Маня’’ яханана’’ мале’ по’’ ямбан’ округна’’ этнокультурной центрхана «Мел’ не’’» – тарем’ нюмдевы народной клубхана манзара’’

Таняна ма’’люрта’’ не’’ хари’’ ӈудидо’ мэць хуркари’’ паской ӈавори’’ сэдбась тоходана’’, ханяӈыдо’ мале’ ӈахат мел’’мана сэдорана’’ не’’. Пыдо’ хуркари’’ паской манзаи’’ сэдаби’’, ӈока выставкаха’ ӈани’’ ян’ тэвормадо’ танесеты’’.

Тарем’ ваеравы ирий’ пудана яляха’’на’’ «Мел’ не’’» клубхана сэдорана няхана’’ Людмила Лаптандер, Ольга Латышева сян’ ялямди’ Рязань маркана мэ’’ӈэдись.

Тикы маркана няхарамдэй Всероссийской фестиваль « Кукла в традиционном костюме» манзаямда минресь, тикы мар’’ хуркари’’ паны’’ сэдбава серкана нерняна миӈа.

Тикы’ хавна маркана мядондито’ е’’эмня хамадавы сидя выставка’ манзараӈаханзь:  музей-заповедникхана «Рязанский кремль»,  областяндо’ центр народного творчества мякана, тамна хуркари’’ мастер – класс’’ танець.

2025 похона хамадавы мероприятиемдо’ Рязанькана илена’’ Поленов’ нювм нюбета народной творчество хардандо’ 110 пон’ хамададонзь.

Тарця ма’’лёвадо’ яханандо хусувэй самляӈг по’’ ваерась сертабасетыдо, таняна мел’’ хибярито’ самляӈг по’’ ямбан сямянд сомбовна, паскоювна сертавы’’ ӈухуко’’ – кукла’’  манэ’’лабтабасеты’’.

Тюкумэвахана Рязаньхана сямянд мел’’ хибяри’’ ма’’люрӈаць, няхар’’ юр’’ мастер’’ манзаидо’ тэвравыць.

Ӈокханда выставкахана си’’ив юр’’ ёнаркад вата ӈухуком’ манэ’’лабтабиць, Россияна’’ тет ю’’ самляӈг регионхад товы’’ хибяри’’ манзая’’.

Мел’’мана манзарана’’ хибяри’’ пудана самлянг по’’ ямбан  сертавыдо’, тодо’ яхат’’ товы’’ хибяри’’ харто’ яханандо’ сертабада, харто’ яндо’ мэта ембдярка’’ ембпы’’ кукла’’-ӈухуко’’ тэвравыць,  ӈухуко’’омна’’ сэдорана’’ хибяри’’ декоративно-прикладного творчество’ ханярина тане.

Тамбир’ ӈока, сян’ тэнз’’ ӈухуко- кукла’’ маниесь, яндахат товы’’ хибяри’’ пысаць. Тарця выставкам’ маниесь хибяри’’ маймбиць.

Маня’’ няхана’’ Людмила Лаптандер, Ольга Бобрикова хусувэй площадкахана манзараӈаханзь. Людмила Васильевна тарем’ нюмдевы  «Актуальные проблемы бытования традиционной куклы и куклы в традиционном костюме в современном культурном пространстве России» научно-практической конференцияхана лаханась.  «Опыт актуализации традиционной ненецкой куклы «Нухуко» в деятельности этнокультурного центра Ненецкого автономного округа» докладм’ тэврась.

Ольга Бобрикова выставка – ярмаркахана ивъер’ манзарась мастер-классм’ манэ’’лабтамбись. Хэвханда турта хибярихи’ненэцие’ сянаку’’ нямна вадамда хэтамбись, хибяри’’ няюв мастер-классхана ӈухуко’’ сэдабиць.

Тюкумэвахана Рязанькана ӈока хибяри’’ ма’’люрӈаць, хусувэй яхад сян’ тэнз кукла’’ тэвравыць, хусувэй мел’’мана сэдорана хибяри’’ манзаидо’ няхататто’ яӈгаць. Мел’ хибяри’’ яханана’’ ханярина иле’’, ихина сомбой, паской манзаи’’ сертамби’’.

Фестивалян’ тэвормамди’ маня’’ няхаюна’’ тарем’ ваде’’ӈади.

