Подведены итоги литературного конкурса Ассоциации коренных малочисленных народов Севера, Сибири и Дальнего Востока

Работы победителей будут опубликованы в четвёртом сборнике произведений «Голос Севера». Это история народов, которую пишут носители родных языков.

Литературный конкурс – флагманский проект ассоциации, яркое творческое событие в жизни сообщества КМНСС и ДВ РФ, позволяющее сохранять и развивать литературу народов Севера, поддерживать начинающих авторов, пишущих на родных языках. Это один из способов сохранения литературной самобытности коренных малочисленных народов.

Среди финалистов конкурса – Надежда Салиндер. Надежда Сергеевна – представитель ненецкого народа, живёт и трудится в посёлке Тазовском Ямало-Ненецкого автономного округа. Родилась в семье оленевода-рыбака. В детстве долгими вечерами дедушка шаман рассказывал сказки, пел песни, знакомил внучку с национальным наследием своего народа, а маленькая Надя впитывала родную культуру буквально по крупицам.

Писать стихи начала во втором классе. Бросала, потом снова начинала творить. После замужества уехала в тундру и пятнадцать лет кочевала по родной земле. За повседневными заботами не забывала о своём увлечении, находила время для творчества, в которое вкладывала свои мысли, сомнения. В своих произведениях она размышляет и восхищается, грустит и надеется…

В декабре 1996 года наша героиня стала участницей международной конференции писателей Севера в Салехарде. Это мероприятие и определило её дальнейшую жизнь. Семья Надежды вернулась к поселковой жизни, там она серьёзно занялась писательской деятельностью.

Надежда Салиндер – известный писатель, хранительница ненецкого фольклора, мастер декоративно-прикладного творчества, увлекается художественным творчеством. Все её произведения посвящены жизни своего народа, его самобытной культуре и неповторимым традициям и обычаям жителей тундры. Её первая книга издана в 2000 году. Каждое литературное творение – открытие перед читателями внутреннего мира ненцев, рассказы о быте и взглядах земляков на различные жизненные события.

Финалист литературного конкурса и по сей день продолжает активную творческую деятельность, и это не только рассказы и песни. Когда просит душа – она рисует. В её картинах недопетая в стихах и песнях любовь к своей земле и народу, восхищение северным пейзажем. Все работы талантливого человека основываются на самобытной ненецкой культуре, богатейшем фольклорном материале. В них природа оживает, наполняет души читателей светом. Легенды, услышанные от старожилов в чуме, Надежда Салиндер переводит на русский язык, публикует в журналах и книгах.

Перевод на ненецкий язык

Ӈэрм вабц – ненэця’’ вабц

Толыродо’ тянё ненэцие’’ Ассоциацияна’’ манзарана’’ мале сидя ёнар’’ си’’ивумдэй яӈганя поход паднана’’ ненэця’’ е’’эмня литературной конкурс’ сертаби’’. Хусувэй сидя по’’ ваерась танесеты.

«Ӈэрм вабц» – Ассоциация’ проект, ӈэрм’ яхана илена’’, харто’ вадавнандо’ ӈахакуд’ паднана’’, тандая паданава серм’ хорпада хибяри’’ нядабава е’’эмня ӈадимдевы конкурс. Тарця серкана ӈэрм’ ненэцие’’ литературам’ лэтрабидо, тю’’у пэрӈадо.

2023 похона тетимдэймэвна тарця паднана’’ конкурс’ ваерась. Хуркари’’ тэнз’ мэта хибяри’’ таня падвы манзаидо’ тэвраць. Тюку по’ ненэця’’ падвы’’ манзая’’ книгаӈэ ӈадимяць. Несэй ӈадимы «Ӈэрм вабц» нюбета книга’ презентация’ нара някуна Москва маркана ваерась. Конкурсхана нердевы паднана’’ мядонзэй, диплом ня’’амаць.

Пудана ӈадимы книгахана хуркари’ ӈэрм’ я’ тер’’ ненэця’’, нянэй ненэцяӈгат сидя нява’’ Таймыр’ нана илена Роза Ядне, нябиюм’ Надежда Салиндер Ямал’ тер’’.

Надежда Сергеевна Салиндер, нянэй не, Ямалкана Тазовский ӈэсыхына иле. Пыда «Почётный граждан Тазовского района ЯНАО» нюв’ минрена, мастер декоративно-прикладного творчества, паднана, фольклорм’ ма’’ламбада, хынокад не, падтаӈгода, ханяӈы книгида’ харта падтавыда, тикы’ хавна пыда краеведение, родной язык урок’ методической разработка’’ падвы, тарця манзаявнанда округандо’, районандо’ школахана ӈацекы’’ тохолаби’’.

Надежда Сергеевна Салиндер мат ю’’ хасую’’ пода, пыда хойхана мюсерта ненэця’ мякана соявысь. Нисяда тыбэрта, халедана ненэць ӈэвысь. Хэвханандо’ табидя ирида илевысь, хынокад, лаханако’’ теневана, невхы илм’ тенена ӈэвысь. Надежда нюдякоходанда иринда’ хэтна’’ми ихинда паклембидась. Вадёванда сер’’ ӈока теневанида падарт’ падабида.

