Тюку ирий’ мат’’ яӈганя толыркана Санкт-Петеребург’ маркана Ӈэрм’ яхана, Сибирьхана, Дальней Востокхана илена’’ толыродо’ тянё ненэця’’ ӈани’’ Всероссийской этнодиктант’ падбиць.

Тарця диктант’ яханана’’ хари’’ вадава’’ нерня’ минрева’’, толыродо’ тянё ненэця’’ литературам’ толабась харвабцо’ танева е’’эмня, хуркари’’ тэнз’ вада’’ танева’’ ханярина муно’’ма е’’эмня хамадамбада.

Хусувэй по’ акцияхана ӈэрм’ тэнз’ ненэця’’ танесеты’’, мал’ пыдо ӈэрм’ я’ тер’’, тет ю’’ вадам’, диалект’’ мэта’’.

Мале’ ӈахакуд хусувэй по’ А.И. Герцен нювм’ нюбета университетхана ненэця’’ этнодиктант’ падбавась ма’’люрцеты’’. Тюку по’ таняна юркад’ вата хибяри’’ паднаць, тикы’ хавна харто’ илесь яханандо’ паднавы’’ хибяри’’ толыр’’ сян’ ёнар’’ ӈэсонд тэворӈась.

Институтхана манзарана’’ сидя ю’’ ӈопой вадавна падвы хамадаць, хари’’ соя’’ма я’’ нямна литературной, фольклорной произведенияхат’’ тэравыдонзь.

Университет ректор’ Сергей Тарасов тамбир’ тарана сер’’ ӈэбвандо’ мальӈгана тарця вади’’ хэтась:

– Лакривна маня’’ ӈарка юбилейм’ мэ’’ӈаваць, ӈэрм’ ненэця’’ институтана’’ 95 пода панысь. Маня’’ яханана’’ хусувэй тэнз’ мэта ненэця’’ культура сер’’ нерня’ мима е’’эмня ивъер’ тасалку’’. Ӈэрм’ яхана, Сибирьхана, Дальней Востокхана илена’’ толыродо’ тянё ненэця’’ вада’’ – маня’’ университетна’’ манзаравахана сава няд’’ма. Сян юд’’ по’’ ямбан маня’’ тохолкоди’’, хари’’ вадам’ нямна манзарани’’ хамадабива’’. Университетхадана’’ паднана’’, журналист’’, культуролог’’ тарпурӈа’’, хибяри’’, хуний тикы’ пуд культурамдо’ минре’’, ӈани’’ тэнз’ мэта хибярихи’ манэ’’лабтамбидо’, ӈани’’ яха’ тэврамбидо’.

Императрица Мария Фёдоровна нювм’ нюбета фундаментальной толаӈгобць’ харад залха’’на’’ яра’ ирий мат’’ яӈганя толыркана диктант вепс’, коряк’, манси’, ненэця’, туӈго’, нивх’, хаби’, ӈэбенк’, ӈэбен’, чукча’ вадавна’’ падабиць. Ӈэрм’ ненэця’’ институтхана, проспект Стачек, 30 мякана диктант нанай’, нганасан’, ороч’, тасу’ хаби’, ӈанохан’, удэгей’, ульча’, юкагир’, эскимос’ вадавна падабиць.

А.И. Герцен нювм’ нюбета университет Ӈэрм’ ненэця’’ институт’ нермбэртя’ Софья Урун тарця вади’’ хэтась, тюку по’ акцияхана паднавнда’’ е’’эмня экспертана’’ падвы Российской Федерацияна’ сидя ю’’ сидндет субъектан’, ханяна Ӈэрм’, Сибирь’, Дальней Восток’ толыродо’ тянё ненэця’’ иле’’, тэвыдаць.

Маня’’ округва’’ сидя ёнар’’ сидя ю’’ нябимдей поход Всероссийской акцияхана хусувэй по мэсеты.

Тюку по’ яханана’’ диктант’ самлязимдэймэвна падбидонзь, хари’’ вадавна ханзер’’ паднавамдо’ манэ’’манзь Центр’ развития образования хардахана хибяри’’ ма’’люрӈаць.

Акциям’ мэ’’мы’’ нина’’ теневана ненэцие’ паднана Прокопий Явтысый падвэвна манзаямдо’ падабиць. Падвым’ толамбавы Ольга Варницына, региональной центр’ развития образования методист.