– Мань мале’ ӈахакуд’ ӈухуко’’ сэдабидм’, «Мел’ не’’» клубан’ ядэрӈадм’. Ӈухуко’’ фестивалян’ нертеймэвна тэворӈадамзь, хуркари’’ мел’’ хибяри’’ таняна ма’’лыць, манзаидо’ манэ’’ӈадамзь. Мал’ манзая’’ няхататто’ яӈга, мэкад, паской. Саць сава. Тарцям’ маниесь, нерня’ сэдорась харвабцом’ тэврамби, несэй ӈамгэм’ сертаван’ харвадм. Тарем’ӈэдалёрма саць тара’’ -  Ольга Бобрикова мась. .

- Фестиваль’ сава ихина ваерась, хибяри’’ няхато’ маймбиць, мядондаха’’на’’ ӈэрм яхад тэвравы’’ манзая’’ мэкадаць, харвась мастер-классхана ӈухуко’’ сэдабиць. Сянакудо’ харто яхандо’ ханэйдось. Этнография, кукла’’ нямна лекция’’ танець, таня тэворӈанись. Ӈани’’ я’ тер’’ культура’ нямна несэй вади’’ намданись – тарця и’’ӈутм’ Людмила Васильевна хэтась.

Перевод на русский язык

Наши мастера в Рязани

Члены народного клуба «Мел’ не’’» Этнокультурного центра НАО Людмила Лаптандер и Ольга Бобрикова несколько дней провели в Рязани.

Известные в регионе мастерицы стали участниками III всероссийского фестиваля «Кукла в традиционном костюме».

Знаковое событие традиционно проводится один раз в 5 лет, здесь можно созерцать лучшие творческие работы мастеров, работающих в жанре традиционной и авторской куклы.

Мероприятие 2025 года приурочено к 110-летию Дома народного творчества имени Поленова.

На этот раз лучшие из лучших собрались в городе, который издавна славится богатством традиционного костюма.

На выставке представлено более 700 кукол из 45 регионов России – свои работы привезли 300 мастеров. Они продемонстрировали работы, созданные за последние пять лет, отражающие новый виток развития в сфере кукольного и традиционного костюмного искусства, популярного и перспективного направления декоративно-прикладного творчества. Подобное событие поразило количеством участников, разнообразием представленных работ и, несомненно, вызвало интерес у специалистов и широкой публики.

Для гостей работали выставки в музее-заповеднике «Рязанский кремль» и в областном центре народного творчества, а также были организованы мастер-классы.

Наши мастерицы были задействованы на всех площадках фестиваля. Людмила Васильевна стала участницей научно-практической конференции «Актуальные проблемы бытования традиционной куклы и куклы в традиционном костюме в современном культурном пространстве России», выступила с докладом «Опыт актуализации традиционной ненецкой куклы нухуко в деятельности Этнокультурного центра Ненецкого автономного округа».

– Доброжелательная обстановка, гости проявили большой интерес работам северных народов, с желанием шили себе нухуко на мастер-классах. Также программа фестиваля была дополнена лекциями ведущих экспертов по кукольному делу и этнографии, это позволило нам глубже погрузиться в мир народной культуры, – поделилась мыслями Людмила Васильевна.

Ольга Бобрикова активно проявила себя на выставке-ярмарке достижений российских мастеров народной куклы. Рукодельница из НАО представила демонстрационный мастер-класс по изготовлению традиционной ненецкой куклы нухуко.

– Я давно увлекаюсь шитьем ненецких кукол, посещаю клуб «Мел’ не’’». Впервые побывала на большом фестивале кукол, убедилась, насколько талантливы народы нашей большой страны, сплочённые единым делом. У каждого народа свои
куклы и это здорово. Конечно, такие поездки вдохновляют нас, мастеров, на новые идеи, на более широкое творчество, – поделилась впечатлениями Ольга Бобрикова.

Экспозиции фестиваля декоративно-прикладного творчества мастеров России поразили посетителей разнообразием представленных кукол. Работы, выполненные в различных техниках и стилях, отражающие особенности традиционных костюмов разных регионов России, были безупречны. Организаторы выставили на показ как классические образцы, так и современные интерпретации, поражающие воображение своей красотой и мастерством исполнения.