Тюку по’ нерняна товнда ирийхана Антон Петрович Пырерка’ юр’’ сидя ю’’ помда’ ядабтаӈгува’’, округханана’’ яндахана иленаӈэ’ теневана’’ нямва’’ темзебтембива’’. Пыда иланда’, сертавы’’ манзаита’’ нямна лаханакурӈава’’.

Ненэцяӈгат’ нертей учёнойва’’- лингвист, переводчик, фоклорист, паднана.

Илда’ ямб нись’ ӈа’’, 1905 по’ ӈарка пэвдэй’ ирий 5 яляхана соявы, 1941 похона хор’’ ирий’ 15 толыркана яӈгумы. Тарем’ ӈод’’ пуданда хаевэда ӈока’’, сехэрэда лата.

1932 поход А.П. Пырерка’ пыда ненэця’’ паднава серм’ ӈадимдембада хибяри’’ поӈгана манзаравы, ненэця’ ӈацекы’’ тоходанава серкана тарана учебник’’, пособия’’ сертабавы. Пыда луца’ вадахад хари’’ вадаханда А.С. Пушкин падвы вадако’’ сертавы, ненэцие’ фольклор’’ –вадако’’, сё’’ ӈобня’ ма’’ламбавы, сборник’’ сертавы. Тамальӈгана, сайнормась хэванда нерцю, харта илеванда’ нямна «Младший сын Вадо» книгам’ падвы, тикы книга’ няна’’ валакада 1960 похона тарпыць.

Пухуцянда’ Наталья Терещенко’ няюв ниди’ нядабахая’ луца’’- ненэця’’ вада’’ словарьм’ сертабавэхэ’, учебникмана’’ ӈобкана манзаравэхэ’.

Тарем’ ӈэсь илда’ ӈани’ сер’’ сюрхалмыць. Ӈарка сайнорма’ яхана’’ тэвыць, Антон Петрович Пырерка’ хэвняхат’’ товэхэт’’ ява’’ нэкалпавась сайнормась хэвась. Таняна 1941 по’ хор’’ ирий’ толыркана Ленинград мар’’ хэвхана Стрельна станцияхана яӈгумы.

Сяӈок хибярим’ тенер’, те’ ёльцянд тенда’ иле. Ненэцие’ ӈарка учёной’ юр’’ сидя ю’’ пом’ ядабтавана’’ сер’’ яханана’’ хуркари’’ мероприятия’’ хамадавы’’, ханяна Антон Петрович Пырерка’ ил’, манзарава’ нямна вада’’ со’’.

Тарця сер’’ нертейӈэ’ пявы’’ А.И.Пичков’ нювм’ нюбета Ненэцие’ ценртальной библиотекава’’. Тикы нямна вадам’ отдел’ Севера ервота Зоя Ивакилева хэтась:

– Антон Петрович Пырерка’ – ӈарка хибяри, теневана учёной’, нянэй ненэць, илда’ мер’’ нылёвы. Тюку яля’’ пиркана теневана ӈарка яна’’ тер’ няна’’ соя’’ма ялям’ мэ’’ӈава’’, нява’’ тензебтембива’’, хунярина ма’’лёва’’ ваераӈга’’, выставка’’ хамадавы’’. Ӈацекы’’, ӈарка хибяри’’ е’’эмня хуркари’’ мероприятие’’ сертамбива’’.

Тюку по’ отдел Севера’ мякана история’ нертей урокан’ А.П. Пырерка’ нювм’ нюбета Ненэцие’ школахана тоходанана’’ӈацекы’’ тоць. Толаӈгова’’ хардахана манзарана’’ учёнойна’’ ил’ нямна школахана тоходанана’’ ӈацекэхэ’ вадидо’ тэвраць, ӈояк’ сертавы манзаита’’ книжно-иллюстративной выставкам’ «Пыреркахат нэда ненэць. (Туда ни хабтёд)» манэ’’лабтаць. Тарця выставка Антон Петрович хасава ню’ Валерий Пырерко падвы книга’ нюм мэ’’ӈа’’.

Тикы’ хавна ӈацекэхэ’ Антон Пырерка ненэця’’ вадан’ сертавы паднана’ Александр Пушкин’ вадако’’ -книга’’ манэ’’лабтаць. Тарця книга’’ – «Сказка о рыбаке и рыбке», «Сказка о попе и его работнике балде», «Сказка о царе Салтане».

Яханана’’ Антон Петрович Пырерка, ил’, манзарава’ нямна хамадавы’’ мероприятие’’ тама сидя си’’ив яля’’ ямбан’ таневнда’’.

Школахана тоходанана’’ ӈарка ӈацекы’’ «Младший сын Вэдо» книгавна’ интеллектуальной сянаковахана мэвнда’’.

А.П. Пырерка’ нювм нюбета ненэцие’ школахана «Пыда нюмда’ школава’’ мэ’’ӈа’’» проект’ пыдась, ӈани’’ мероприятие’ ваерась.

Ненэця’ вада тохолкода Матрёна Ивановна Талеева’ хари’’ вадавнанда лаханась, школахана тоходананаха’ яндахана теневана яна’’ тер няна’’ ил’ нямна вадамда мэ’’ӈась.

– Антон Петрович Пырерка’ ӈарка яна’’ хойхана 1905 похона ӈарка пэвдэй ирий’ 5 яляхана соявы. Соя’’манда ёльцяӈгана небяда, нисяда хасава нюкцямди’ Сяратиӈэ нюмдевэдись, харта паӈгхата, мята’ терхат’’ перена хибяри. Ӈацекы’’ небя, нися мер’ яӈгумэхэ’, Антон Еванем’ нюбета не нянда ня Ёкушахана хаювэхэ’, ӈока маем’ манэ’’мэхэ’. Сянӈгуна Оксино’ ӈэсы’ тер ёртя сидди’ сэвтэвы, ӈацекы мяканда тэвравыда.

