Ваеравы ирийхана Няръяна март’ ӈока’’ мядондина’’ турӈаць. Яндахат’ турта’’ хибяри’’ поӈгана хэвхы округхад’ «Вы’ сейм’» нюбета группа танясь. Ӈокханда таняна сидя юд’ мян хибяри’’ хыно’’ӈа’’. Пирибцяко’’, наныкоця’’ малӈэ’ вадамдо’ мэ’’ӈа’’.
Ӈопой тарця не нацекым’ лаханась ня’’аӈамась. – Мань’ Сэрне Вануйтадм’. Новый портхад’ ӈадм’. Теда Саля’ хойхана тохолкудм’, хоровое пение. Сё’’мэць тоходанадм’, няхарамдэй курс’ пэрӈам’.
Корр: Ханзер’’ тохолкурӈан?
– Саво’’. Теда ӈоковна ӈэдалёрӈадм’, теда тохолкурць нин’’ паепаӈгудм’. Си’’ив яля’’ ханта’’ӈа’’, тикад Яр’ Салян ӈани’ хантава’’. Сянако ялян’. Тикахана ӈани ялуни’ӈэдтаӈгун’. Пуна’’ ӈани тэватаӈгу’’ нини’’? Тикад’ тэтнаӈгудм’, тоходангум’.
Корр: Школана ханяна тохолкурцан’?
– Новопортовский школахана тохолкурӈамась, интернатхана илесада’’ма’’. Мань’ сини’ то’’олха’ ӈацекы’’ ӈока’’ва’’ я’ниня. Харни’ хой’ няд ӈадм’. Небями’ сими’ вадабись. Мякваханани’ самляӈг няками’, тет нябакоми’. Мал’’ хойхана мэ’’. Сими’ ӈэдтаць. Ма’’ним’: пыдхартар’ тохолку.
Корр: Ебцотакон’?
– Сямянд’ нюдям’, ебцотакодм’.
Корр: Ӈодьбянда ним’ харва’’ тоходанбат’ нерня?
– Ма’’ним: хой’ ня тось времяр’ пилибт’ танеӈгу.Теда, тоходан’. Мяканд’ ся’ харвялын’ тикахана тутанва’’.
Корр: Тохолкурма нянанд хурка?
– Тохолкурма’ саво’’. Тедахова тухудма’’, торомдавва’’. Тикахад’ нерденя похова ӈули’’ тоенась. Ханяӈэхэна тамна ими’ ядэрцеты: школахани’ хэбни’ сава ӈэбтав’? Тикахава сян’’ хэнакы, иры хая, сидя иры хэвакы? Тикад’ торомдавва, нини’’ торомдамва. Мам’: нямхэна мандархамаси: интернатхани’ хэбни саварха’.Тедахова, тэри’ саво’’. Тохолкорцюдамэ’’. Нини’’ тайна сими’ нядаби’’ма’’.
Корр: Сян ирий ваерась незеларкаӈэ нив’ хантан’? Торомданва’’, маля тамбирувна сёнзянд’ мюй мяканд’ харваӈгу вани’’?
– Ненся ӈод тарця. Теда маля торомдась, сацьри мякан’нидм’ ладар’’. Тохолкурӈадм’, ханяримна ӈэдалёрӈадм’. Мякани’ сяхари’’ хантадм’.
Корр: Няхар’’ по’’ маля тохолкурӈан’,хоян’ тэворцетын’, нянэй мякана мэ’’мар’’ таня’’?
– Хой’ ня каникулкана тэворцетыдм’. Тикад’ тедахова хой’ няна мэвами’ сабе яӈгу. Хардан’ хамб’’мадани’ мэсь. Каникулка хантадм’, сими’ луци’’ нени’ ӈэдтабто’ хантадма’’. Тедахова сабе харвабцода яӈгу. Мань’ пилю’’ӈав’ тамна, сырахава тецю’’ нив’ ӈань, хадда’’ я’’авлы’’ма’’. Хардана тэри’’ сава. Ибава’’. Хойхана идм’ хоць тараӈгува,пям хоць. Кор’’ пятамба тараӈгува. Тедахова тамна савава,станция’’ таня’’ма’’ хой’ няна. Иламдо’ паӈгалмлабидо’ хаця’’.
Корр: Пыдар’ теда «Вы сейхана» сё мэ’’ӈан, тикы сер’ ихинят хуркарха? Хибя группанда манзаям’ нерня пэрӈада, сидда ма’’лавэра хибя?
– Сидна’’ ма’’лавы Татьяна Нюдяхасавовна Лар. Ӈоб я’ терни’ ниним’ ӈа. Ӈобӈгуна,няни’ ма’’нив: тоин’, манэ’’ир’ хурка. Мам’: ӈэя, тобцакэдм’, манэцакэв’. Тикад’ хан’’ӈадм’, сян яля хаядм’. Пунахова’’, ими’ пои’’. Таня етри’’ ядэрӈадм’, етри’’ядэрӈадм’. Тедахова ими’ пили’’ тикы группахад’ , «Вы сейми’» пеляни’ то’’олха’. Етри’’, таня миӈадм’. Тикад’ небой по’ нидамзь’ ханас’’. Сельбя няна ӈань хаядм’. Теда Татьяна Нюдяхасавовнан маваць: призовой места таня’’. Ма’’нидум’: хумбаси’ нивава’’ ӈэдалёр’’. Тикад’, пыда ӈули’’ маймбива’’. Татьяна Нюдяхасавовнан’ ӈули’’ ӈарка вади’’ хэтгудм’ сяхаринда. Сидна’’ нерня пэрӈава’’, тохоламбива’’,вадам’ тидхалембива’’. Илдава’’ табедамби’’.
Корр: Ӈокада «Вы сейхана»?
–Хынотаӈэ’ таремӈгова ӈокава’’. Тарем ядэртаӈэ’ сиднтетва. Тайна’ тамна ӈанина’ ’таня’’ма’’, хаювына’’. Мат’’ сян нинакы ӈа’’? Группава ӈарка. Елена Хабиевна ӈань хэвханана ӈоб мэсьты. Сидна’’ тара’’тохолабгува’’, нерня ет’ пэрӈа’’, нянэвна сидна тара’’ тохолабгу. Пыда зарисовкам’ ӈамтабгува’’, ӈарка манзаяда ӈобтарем’ .
