеты’’, ӈобкана ма’’лась хари’’ вадавнандо лаханасеты’’, мастер-класс’’ сертабасеты’’.

Наталья Платоновна тасу’ хаби’ вадавнанда ӈока лаханако’’, традиция’’ тенева, няхата’’ ваде’’цетыда: ханзер’’ ӈамгэм’ сертась тара. Хусувэй серкана нида’’ нядабасетыда, хусувэй мероприятиен’ тэворцеты.

Теда’ лаханая, я’’авлада тасу’ хаби’ некоцям’ ханярина теневадо, пыда ӈарка яна’’ ӈэрм’ я ӈацьмбой хибяри’’ сава ня’’.

Кирилл Выучейской, маня’’ яна’’ тер, культурологӈэ’ ӈэрм’ ненэця’’ институтхана’’ тоходана. Пыда’ ӈод’’ Наталья Платоновнам’ теневада. Сян’ по’’ тяхана ниди’ торумдавыдись. Тюку’ мэвахана ниди’ Санкт-Петербургхана ядабтэйдись, ӈобкана майбихинзь, няхати’ хэтувнда’’ вадиди’’ ӈокаць.

– Сидя ёнар’’ хасуюдимдей яӈганя похона Анапа маркана фестиваль’ «Таланты Арктики. Дети-2019» миӈась. Тикахана мани’ Даниил Талеев’ ня «Маймбава» ансамбльхана таранись. Ӈоб’’ мальӈгана хувы’ зарядкам’ сертабавани’ мальӈгана Наталья Платоновнам’ внукан’ ня торумданись – тарця таневы сер’’ Кирилл тензебте. – Пыда я’’авлада, мэкад, нямбара не ӈэвы, тикым таминда’ cэвтемись. Тикы пуд’’ ӈока лаханакурцетыва’’, нина’’ сававна торумдэйнаць, е’’эмняни’ сава няӈэ’ хаясь. Наталья Платоновна мастер-класс’’ сертабасеты, хари’’ тэнзанда’ культура, традиция’’ нямна лаханасеты. Мякани’ ӈэдалавани’ нерцюна няни’ мядонзэйӈэ хари’’ ӈудаха’’ната’’ сертавы сянакоцям’ тась. Сейханани’ лимбякась, савась, маиваць, ивнани’ ӈэда няни’ тавы сянакоцям’ тамна лэтбив, Нельмин’ Саляхана мякнани’ сими’ ӈате’’.

Перевод на русский язык

Что-то на селькупском

Героиня нашего материала – преподаватель селькупского языка и самобытной культуры.

Встреча с Натальей Иженбиной, педагогом из небольшого городка Колпашево Томской области, состоялась в дни празднования юбилея Института народов Севера в Петербурге.

Выступая на педагогической ассамблее, Наталья Иженбина рассказала коллегам о практике преподавания селькупского языка, отметила болевые точки и значимость родного языка для современного поколения.

Худенькая, шустрая, миловидная женщина в национальном селькупском наряде, волосы собраны в две косички. В руках – множество папок, записных тетрадок с закладками, предметы традиционной культуры.

Наталья Платоновна многие годы занимается популяризацией селькупского языка и культуры.

В юности девушка не предполагала, что свяжет жизнь с селькупским языком. Всё произошло случайно. Окончив школу, Наташа не знала, куда пойдёт учиться и кем станет во взрослой жизни.

Тогда смышлёной и любознательной девчонке педагоги предложили поступить в РГПУ имени А.И. Герцена. Так она и сделала.

– В Институте народов Севера и научилась читать и писать на селькупском языке. Это родной язык моей бабушки, она меня воспитывала. Разговаривала со мной, рассказывала истории, сказки, пела песни. Жили мы в посёлке Иванкино. Приезжая на каникулы, я любила встречи с земляками, записывала их рассказы, частушки, всё это везла в институт, делилась с преподавателями, – рассказывает Наталья Платоновна.

После окончания института молодой специалист вернулась в родную деревню, но единственную школу к тому времени там закрыли. Наталья любила краеведение и серьёзно занялась изучением истории края, родословной своей семьи, все услышанные истории старательно записывала в тетрадь.

К преподавательской деятельности вернулась лишь в 1991 году.

– Тогда открыли школу, я стала работать учителем начальных классов. В то время посёлок Иванкино получил статус национального поселения, а язык свой селькупы стали забывать. Решили вернуть уроки родного языка в школу, но кому преподавать? Предложили мне. Было страшно браться за такую ответственную работу. Но всё-таки согласилась. В деревне жила пожилая женщина – селькупка Елизавета Сычина, свободно владела языком, по многим вопросам консультировала меня, многому научила. А потом привезли учебные пособия, и дело пошло, – делится воспомина-
ниями педагог.

С тех пор пролетели десятилетия, Наталья Платоновна занимается продвижением селькупского языка и культуры в Томской области, учит детишек родному языку.

В этом деле её поддерживает семья. Организуют праздники, различные фестивали и выставки. С детьми ставят небольшие спектакли, устраивают встречи на родном языке, проводят мастер-классы по традиционному прикладному творчеству.

Наталья Платоновна знает множество селькупских легенд, всегда расскажет, как правильно провести тот или иной обряд. Активный участник всех мероприятий.

Активистку селькупского народа знают не только у себя на родине, её знает молодёжь северных регионов нашей страны. Знаком с нею и Кирилл Выучейский, наш земляк, будущий культуролог, студент Института народов Севера. На этот раз их встреча прошла в Петербурге, обрадовала обоих, им было о чём поговорить.

– В сентябре 2019 года в Анапе проходил фестиваль «Таланты Арктики. Дети-2019». Тогда мы с Даниилом Талеевым танцевали в составе ансамбля «Маймбава». Там и познакомились с Натальей Платоновной и её внуком во время утренней зарядки, – вспоминает Кирилл. – Очень активная, интересная и открытая женщина сразу привлекла наше внимание. Много общались, подружились. Наталья Платоновна проводила мастер-классы, интересно рассказывала о культуре и традициях своего народа. Напоследок она подарила мне игрушку – плюшевого мишку, сшитую её умелыми руками в традиционном селькупском наряде. Трогательно и приятно. Для меня это ценный подарок, который хранится дома в Нельмином Носе.