Тохолкода’’ манзаядо’ тарця, пыдо’ илевандо’, манзаравандо’ ямбан харто’ тоходансеты’’. Ханяӈы’ мэвахана Няръяна март’ тоходанвась ма’’ласьтыд, ханяӈэна тамна хуркахова март’ тоходанвась хэсьты’’.

Хор’’ ирийна сидя ю’’ самлязимдей толыркана маня’’ округханана манзарана’’ тохолкода’’ Ӈысма’ республикан’ ӈэдалэйдаць. Тикы я’ еркы маркана Сыктывкаркана тохолкоди’’ семинар’ ма’’лаць. Тарця ма’’лёва Ӈысма’ яхана хусувэй по’ танесеты. Тюку по’ международной конференция’ таремъв’ нюмдевы – «Родной язык в современных условиях двуязычия». Таняюв’ сян яля’’ манзаравась ханярид’ товы’’ тохолкода’’ ма’’лэйдаць. Мурманской областьхад, Удмуртияхад, Мари Элхад, маня’’ округхадана товы’’ тохолкода’’ таславндадо’ тянё ни’’ӈа’’.Сертавнда программадо’ маля ӈарка. Ханзер школахана, детский садхана финно-угорский тензхад’ перена’’ харто’ вадахандо’ ӈацекыдо’ тохоламбидо’? – тикы нямна лаханава’’ хамандавы’’. Сыктывкар’ маркана манзарана’’ тохолкода’’ манэ’’-лабтаӈгудо’- ханзер’ сидя вадам’ мэта ӈацекыто’ няюв урокхана манзара’’. Садикхана мэна’’ ӈацекыто’ няюв манзаравам’ манэ’’лабтаӈгу.

Тикахад’ сюртяв’ стол тяхана ӈамдёсь нерня манзараван’ ӈобкана таслабгу. Тамальӈгана учебник’’ падбада’’ хибяри’’ ассоциациям’ сертавам’ манэ’’сарта’’, ненэцие’’ вада нямна ӈод’ тасалкода’’. Тарця конференцияна маня’’ округхадана тюку’ мэвахана Усть- Карахана манзарана’’ нина’’ манзара’’. Марина Григорьевна Хатанзейская, школандо’ ервота, ненэцие’’ вадавна манзарана. Тикахад’ Парасковья Ловыгина Кара ӈэсыхына маля ӈока по’’ ямбан садик’ ервотаӈэ’ тарана. Пыдо’ ӈэсынандо’ ненэця’’ ӈока, вадам’ школахана, садикхана едэювна тохолабван’ харвадо’.