Леонид Иванович Худи Ямалкана соявы ненэць, паӈгуда ты’’пэртяхат’ пере’’. Ӈодьбянда ты’’пэрма серм’ саць савовна теневада. Тарем’ еримбнанда пиликов’ хой’ няку тэворцеты.
Маля ӈахакуд’ Леонид Иванович Ямалкана мюсерта’’ ненэциета няюв ӈобнзер манзаямдо’ минредо’. «Союз оленеводов Ямала» мюсерта’’ ненэцие’’ е’’эмня сертавы’’, тикы Союз’ ӈэвахана мэнаӈэ’ Леонид Худи’ тара. Пыда няюв тарця лахарёми’ танясь.
Округна ӈэсыхына илена’’ нина’’, хыно’’тина’’, «Сава сён’» ма’’лэйдаць’’. Хусувэй товы харта сёмда мэ’’ӈась. Тюку мэвахана ӈока несэй сё’’ намдаваць’’. Тарця конкурс’ маня’’ яханана юкад’ вата по’’ тяхана ӈадимясь. Тамальӈгана хибярина ӈокаювдо’ невхы ярабц, сюдбабц мэ’’ӈаць.
Тарем’ янамбовна конкурс’ хусувэй по’ несэюмданась. Хыно’’ман’ харванина’’ толыр’’ ӈод ӈарумданась. Ӈарка хибяри’’, пирибцяко, наны, ӈацекы сём’ мэ’’ман’ харва’’. Тюку по’ ваеравы «Сава сёхона» ӈацембой хибяри’’ ӈокаць, нюдяко ӈацекы’’ таняць. Тикы ӈани’ сава сер’. Сё’ иле, вадава нерня миӈа.
Хойхана мюсерта’’ ненэця’’ ӈод ханярид’ товыць. Приуральский, Ямальский районхад’ товы’’ хой’ тер’’ ненэця’’, не’’ сэвхана маниеб’ савархась. Мал’’ пыдо’ харто’ ембдяродо’ мэць товыць. Паской паны’’, мальця’’, пива’’, сава’’ сэвхана ябирець. Ханудо’ нянэй хан, не харто’ ханудо’, малӈэ’ падтавы’’. Нюкцидо’ сомбой мальци’’ мэ’’ӈа’’, не ӈацекэця панытаць.
Нина Ивановна Худи Саля’хард’ тер не, хусувэй по’ ты’’ пэртя ӈарка ялян’ турцеты. Пыда ӈобтарем’ сойхана соявы, вадювы. Нянэй не ӈэвада ӈади, паской паным’ мэць ядэрӈась. Хэбидя яля’ нямна тарця вади’’ хэтась.
Управление министерства внутренних дел РФ по НАО подвело итоги работы в 2012 году. Некоторые данные и цифры были озвучены на состоявшемся недавно в администрации НАО заседании, посвященном криминогенной обстановке в регионе. Предоставляем читателем возможность познакомиться с ними.
Итак:
– в 2012 году в УМВД по НАО поступило 5 989 заявлений и сообщений о различных происшествиях;
– зарегистрировано 627 преступлений (на 18,8 процента меньше, чем в 2011 году);
– выявлен один факт взяточничества;
Я’малкана илена не Н.М.Янгасова ненэцие’’ вадако’’, сюдбабц’’, ярабц’’ ӈобт ма’’лась книгаӈэ’ сертавыдась. Тарця книгада сидя ёнар’’ нюртей похона тарпыць. «Сюдбя Хэтанзи» сюдбабц’ ӈод тикан’ еримысь. Ярабц’ пелям’ тамна толара’’.
Няхар’’ ю’’ хасава, теда’ нянда’’тэд маноӈада’’. Няхар’’ ю’’ тым’ ханани пуня’ пэнъян. Пэё’’махадани, Ӈарка Санэре’’э манзь ханада: – Теда’ мякана мэхэва’’.
Россиянана толырто тянё ненэця’’ ханярина иле’’. Тарця хибярина сидя ю’’ няхар’’ по’’ тяхана Российский ассоциациям’ ӈадимдець. Таняна манзарана’’ нина’’ ӈэрм’ тенз’ ненэцие’’ хуркари’’ серкана нядамбава е’’эмня сертавысь.
Ӈадиманда мальӈгана ассоциациява тарем’ нюмдевысь – «Ассоциация народов Севера СССР», тамальӈгана сидя ю’’ мат хуркари’’ тенз’ мэта хибяри’’ таняюв ма’’лыць. Тарця ассоциацияна’ нертей президентаӈэ’ Владимир Санги хаясь, нивх’ тенз мэта хибяри, паднана. Тюку’ мэвахана ваеравы съездхана пыда сита Почетный президентӈэ’ нюмдець.
Нерняна товнда яляхана Саля’хардахана Всероссийский ассоциацияна съезд’ манзарась пяӈгуда. Ханярид’ товы’’ хибяри’’ таняна манзараӈгу’’. Ассоциацияна тет по’’ ямбан манзаравам’ таслаӈгу’’, тикахад’ тэранзёва ваераӈгу’’.
