Вэба’’ ирийна тетимдей яӈганя толыркана Россиянана илена’’ хибяри’’ тэранзёва ялямдо’ мэ’’ӈаць. Маня’’ яханана ӈани’’ тэранзюваць.

Тарця яляхана Саля’хардахана илена’’нина’’ ӈобтарем’тэранзюць. Пыдо’ ӈани’’тэранзёва поӈгана округандо’ еркы маркана манзаравнда депутатамдо’ тэрабиць. Тюкумэвахана ӈока хибяри’’ депутатӈэ’ хэван харваць, тарця хибяри’’ поӈгана ӈэрм’ тенз’’ хибяри’’ныхыдо’ хорпиць. Нянэй ненэцяӈгад’ сидя хасава Саляхард’ маркы депутатӈэ’ хаяхась, пыди’сидди’ маркана тэранзёвы’’ хибяри’’ депутат’’ поӈгана маниеван’’ харва’’. Тикы хасаваха’ харти’ манзаити’ хавна тамна депутатӈэ’ тараӈгуху’. Евгений Вэрьевич Пурунгуй Ямалагропромхана юристӈэ манзара, депутат’’манзаям’ ӈод теневада. Пыда маля тикы нерцюня Ямал’ Дума депутатӈэ’ манзарась. Нябиюм’ ӈани ӈацембой хасава Владимир Алексеевич Хоротэтта, Санкт-Петербургхана маркана медицинский академиям’ ёльце’’махаданда тивак’’хабцям савумдабада лекарь’ хардахана хибяри’’ савумдаби. Тикы’ хавна тамна депутатӈэ’ тараӈгу. Пыда ныхымда несэй серкана хортада, сямянд’ савада – манзараван’ харва. Тарця ихиня сомбой юн’ хэвхы округхад’ тоць.