Нертей стихда’ нябимдей классхана тоходанаванда мальӈгана мале падавыдась. Школамда ёльце’’махад хоян’ хэвысь, таняна самляӈг яӈганя по’’ ямбан вымна мюсермысь. Таняна хаюпа хэвысь, нюда’’ соявыць. Хойхана илеванда ёльцяӈгана ӈока мяд’ манзаита’ поӈгана ивнанда ӈэда’’ серта – паднавамда нивэдась хае’’. Хой’ илм’ падарт падбасеты, хынокад ненэцие’’ сё’’ ма’’ламбасеты, паской янда нямна ибедорцеты.

1996 по’ ӈарка пэвдэй ирийхана Салехардахана ӈэрм’ паднана’’ международной конференция’ манзаравысь, таня Надежда Салиндер еримысь. Таняхад то’’омахаданда ивъер’ паднась пядась. Хой’ иламда хаесь, мяд’ терсавэй Тазовскоян’ илелъяць.

Нертей книгада 2000 похона ӈадимясь. Хусувэй манзаяхананда ненэця’’ илм’ манэ’’лабтамби, паской выӈгы’ янда’ нямна лахана, ненэцие ил’ мэсым падаби.

Пудана ваеравы « Ӈэрм вабц» конкурсхана нердевы паднана теда’ ӈод’’ ӈопой яхана ни’’ хасена’’, сертабадада тянё ни’’ӈа’’. Хойхана мюсерманда ёльцяӈгана ӈарка ненэцяӈгат’’ намдвы невхы сё’’ падарт’ падабида, ненэця’ вадахат луца’’ вадан’ пэръяда. Сертавы манзаида журналка’’на’’, сборникха’’на’’ ӈадиберӈа’’, едэй книга’’ падаби’’.

2023 похона ваеравы «Ӈэрм вабц» конкурсан’ Тазовский районхана илена, манзарана нява’’ «Падко» падвэмда тэвравысь, тикы манзаянда пелям’ толада’’.

Паднава

Падко

Ӈопой пухуця иськабтада нюнда’ ню танявы. Манзаямда сяхаӈгарт сававна нивэда сертабю, етри’ паромбавы.

Хадада итамда’ хосая ӈэдабтавэда. Не ӈацекы иканя хаер’’ ялям’ манэць серода’’ юрыда, сянакурць пэй. Лярсам’ манэ’’ӈа, лярсам’ сянакуць пя. Хаданда’ нямна юра. Хаданда тёрхад ита’ нямна идя хамы.

Сабадамда малаванзь хэванда’ мальӈгана ӈани’ юра хаданда вадахад. Пыда сэбад мядм’ сертаби, тумэ маламби. Хаданда пядамда ӈатевахад ӈули’’ юра.

Хадаюм’ ненюмда пена’’ мэядамба, хоба’’ сэдыба тохоламба хорӈада, не ӈацекэюм’ ӈани’ сававна пена’’ нида мэядамбю. Талбэйӈэ пена’’ хаебида, тадтикахад пин’ хунорӈа. Сэдораван’ ӈани’ ни харва.

Хадаюм’ идя ядерӈа, ханзер ненюмда’ манзара тохолабта сава ӈэдакы. Та’ ёльцяӈгана тарем’ таслада. Хан’ мюд сомбой падком’ нэкалӈа. Падко’ мюня мадавэсавэй сомбой пива’’ ӈэвы’’, ненюнда пиваӈэ сюрпавыда’’. Пибида нэкалъяда, пуркубтад’ ӈыл сюръяда’’, падконда’ мю мэядавы пена’’ пакалӈа. Ненюнда пихид томахад, пухуця’ хэвханда’ ма:

– Мань сомбой падкоми танява. Сомбовна манзь, падко едэй сомбой’ мэта ӈавори тамби. Тикы е’’эмня вада’’ тохола тара’’, тикы вада’’ нензел вада’’ ниӈа’’. Вэнзер тохолабат’’, вадид вэнзер хэтбат’’, падко ӈамгэхэртм’ ни тат. Ӈудар падко’ мю паклед’’, ӈамгэм’ хон?

Не ӈацекы ӈудамда пад’ мю пакледа, мэядавы пена’’ нэкалӈа. Не ӈацекы ида хэбилей’’, ма:

– Тюкуд яландо’ пенаню, пива’’ ханяна ӈа’’?

Хадада нянда’ ма:

– Нерде вади тохолабат тара нив. Сававна тохолабат, ӈамгэхэвм’ падко тата. Няни инзеле, пумнани вади хэтабю…

Тюку лаханако малда ни’’на’’. Хурка вади хадада хэтавы тикым’ «Голос Севера» тетимдей сборникхана хоӈгура. Хибя харвана, толаӈгуда...

Надежда Салиндер