Вэба ирийна тетимдей яӈганя толыркана Россияна илена’’ хибяри’’ тэранзёва’’ ялям’ мэ’’ӈаць. Маня’’ округханана ӈод хаювы ныланава яляхана тэранзюваць. Тюку’ по’ маня’’ яханана илена’’ хибяри’’ округна ӈэвахана мэнадава, округна депутатха’’, тикахад’ Заполярный районна’ Советхана манзаравндаха’, маркана иленаӈэ’ Няръяна маркы Совет’ депутатӈэ’ таравнди’ тэрабиваць. Тикы’ хавна округна ханяӈы’’ ӈэсыхына Советандо’ ӈэвахана мэнадамдо’ тэрабиць. Ваеравы теранзёвахана Коткинохона, Бугринохона, Амдерманаха илена’’ хибярина тэранзюць. МО «Рабочий поселок Амдерма» ӈэвахана мэвндам’ сиднтет хибярид’ тэрабиць, Коткино’ ӈэсыхына си’’ив хибярит’ ӈопойдо’ тэрась тарась, Холговхана ӈобтарем си’’ив хибяри’’ тюку’ мэвахана ӈэсындо’ервӈэ’ хэван’ харвавыць. Тикы’ хавна Бугринохона МО «Колгуевский сельсовет» депутатха’’ тэрабиць.Коткино, Амдерма, Бугрино ӈэсыхына несэй хибяри Советандо’ манзаравась тута’’. Хибя’’, нюбедо’ ӈани’ мэвна падгуна’’.
