Хэвхы округханана илена’’ нянэй ненэця’’ ӈацекыто’ е’’эмня сертабада’’ газетадо’ таня, тарця манзаям’ «Няръяна ӈэрм» нюбета газетахана манзарана’’ нина’’ пэрӈадо’. Ӈокавна ӈацекы’’ е’’эмня паднанадо’ Марина Яр нян’ тарця вади’’ мэ’’ӈась: – Маня’’ яханана хусувэй районхана, маркана нянэй ненэця’’ иле’’, ӈацекы’’ школахана тохолкурӈа’’, харто’ вадавнандо’ лахана’’, тоходана’’. Ӈокаюв’ ӈацекына сававна падна’’, паднаван’ харванар’ тянё вуни’’ӈа’’. Пыдо’ няна’’ паднасьты’’ – сочинениидо’ ӈэдтабсеты’’, стих’’ падыбасьты’’, тикахад’ падтавы’’ манзаидо’ тэврабсеты’’. Ӈацекына паднава серкана явлы! «Мынико» – тохолкода ненэй ненэцие’’ ӈацекэри’ е’’эмня ӈадиберӈа.
Маня’’ яханана тарця газетам’ сертабнана сава ӈэӈгусь, ӈацекыэ’’ паднада’’.