Тюку по’ ваеравы Тыбэрта яляхана Краснойхана ӈани’’ теневана няхаюни’ ядабтадамзь, Николай, Екатерина Выучейскойха’ тикахана мэвэхэнзь.

Пыди’ ӈока по’’ ямбан хойхана мюсермэхэ’, тэхэ’’на’’ мэвэхэ’. Тыбэрта’’ ӈарка яля’ нянэювна пыди’ яляди. Сава ихина пыди’ тикан’ товэхэнзь. Янди’ тер’’, тэхэ’’на’’ мэна’’ ниди’ лаханась ня’’ӈаханзь, хойхад тэвравы юн’ намдӈаханзь, тюку яля’ тэхэ’’на’’ сававна манзая мимам’ намдва, ихинанди’ маймбцо.

Тыбэрта ялян’ хамадавы программам’ мал’ маниедись, хэтбада вадаха’ инзелеӈаханзь. Яля’ ямбан таняна мэӈаханзь, ӈарка няхаюна пэдавамди’ ханзеркарт нидись манэ’’лабтамбю. Валакада яля’ пэвсюмбы пеляхана сава ихина мяканди’ хаяханзь. Ма’’нисям – ялями’ сававна ваера, сейханани’ сибиць, мал’ савась. Нини’’ лаханась ня’’ӈанись, ныхыми’ нядава то’’олхани’.

Тикахана няхаюни’ хонрадамзь: – Хой’ нямна тябекутади’? –
Ханяни’! – Николай Ильич лакри’ ма. – Теда хоян’ хэсь нини’ пирас’’, сенз ӈэвами’ невхы по’’ то’’олха вуни’’ӈа. Мал’ илевами хойхана ваеравы ӈэ’’нив, тэкоця’’ хэвхана. Ханзер’’ нидм’ тябекуд?

Тюку ялян’ ӈэсонд хойхана манзаравы’ ветеран’’ идо’ хой’ ил нямна, тэхэ’’на’’ манзарава нямна няркна. Пыдо’ илебэй тыбэрта’’ нидо’ серкана, тарана вадаха’’на’’ пили’’ нядабидо. Хойхана Николай Ильич сидя хасава нюда, сидя не нюда манзара’’, нюто’ ню’’ мале’ сава нядаӈгода. Тыдо’ маниена’’ таня, мэё ӈудаха’’на’’ ӈа’’.

Выучейскойха’ ӈацембой хибярихи’ хэтувнда вадади’ пили’’ таня. Екатерина Александровна, Николай Ильич хойхана соявэхэ’, таняна вадювэхэ’, манзараӈаханзь. Неюм’ – ӈока ню’’ небя, харта ӈацекыда’ нюдякоходандо’ хари’’ выӈгы ямдо’ мэнесь, сахарамбась тохолабидась. Сидя хасава нюхуюда’, сидя не нюхуюда’ нисянди’, небянди’ хэвхана манзарась тоходанаць, тедахая’ «Харпхана» манзара’’.

Тарем’ маниесь, ӈарка мяд’ некоця еникэцярха’, тет юкад’ вата по’’ ямбан вэсаконда’ няюв Ӈарка хой’ яна мюсерӈась. Пирибтякоӈэ’ пыда я’’алада некоцясь, хусувэй манзаямда’ ивъер’ пэрцетыда. Тикамда ӈарка неӈэ’ хэсь нерня’ минреда, хэвхананда’ манзарась нята нида’’, мята’ тер’’ табадабсеты. Мякнанда хусувэй ӈамгэда сававна сертавы ӈэсеты, тыбэртяха’’на’’ сава ӈэва’’ е’’эмня. Мяд’ ибам лэтбасеты, ембдяро’ сэдорпасеты, тарабнанда мяд’ еям’ сэдгу, ӈамнелада ӈаварм’ пиребасеты. Ӈацекыда’ маниесь, вадабась ёльцяда тэворцеты.

Вэсакода’ ӈод’’ пухуцяданда нисеты хаюр’’, Николай Ильич илан’ ненэсявна сырта ненэць, манзарась теневана, СПК «Харпхана» тыбэртась, ӈока по’’ ямбан’ ӈэсындо’ тетимдей бригадам’ ӈудаха’’нанда ня’’амбидась, таняхад пенсиян’ тарпыць.

Тетимдей бригадахана ӈока по’’ Выучейскойха’ манзараӈаханзь, сававна манзаранаць, ӈока нерня’ тарпурцеты’’. Сававна манзаидо’ минрева’’ е’’эмня сава вади’’ намдурцеты’’, наградыдо’ тянё ни’’ӈа’’, звание «Заслуженный работник сельского хозяйства Российской Федерации» мэ’’ӈаха’. Яндо’ тер’’ нидо’ сидди’ сахарамбидо, пыди’ хэтвы вадиди’ ныхы.

2022 похона Выучейскойха’ илеванзь харван’ хамъяханзь. Поди’ ӈокамдана, сенз’ ӈэвади мале’ тарця ни’’ӈа, манзарась тоенаркаӈэ’ хая. Красноян’ илелъяханзь, сельской советхад’ ӈарка, яля харад’ ня’’амӈаханзь. Илева’ серли’’. Мяканди’ маймбась нюди’’, нюти’ ню’’, перениди’’ ядабтабсетыхы’, мядоманзь’ товы’’ ниди’’ танесеты’’.

