Ненэця’’ илмана по’ ӈэва лимбя’ ирийхад миӈа. Ӈэрм’ яхана по’ нертей ирийхана сата’’ тецьда нусеты’’, хад’’ ӈэсеты’’, сата мерця’’ поснасеты’’.
Те’ ёльцяӈгана выӈгана ӈобкарт мун’’ нисеты со’’, еванзь’ товы ненэця’ ирийсавэй пи мадабасьты’’. Нумда хуркари ӈэсеты. Хой’ тер’’ ненэця’’ харто’ иламдо’ нерняри минредо’, ӈахы манзаидо’ пэрӈа’’, тыдо’ лэтби’’. Мюсерта ненэця’’ ӈарка пэвдэй ирийм’ мададо’. Тикахад маймбась хаер’’ нертей сэвм’ манэ’’мам’ ӈате’’.
Лимбя’ ирий еркы’ яляха’’ тэвмахад нув’ панхана хаерэна’ ӈэва ӈодь лакамбой вэхэбтэй’’. Маниеб’’ ненэця’ сэвхана, тиван’ харвана лимбя’ тодрев ӈадьӈгу. Тикы ирий’ ӈадьбянда тарем’ нюмдевы ӈэвакы – лимбя’ ирий. Хаерад’ сэвм’ манэ’’махад ненэця’’ яля’ падаркана едэй пон’ ниня’’ам’ тэв’’. Тикахад хой’ ненэця’’ едэй ил’ таслирто’ миӈа’’. Ненэця’’ едясипой тамна ӈопой пом’ мадаван’ маймби’’. Тад’ нерня’ хаерта янамбовна хусувэй яля’ тю’’ури минзь пяӈгуда. Яна’’ ний ӈоб’’ тарем’ янамбовна ялэмда.
Тыбэртя’’ тыдо’ лэтмби’’, ханеванзь ядэрӈа’’. Я’ сармик’’ маниесь нумда хурка ӈэвня тасламбидо’. Тарем’, яля’ пэвсюмы няӈэхэд ва’’анта ты’’ нито’ хэван мэёвна ва’’анбато’ – хадсавэй тецьда яля тута, парамдэй’ ниня ва’’анбато’- нумда ибемда. Сырэй нумӈгана нохо’ писяко ваӈгутату мюд’ ӈадимб’’ – ӈоб’’ иба яля’ товам’ пэрӈа.
Ирий’ ӈэвахад мерця яля’’ ӈэбнандо’ тад’ нерняна тованда ирийхана – яра ирийхана мерця яля’’ поснаӈгу’’. Лимбя’ ирий – яна’’ ни’ хаерм’ тэврамби!
Перевод на русский язык
У ненцев первый месяц года славен сильными морозами, метелями и буранами.
Повсюду на тундровых просторах стоит тишина, на небосклоне властвует луна. Кочевники стойко пережили месяц большой темноты и с радостью ждут встречи с первыми лучами солнца.
И вот уже в первой декаде января над горизонтом появился диск небесного светила в виде согнутого орлиного крыла. Ненцы называют январь месяцем орла – лимбя’ ирий.
У ненецкого народа первый день появления диска светила считается началом Нового года. В тундре с этого момента начинается новый отсчет времени. Радуются солнцу и стар, и млад.
Оленеводы по поведению животных судят о предстоящей погоде. Так, если олени с вечера в стаде начинают плотно прижиматься друг к другу – к наступлению пурги или сильной стуже, а ложатся на сугробах или на открытом месте – к теплу. Если лемминга в середине января увидишь стоящего столбиком возле входа в нору – к наступлению теплых дней.
И еще, если с рождением нового месяца стоит ветреная погода, то в течение всего последующего месяца – февраля – будут дуть ветра. Январь – месяц возвращения солнца!