– Маня’’ центрава’’ мале сян’ по’’ диктант падбава площадкаӈэ мэцетыва’’. Хибяри’’ телефон’’мана лаханасеты’’, пыдадо’ падбасеты’’, тикахад таславы яляхана тосеты’’. Тюку по’ тамна сян’ площадка’’ танець, Ома’, Красной’, Нельмин Нос’ ӈэсыхы’’на’’ нина’’ паднаць, Ӈэрм’ ненэця’’ институт’ няюв пыдо’ ирт манзаравамдо’ минредонзь. Ӈэсыхына тоходанана’ хавна диктант’ падабаванзь, харвана’’ ӈарка хибяри’’, ӈацекы’’ небя’’, нися’’ турӈаць, – Ольга Ивановна мась.

Всероссийской этнодиктант’ Россиянана’’ харто’ яханандо’ соявы’’, илена’’ хибяри’’ международной ю’’ пон’, хари’’ вада международной ялян’, хуний яра ирий’ сидя ю’’ нертей яляхана мэцетыва’’, танеда программан’ паклевы сер.

Тарця акциям’ Ассоциация коренных малочисленных народов Севера, Сибири и Дальнего Востока, толыродо’ тянё ненэця’’ хари’’ вада’, литература’ тохолкоди’’ Ассоциация’, ФГБУ «Дом народов России» ӈобнзер’ хамадавы’’ сер’’.

Перевод на русский язык

Родной язык – душа народа

Всероссийский этнодиктант на языках коренных малочисленных народов Севера, Сибири и Дальнего Востока стартовал 16 февраля в Санкт-Петербурге.

Диктант проводится с 2017 года с целью популяризации родных языков, повышения интереса к литературе коренных малочисленных народов, а также сохранения языкового многообразия страны.

Каждый год акция собирает тысячи участников практически из всех регионов проживания малых народов Севера, охватывает более 40 языков и диалектов.

Педагогический университет имени А.И. Герцена не первый год является региональной площадкой этнодиктанта. В этом году очными участниками мероприятия стали более 100 человек, число участников в регионах достигло нескольких тысяч.

Специалисты вуза подготовили тексты на 21 языке, в основу легли литературные и фольклорные произведения, посвящённые теме малой родины.

Выступая на открытии важного события, ректор университета Сергей Тарасов подчеркнул преемственность традиций университета:

– Недавно мы отметили юбилей уникальной структуры – 95-летие Института народов Севера. Это говорит о том, что страна уделяет очень серьёзное внимание развитию национальных культур. Языки коренных малочисленных народов Севера, Сибири и Дальнего Востока – это то, что поддерживает наш университет. На протяжении многих десятилетий мы готовим преподавателей, специалистов в области коренных языков. Из стен нашего университета выходят писатели, журналисты, культурологи – люди, которые несут эту культуру, что важно не только для сохранения, но и для представления другим народам нашей страны и всему миру.

В залах фундаментальной библиотеки имени императрицы Марии Фёдоровны 16 февраля писали диктант представители вепсского, корякского, мансийского, ненецкого, долганского, нивхского, хантыйского, эвенкийского, эвенского, чукотского языков.

В здании Института народов Севера на проспекте Стачек, 30 провели диктант на нанайском, нганасанском, орочском, сулькупском, саамском, удэгейском, ульчском, юкагирском, эскимосском языках.

По информации директора института народов Севера РГПУ им. А.И. Герцена Софьи Урун, отобранные экспертами тексты для участников акции были разосланы в 28 субъектов Российской Федерации, где проживают коренные малочисленные народы Севера, Сибири и Дальнего Востока.

Наш регион – постоянный участник Всероссийской акции с 2022 года.

В этом году в Ненецком автономном округе диктант писали в пятый раз. Чтобы проверить свои знания, в Центре развития образования собрались люди разных возрастов и профессий.

Участники акции 2026 года писали работу по рассказу известного ненецкого писателя Прокопия Явтысого. Текст читала Ольга Варницына – методист регионального центра развития образования.

– Не первый год наш центр становится одной из площадок для написания диктанта. Люди звонят, записываются заранее – и приходят в назначенный день. В этом году дополнительные площадки работали напрямую с Институтом народов Севера в сельских школах – в Оме, Красном, Нельмином Носе. Вместе с учащимися в диктанте участвуют родители и все, кто пожелает, – поделилась информацией Ольга Ивановна.

Всероссийский этнодиктант входит в план основных мероприятий по проведению в России Международного десятилетия языков коренных народов и приурочен к Международному дню родных языков, который отмечается 21 февраля.

Акция проводится Ассоциацией коренных малочисленных народов Севера, Сибири и Дальнего Востока в партнёрстве с Ассоциацией преподавателей родного языка и литературы КМНСС и ДВ и ФГБУ «Дом народов России».