Пенсияна мэбнанди’ ӈод’’ серци’ нисетыхы’ ӈамдю, пэртядамди’ пили’’ хосетыхы’. Тябекутась ехэранаха’, хой’ ил сидди’ тарем’ тохолавы. Екатерина Александровна хойхад ха’’амась, таминда манзаравань мехпошиван’ товысь. Мале’ самлязимдей по’ таняна нита’’ няюв манзара. Хоб’’ тыртабсеты’’, пени’ хырабасеты’’. Тикахад мальця’’, савок’’, тобак’’, ӈоба’’ сэдарабасеты’’, ея’’ тарабнандо’, есяр’’ сэдбасеты’’.

– Хибярихит’ заказ’’ пэрцетыва’’, бурка’’ тарем’ сэдбасетыва’’. Тарем’ серо’’пата сувенир’’ сертабасетыва’’. Манзаява’’ ӈока ӈэсеты. – Екатерина Александровна мась.

Николай Ильич хардахана манзаяда’ ӈока, хари’’ харад’ пили’’ мание тара. Ханяна халякоцям’ ня’’амвась ханта. Хардахаданда’ нись ӈахакуна халясавэй токоця тане, таняна ныланава сер’’, пухуцянда’ ня ёрцетыхы’. Выучейской’ нянэй ненэця’’, мякнандо’ хари’’ вададо’ пили’’ сосеты, ненэця’ вадавна лаханась харвабтадо, вадамдо’ теневана. Харто’ паӈгудо, культурамдо’ теневана’’. Хой’ ямдо теневана’’, мэнена’’, лэтбада’’. Тад’ нерня’ ӈод’’ илевадо’ саваривна миӈая, мал’ сенз’’ ӈэя’’.

Перевод на русский язык

Ими гордятся земляки

На праздновании Дня оленевода в Красном я вновь встретилась с семьёй Николая и Екатерины Выучейских.

В приподнятом настроении они пришли, чтобы отметить вместе с жителями посёлка профессиональный праздник. Пообщаться с земляками, узнать новости стойбищ, порадоваться за успехи тех, кто сегодня достойно несёт свою вахту в суровых арктических условиях.

Их стойкости и выносливости можно только удивляться, ветераны оленеводства выдержали всю программу праздничных мероприятий, подустали малость, но ничуть об этом не пожалели.

– Конечно, скучаем по тундре. Вся жизнь прошла там, с молодости были с оленями. Сейчас нет возможности ездить в стойбище, да и здоровье уже не то, – признаётся Николай Ильич.

Выучейские всегда готовы поддержать полезным советом молодых и искренне переживают за будущее оленеводства.

Екатерина Александровна и Николай Ильич родились и выросли тундре. С детства привили детям и внукам любовь к родной земле, к тундре. Два сына и две дочери работают в «Харпе». Начинали в бригаде с родителями и до сих пор достойно трудятся там. Внуки тоже продолжают дело предков. Олени в надёжных руках.

Спокойная на вид хозяйка большой семьи сорок лет кочевала по просторам Большеземельской тундры рядом с мужем. С молодости была крайне требовательна к работе. Всегда заботилась о комфорте для труда и отдыха оленеводов. Создавала уют в жилище, ремонтировала одежду, шила покрытия для чума, вкусно готовила, воспитывала девятерых детей.

Под стать жене и Николай Ильич. Серьёзный мужчина, стоял во главе бригады №4 СПК «Харп», оттуда и вышел на пенсию.

Бригада №4, где многие годы трудились Выучейские, неоднократно поощрялась премиями за высокие показатели в отрасли. За многолетний достойный труд Выучейские имеют множество наград. Николай Ильич – ветеран оленеводства, Екатерина Александровна удостоена  звания «Заслуженный работник сельского хозяйства Российской Федерации». 

На оседлость Выучейские перешли в 2022 году. Здоровье начало подводить, работать стало труднее. Вот и поселились в Красном, сельский совет выделил почётным труженикам тундры большой и светлый дом. Теперь есть где развернуться многочисленной родне. Супруги любят, когда в доме многолюдно, часто их навещают внуки, приходят дети, знакомые.

На пенсии им скучать не приходится, всегда найдётся дело. Да и характер не тот, закалка тундровая. Екатерина Александровна пять лет работает в мехпошиве кооператива «Харп». С коллегами занимается обработкой и выделкой шкур.  Мастерицы шьют малицы, совики, тобаки и рукавицы для оленеводов, летние и зимние нюки для чумов, балаганы.

– Принимаем заказы от населения, шьём бурки. Для души, с желанием и умением создаём сувениры из меха, –  поделилась напоследок Екатерина Александровна.

Николай Ильич занят домашними хлопотами, забот в доме хватает. Да и на рыбалочку не прочь сходить, благо озеро рыбное рядом с домом. Рыбалка – одно из любимых увлечений супругов.

– Мы там на спиннинги ловим язей и сорогу – отдых и польза. Затем котлеты крутим, детей угощаем, – говорят они.

В семье Выучейских всегда звучит ненецкая речь, любят они общаться на родном языке. С почтением относятся к культуре предков, носят национальную одежду, соблюдают и чтят традиции своего народа.  Их сердца и души навеки принадлежат тем местам, где они родились и выросли, где кочевали деды и прадеды.

Супруги Выучейские – люди, чья жизнь – пример служения любимому делу и родной земле.