Тикы пуд’ Антон Тельвискахана церковно-приходской школахана тоходанась пявэдась, тохолкова сер’’ ёльце харвабвэда, хусувэй несэй ӈамгэм’ тохолабава ивнанда ӈэвы.

Антон Петрович илевада сибиць нись’ӈа’’, нюдякоходанда хусувэй тоенана серм’ пирдалебась тухувы хасава, выдаварам’ ехэрась.

Тикахад илебэй хасава тоходанаванзь Ленинградан’ хаясь, 1932 похона аспирантуран’ тэвыць. Ӈокавна манзаравы ненэць, ӈарка теневана учёнойӈэ хаясь. Ленинградхана пухуцянда’ ня илесь. Пыди’ сидя хасава нюдись – Борис нябю Валерий. Антон Петрович сайнормась хаясь, таняхад нись’ ту’’, Ленинград мар’’ хэвхана 1941 похона яӈгумы. Яна’’ тер няна’’ 35 подась. Нява’’ пыдась ӈацекы’’ нерняри’ миӈа’’.

Тарця ненэць яханана соясь, манзарась. Тенева’’.

Перевод на русский язык

Его огонь не погаснет…

В НАО накануне 120-летия Антона Петровича Пырерки проводятся мероприятия, посвящённые жизни и творчеству ненецкого учёного.

Первый ненецкий учёный, лингвист, переводчик, фольклорист, литератор – он прожил короткую, но яркую жизнь (7.12.1905 – 15.10.1941), оставил богатое наследие…

Начиная с 1932 года, А.П. Пырерка – один из разработчиков ненецкой письменности, автор учебников и пособий для ненецких детей. Он первым перевёл на родной язык произведения А.С. Пушкина и подготовил несколько сборников ненецкого фольклора. Тогда появилась на свет его автобиографическая повесть «Младший сын Вэдо», которую автор написал до войны, а вышла она в свет лишь в 1960 году.

Вместе с супругой Натальей Терещенко активно работал над составлением русско-ненецкого словаря, продолжал работу над учебниками.

Но судьба сложилась иначе. В годы Великой Отечественной войны Антон Петрович Пырерка ушёл добровольцем на фронт, встал на защиту Родины и погиб 15 октября 1941 года на станции Стрельна, под Ленинградом.

Память о человеке жива, пока помнят о нём. Накануне 120-летия ненецкого учёного в регионе повсеместно проводятся мероприятия, посвящённые жизни и творчеству Антона Петровича Пырерки.

Первыми их открыли сотрудники Ненецкой центральной библиотеки имени А.И. Пичкова. Об этом рассказала заведующая отделом Севера Зоя Ивакилева:

– Антон Петрович Пырерка – знаменитый человек, известный учёный, ненец по происхождению, очень рано ушёл из жизни. В эти дни мы широко отмечаем юбилей великого земляка, вспоминаем его, проводим встречи, подготовлены выставки. Проводим мероприятия для детей и взрослых.

В этом году на урок истории в отдел Севера первыми пришли учащиеся Ненецкой школы имени А.П. Пырерки. Специалисты библиотеки познакомили школьников с биографией учёного, показали богатую содержанием книжно-иллюстративную выставку «Человек из рода Пырерка (его огонь не погаснет)» – «Пыреркахат нэда ненэць (Туда ни хабтёд»), которую назвали как одноимённую повесть автора Валерия Пырерки – сына Антона Петровича.

Также ребятам продемонстрировали редкие экземпляры книг – переведённые на ненецкий язык сказки Александра Пушкина «Сказка о рыбаке и рыбке», «Сказка о попе и его работнике балде», «Сказка о царе Салтане».

Мероприятия, посвящённые творчеству и жизненному пути Антона Петровича Пырерки, продолжатся в библиотеке до конца месяца. Старшеклассники примут участие в интеллектуальной игре по книге «Младший сын Вэдо».

И в Ненецкой школе имени А.П. Пырерки, в рамках проекта «Его имя носит наша школа», также прошло мероприятие.

Учитель ненецкого языка Матрёна Ивановна Талеева на родном языке обратилась к школьникам и вкратце познакомила ребят с биографией знаменитого земляка:

– Антон Петрович Пырерка родился в Большеземельской тундре 7 декабря 1905 года. При рождении родители дали ему ненецкое имя Сярати, что означает быть привязанным к своему роду и семье. Но родители
рано умерли. Антон и его маленькая сестрёнка Еване оказались в деревне Ёкуша. И всё же мир не без добрых людей, встретился на их пути рыбак из Оксино и взял детей на постой в свою семью.

Затем Антон на отлично учился в церковно-приходской школе в Тельвиске, очень нравилось ему овладевать новыми знаниями.

Жизнь Антона Петровича не была лёгкой, с детства, преодолевая множество жизненных трудностей, он не сдавался. В юности поехал на учёбу в Ленинград, в 1932 году был принят в аспирантуру. Много работал и стал известным учёным. В последующие годы вместе с женой жил в Ленинграде. У них было два сына – Борис и Валерий. Но война не обошла стороной их семью. Всего 35 лет отмерила судьба ему, сыну ненецкой земли.

В память об Антоне Павловиче Пырерке в Нарьян-Маре названы улица и школа-интернат.

Он – яркий пример для поколений.