Тюку’ мэвахана президентадава, тикахад Координационный Советхана манзараванди’ тэрабаӈгу. Маня’’ округна делегация’ таняюв’ ӈэдалаӈгу’’, ӈарка ассоциацияна ма’’лёвахана манзараӈгу’’. Хэвхы округхана ваеравы съезд’ нямна вадина нерняна тамна падвы ӈэӈгу.
Хусувэй по’ Няръяна маркана буранхана ӈэдалёрма сянакова танесеты. Тарем маля си’’ив яӈганя по’’ ямбан ӈэдалёрӈа’’, тарця сянаковам’ нэвы Артур Чилингаров тамальӈгана округна депутатӈэ’ РФ Государственный Думахана манзарась.
Теда тарця сянаковам’ нюмдембидо’ – «Буран Дэй». Буранхана ӈэдалёрмам’ округханана саць ӈарка серӈэ’ мэ’’ӈадо’. Ӈэдалёрман’ харвана хибяри’’ тянё нисьты’’ӈа’’, тикахад’ сырмась турта’’ ӈока ӈэсьты’’. «Буран Дэйхана» ӈэдалёрта’’ хибяри’’ хусувэйдо’ сава мядонзэй ня’’амсеты’’. Ӈодьбянда сянакован’ харвана’’ӈод тянёркаӈэ’ ни’’ханас’’.
Ты’’пэртя’’ ненэциена хуркари выӈгана тыдо’ пэрць мюсерӈа’’, недо’ хасавидо’ нядабась хойхана мяд’ пэртяӈэ’ тарасеты. Тарця хибярина илевамдо’ выӈгана мэ’’ӈадо’, нюкцидо’ школан’ хэвандо’ нерцю таняна вадюдана’’.
Анисья Васильевна Канюкова Омахана иле. Ӈока ню’’ небя. Сырэй мальӈгана не’’ нюта’’ хэвхана маркана илесеты. Мань’ тикы нем’ ма’’лёвана мальӈгана хомбивась, иланда нямна хонравась.
Ассоциацияна съездан’ ӈэ-сыхыд хибяри’’ турӈаць, хуний харто ӈэсынандо’ отделения манзаям’ пэрӈа. Хонгурейхад’ Надежда Аркадьевна Канюкова товысь. Пыда тарця вади’’ хэтась.
Сайнорма маня’’ яханана яӈгусь. Тарем’ ӈод хусувэй ӈэрм’ яхад хибяри’’ ямдо’ лэтравась хаяць. Победа’ яля това е’’эмня яханана илена’’ хибяри’’ ныхыдо’ нись’ сяй манзараць. Тамальӈгы похо’’на округханана няхар’’ ю’’ сидндет ёнар’’ мат юр’’ самляӈг ю’’ хибяри’’ илець.
Саю’’ по’’ ямбан маня’’ округхадана хасую’’ ёнар’’ няхар юр’’ сидндет ю’’ няхар хибяри’’ сайнормась хаяць. Манзарась пирта’’ хасава’’ хаяць. Не’’, пухуця’’, вэсако’’, ӈацекы’’ манзаранаӈэ’ хаиць. Пыдо’ сайнормась хэвы нидо’ нядамбиць.
Сюдбя Хэтанзи’ сидянда сэванда сыла’’махад, мята салте’’э то’’ сядо’’ ниня таня палавы. Сидя нюндя небя недя таня. Ханесэй хорта ӈэв си’’иби’’ минахад хэӈго’’лавыда. Тэӈэ мэтада ӈопой хабтада. Ханӈэ мэтада пой ӈутокы сиби тисьӈэта. Сюдбя Хэтанзи’’ ханева ялянда хэвняхавахана хонёвари сер’’.
Ся’’ны ӈэбта немав хэвы. Мэта индкани мякы тоета пин’ хаядм’. ( Сёда хэӈгада).Ӈари’’ тедахав, тэри лахнакодарев’ мэкава’’. Техэ салами мале’’мяхадани, сэвари мэ’’ӈадм’.
Ил’ нерня ӈарка яӈгам’ мэць миндарха. Яля’’, ирий’’, по’’ ӈод нись’ нултан’’ нерняри’’ миӈа’’. Тамна нись’ ӈахакуна едэй пом’ ядабтавась хамякуваць. Сидя ёнар’’ няхар’’яӈганя пом’ ӈатеваць. Теда маниесь: тандая товы едэй похона маля нябимдей ирий’ илева’’.
Регистрационный номер СМИ: ЭЛ № ФС77 - 83188 от 26 апреля 2022 года
Зарегистрировано Роскомнадзором
Учредитель: ГБУ НАО "Издательский дом Ненецкого автономного округа"
Главный редактор: Горбонос Юлия Юрьевна
Телефон редакции: 8 (818-53) 4-21-73
Электронная почта: info@idnao.ru
Адрес: 166000, Ненецкий автономный округ,
г. Нарьян-Мар, ул. им. В.И. Ленина, 25а